Dasturda aholi salomatligini ta’minlashdagi yana bir muhim masala tibbiyotning birlamchi bo‘g‘inini bosqichma-bosqich transformatsiya qilishga qaratilgan muhim vazifalar belgilangan. Unga ko‘ra, oilaviy poliklinikalar, oilaviy shifokorlik punktlari va mahalla tibbiyot punktlarida aholiga birlamchi tibbiy-sanitariya yordamini ko‘rsatishning samarali tizimini joriy etish, ko‘p tarmoqli markaziy poliklinikalar faoliyatini markaziy shifoxonalarning maslahat diagnostika poliklinikasi sifatida yo‘lga qo‘yish nazarda tutilgan.