Kambag‘allik — insoniyatning eng dolzarb ijtimoiy muammolaridan biri sanaladi. Keyingi yillarda mamlakatimizda aholining yuqori daromadli barqaror ish bilan bandligini ta’minlash, sifatli ta’lim va tibbiy xizmatlardan foydalanish imkoniyatlarini kengaytirish, ijtimoiy himoyani kuchaytirish davlatimiz siyosatining ustuvor yo‘nalishlaridan biriga aylandi. Shu bois, eng chekka hududlarda infratuzilma tarmoqlarini barpo etishni qamrab olgan “ko‘p o‘lchovli” kambag‘allikni qisqartirish dasturi hamda yoshlarning innovatsion va raqamli texnologiyalarga asoslangan ta’lim olishi va kasb-hunar o‘rganishi uchun kompleks chora-tadbirlar amalga oshirilmoqda.