Jamshid’s Notes📝

Бизлар бўлмасак ҳам жахон бўлғуси,
Бизлардан на ному нишон бўлғуси,
Аввалку йўқ эдик, етмовди ҳалал
Яна бўлмасак ҳам, ҳамон бўлғуси

Умар Ҳаййом

Мартаба-мавқе учун харакат қилаётан бир гурух, собиқ талабалар университетда дарс берган профессор устозларининг зиёратига боришди. Гап айланиб, иш ва хаётдаги рухий зиқликларга тақалди.

Мехмонларини қахва билан сийлаш учун профессор ошхонага борди ва қўлида катта термосда қайноқ сув билан қайтди. Столга қахва ва чинни, пластик, шиша, биллур ва шунга ўхшаш хар хил турдаги арзон-қиммат қахва финжонларини териб қўйди.

Хамма ўзига финжон танлаб олганидан кейин профессор талабаларига деди:

- Бир нарсани сездингизларми? Қимматбахо, чиройли финжонлар танланди. Оддий, арзон финжонларни хеч ким олмади. Ўзингизни хар доим энг яхшисига муносиб кўришингиз, аслида, оддий хол бўлиш билан бирга, тушкунлик ва муаммоларнинг манбаи хам хисобланади. Эсингизда бўлсин, фақатгина финжоннинг ўзи қахвага хеч қандай там бера олмайди. Финжонлар жуда қиммат
бўлишига қарамай, бизга фақат ичишда ёрдам беради, холос. Хаммангиз қахва истаган эдингиз, финжон эмас. Лекин онгли равишда аввало финжонга талпиндингиз, кейин эса зимдан бир-бирингизнинг финжонингизни кузатишга тушдингиз... Хаёт хам қахвага ўхшайди. Иш, пул, жамиятдаги ўрнингиз эса финжон мисоли. Улар шунчаки, яшаш учун кураш қуроллари. Сиз танлаган финжон кахва сифатини белгиламаганидек, яшаш учун куролингиз хам хаётингизни ўзгартиролмайди...

Ха, устоз айтганидек, факат финжонга ўралашиб, Аллох тортиқ қилган қахванинг лаззатидан бебахра қолманг. Қахвани яйраб ичинг!

Энг бахтли инсонлар хамма нарсанинг энг яхшисини қўлга киритганлар эмас. Балки хамма нарсанинг лаззатини, қадрини ва тамини билганлардир...

(c) “Иймон ва Ҳузун” китобидан

Bir kishi yolg'on gapirish gunoh ekanini bilsa-yu, yolg'on so'zlasa, demak, ilmiga amal qilmabdi.

© Dr Mahmud As'ad Jo'shon

ЎЗИ ЙЎҚ ОДАМ

Нега одамлардан қочиб юрасиз,
Суҳбат ҳам қилмайсиз у ёқ-бу ёқдан.
Дейди, бармоғини қилганча бигиз:
– У ёқдан топшириқ кўп-да, у ёқдан.

Ҳовли-жой қурибсиз, яхши-ку, бироқ
Мўл-мўл ишлатибсиз қўнғир бўёқдан.
Бармоғин тепага қадайди шу чоқ:
– У ёқдан топшириқ тушди, у ёқдан.

Бир кун сўрадилар: қарарми келин,
Мабодо хасталик чалса оёқдан?
Шўрлик жавоб қилди шивирлаб секин:
– Албатта топшириқ келса у ёқдан.

Охир тирикликдан бўлди у жудо,
Сабаб бошданмиди ёки туёқдан.
Ҳар ҳолда, ётарди дегандай гўё:
– У ёқдан топшириқ бўлди, у ёқдан.

22.03.2015
Абдулла Орипов

Marhamat tuyg’usi senda yo’q bo’lsa
Tutgan ro’zangni ne ma’nosi bor
Uyingda miskinga taom yo’q bo’lsa
Bir oy och qolmoqning ne ma’nosi bor?

Agar tarozidan ayirib qolsa,
Tiling zahar kabi yurak og’ritsa
Qo’ling pora olib, poralar bersa
O’qigan namozing ne ma’nosi bor?

