Shaxsiy fikr:

🗣 Madhiya – bu nafaqat davlat ramzi, balki millatning faxr, g‘urur va birdamlik timsolidir. Ayniqsa, bolalar uchun madhiyaning ta’siri juda katta. Ularning qalbida vatanparvarlik, o‘z yurti bilan faxrlanish hissini uyg‘otishi, milliy qadriyatlar va tarixga hurmatni shakllantirishi lozim.

👤Bolalik – bu shaxsiyat shakllanadigan, kelajak hayotga asos qo‘yiladigan davr. Shu bois, madhiyani eshitish va kuylash bolalar uchun oddiy rasmiyatchilik emas, balki vatanini sevish, uni himoya qilish, unga sodiq bo‘lish kabi yuksak tuyg‘ularni his etish vositasi bo‘lishi kerak. Agar bolalar madhiyani yod olsalar, uni yurakdan kuylasalar, ular o‘z xalqining tarixi, qadriyatlari va buyukligi bilan faxrlana boshlaydilar.

⏺

Madhiya orqali bolalarga o‘z mamlakati ulug‘ligini his qilish, uni rivojlantirishga hissa qo‘shish istagi paydo bo‘ladi. Bu esa bolalarda mas’uliyat va yurtga sadoqat hissini oshiradi. Madhiya kuchli, g‘ururli, jo‘shqin ohangda aytilsa, bolalar uni to‘g‘ri qabul qiladi. Shu ishonch ularning kelajakda faol, vatanparvar shaxs bo‘lib yetishishiga yordam beradi.

💬

Shuning uchun ham madhiya bolalarga, kuch, ishonch va faxr tuyg‘usini beradigan qudratli vosita bo‘lishi shart. Uni faqat rasmiy tadbirlarda emas, balki har kuni yurakdan his qilib, ma’nosini anglab kuylash muhim. Chunki madhiya – bu millatning yuragi, bolalar esa millatning kelajagi!

📰 Shunday ekan, madhiyaning bolalar tarbiyasida o‘rni juda muhim. Uni faqat tantanali marosimlarda emas, balki maktablarda, sport musobaqalarida, madaniy tadbirlarda ham doimiy kuylash lozim. Shunda bolalar o‘z yurti bilan har doim faxrlanadi va unga munosib avlod bo‘lishga intiladi.

🕊Telegram📱Instagram📱Facebook