Kuni kecha Pedagogik mahorat va xalqaro baholash ilmiy-amaliy markazi jamoasi ishtirokida "O‘sish va jamoaviy ruhni mustahkamlash" mavzusida seminar-trening bo'lib o'tdi. Seminardan maqsad xodimlarning shaxsiy va kasbiy rivojlanishini qo‘llab-quvvatlash va jamoa ruhini mustahkamlash bo'lib tajribali trener To'rayev Boboyor Bahtiyarovich va xalqaro ekspert Loi Train tomonidan jamoaga vaqtni samarali boshqarish, motivatsiya, jamoaviy hamkorlik va stressga chidamlilik bo‘yicha qimmatli bilim va tajribalar berildi. Trening doirasida vaqtni samarali rejalashtirish va unumdorlik bo‘yicha amaliy mashg‘ulotlar, jamoaviy hamkorlikni rivojlantirish uchun interaktiv mashg‘ulotlar, ish va hayot muvozanatini saqlash hamda kasbiy toliqishning oldini olish bo‘yicha strategiyalar haqida atroflicha malumotlar beriladi. Bu trening nafaqat yangi bilim olish, balki jamoa sifatida rivojlanish va kelajakdagi yutuqlarga zamin yaratish uchun ham muhim omil bo‘ldi.