Yolg’ondan ont ichib, savdo qilganlar
Haqiqatdan xabarsiz, xato qilganlar
Haqsizdan pul olib, haqli qilganlar
Haj qilmog’ining ne ma’nosi bor?

Harom pullariga saroy qurganlar
Yetimning haqqini bo’lib yeganlar
Tuhmat bilan kimnidir bahtsiz qilganlar
O’lganida “YOSIN”ning ne ma’nosi bor?

Namoz ham, ro’za ham muhim birodar
Vijdonli bo’lish qiyin birodar
Asli inson bo’lish muhim birodar
Amalsiz Qur’onning ne ma’nosi bor?

(c) Yetim Eyvaz

Hayo ozaygan joyda ilk zarbani iymon yeydi.

Haqiqat shuki - oxirida baribir hammamiz o’lamiz!

Ajib odati bor umr daryosin
Dastlab sust oqadi, sokin, zo'rba-zo'r.
Endi tushunganda hayot ma'nosin
Uning shiddat bilan oqishini ko'r.

Chamandek ochilib-sochilgan edi,
Yoshlikning nafarmon gullari kecha.
Quritib qo'yibman, oh bilsam endi
Umr daryosini men icha-icha...

(c) Naim Karimov

ЖИМ ЁТАР

Залворли сукунат! Дунё юкидан
Эзилиб не давру даврон жим ётар.
Сайду сайёдларнинг вахшийлигидан
Яйраб юролмайди – жайрон жим ётар.

Ҳаддан ошиб кетсанг тўкин чоғларда,
Оловдек ўртангай қалбинг доғларда...
Ҳаттоки пурвиқор сокин тоғларда
Паймонасин кутиб вулқон жим ётар.

Эслаб кўр – не сабаб икки Инсонни
Ҳайдаб чиқардилар, қўшиб шайтонни...
Нафс ёмон, бир қара, шўрлик сичқонни
Етаклаб бормоқда... қопқон жим ётар.

Эй дўстим, шериксиз чиқмагил овга,
Не ҳам қилолардинг бир ўзинг ёвга.
Ҳар инсон мухтождир бошқа бировга,
Ёйсиз қолса кор йўқ – камон жим ётар.

Закий кўзлар учун ёруғдир кеч ҳам,
Ҳаддини билгайдир, ошмайди ҳеч ҳам.
Ақлли сайёдлар шошмайди ҳеч ҳам,
Ўлжаси ўтлайди... Арслон жим ётар.

Хайрулло, бас, етар, ўйнадинг-кулдинг,
Дунёнинг энг сирли ўйинин билдинг.
Шовқин-сурон қилма, уч кунга келдинг,
Бировнинг уйида меҳмон жим ётар.

(с) X. Hamidov

Aqlli odam bilganining yarmini ham gapirmaydi,
nodon gapirayotganining yarmini ham bilmaydi.

(c) Konfutsiy

Osmonlarga uzatdik qo'lni
Yuraklarga qo'ndi bir surur
Tanlagandik eng mushkul yo'lni
Oxir bizni o'ldirdi g'urur

Bizga qarshi jang qildi samo
Boshimizdan yog'ildi qorlar
Qishdan omon chiqqandik ammo
Bizni qatl etdi bahorlar!

X. Hamidov

Bir tomondan Allohdan qo'rqsangu,bir tomondan uning marhamatidan umid qilsang ikki qanoting bo'ladi. Lekin unutma,
bir qanotli qush ucha olmaydi.

©Jaloliddin Rumiy

Atrofingdagi odamlar kim bo’lsa sen ham o’shasan!

Himmating - qimmating!

Ya'ni, sening qadr-qimmating, darajang himmating miqdoricha bo'ladi. Oliy himmat bo'lsang oliymaqomsan, past himmatli bo'lsang, past qiymatlisan, umuman himmatsiz bo'lsang...
Hullas senga boshqalar baho qo'ymasin, o'zing o'zingni baholab qo'yaver!

Ajoyib gap ekan