Kuvayt — Fors ko‘rfazi mintaqasida barqaror siyosiy tizimi, kuchli iqtisodiyoti va rivojlangan ijtimoiy infratuzilmasi bilan ajralib turadigan mamlakat. Ushbu davlat mintaqada tinchlik va barqarorlikni ta’minlashda ham alohida ahamiyatga ega.

Shu yil 17-18-fevral kunlari ushbu davlatga tashrif doirasida Al-Kuvayt shahrida Prezidentimiz Shavkat Mirziyoyev va Kuvayt Davlati Amiri Shayx Mish’al as-Saboh o‘rtasida o‘tkazilgan uchrashuv, shubhasiz, mamlakatlarimiz o‘rtasidagi do‘stlik va ko‘p qirrali sheriklikni yanada mustahkamlash uchun muhim bosqich bo‘ldi.