Ўзбекистон темир йўллари хизматидан фойдаланганингизда манзилга етиб олган вақтингиз ёки поездга вақтлироқ бориб қолсангиз, йўловчилар учун пулли Вип заллар хизмати мавжуд. Номи айтиб турганидек, юқори даражада хизмат кўрсатувчи зал.

Вилоятларга сафарларим давомида бу зал хизматидан кўп фойдаланганман. Аксарият жойларда номига яраша хизмат сифати ҳам яхши. Масалан Бойсунда. Бироқ, Қарши шаҳридаги вокзалда бунинг акси. Иккинчи маротаба шундай ҳолатни кузатдим. Залга киришингиз билан аввало хизмат учун нақд пул тўлашингизни сўрашади, бунақа пайтда ўша нақд пуллар қаерга кетар экан, нега айнан нақд шаклда деган ҳақли савол туғилади. Буям майли энг ёмони Вип залда ҳожатхона муаммоси бор. Доимо ёпиқ туради. Бугун иккинчи маротаба шу ҳолатга дуч келдим. Вип номига яраша хизмат қилиш керакмасми? Энг аввало ҳар бир йўловчининг дастлабки эҳтиёжи учун керакли шароит қилинмаган. Қачонки талаб қилсангиз қулфни очишади. Видеода англашилганидек, бугун ҳам шундай бўлди.

Қарши вокзалидаги бу ҳолатни тартибга олиш керак.