Qumqo‘rg‘on tumanida Qishloq xo‘jaligi xodimlari kuni – “Hosil bayrami” keng nishonlandi.
Agrar soha zahmatkashlari kasb bayrami munosabati bilan Qumqo‘rg‘on tumanidagi “To‘maris” tantanalar saroyida tadbir bo‘lib o‘tdi. Unda ilg‘or fermer va dehqonlar, mexanizatorlar, suvchilar, tajribali tomorqa yer egalari, sohaga xizmat ko‘rsatuvchi tashkilotlar va qayta ishlash korxonalari vakillari ishtirok etdi.
Tadbirda Qumqo‘rg‘on tumani hokimi Anvar Normamatov qishloq xo‘jaligi xodimlarini “Hosil bayrami” bilan samimiy tabriklab, joriy yilda ham fermer va dehqonlarimizning fidokorona mehnati sabab hosillarimiz mo‘l-ko‘l bo‘lganligi va oziq-ovqat xavfsizligini ta’minlashga salmoqli hissa qo‘shilganligini ta’kidladi.
Tadbirda bir guruh ilg‘or fermerlar, qishloq xo‘jaligi sohasi xodimlari va dehqonlarimizning samarali mehnati, erishgan yutuqlari, soha rivojiga qo‘shgan hissasi e’tirof etilib, taqdirlanishdi.
Telegram | Instagram | YouTube | Web-site | Facebook