Tarbiyasi og‘ir bo‘lgan bolalarning ota-onalariga muammolarini hal qilishda yordam beruvchi asosiy qoidalar zarur bo‘ladi. Bunday qoidalarga quyidagilarni kiritish mumkin:

- Bola o‘zini yaxshi tutgan paytlari har doim uni ko‘proq maqtang. Bu uning  quvonch bilan  har doim siz ma’qullaganingizdek o‘zini tutishga harakat qilishiga yordam beradi.

- Agar bola injiqlik qilsa va o‘zini noto‘g‘ri tutsa — bolaning shaxsini muhokama qilmang!  Uning aynan shu lahzadagi xulqini muhokama qiling. Shunday qilsangiz bola o‘zini hurmat qilishlarini, yaxshi ko‘rishlarini, lekin hozirgi qilgan ishi noto‘g‘ri ekanligini tushunadi.

- Har doim farzandingizning yoshini va rivojlanishini hisobga oling.

- Boladan so‘rayotgan talablaringiz mantiqiy bo‘lishi kerak.

- Nojo‘ya ish uchun beriladigan jazolarning vaqtlari izchil bo‘lishi kerak.

- Bolani jazolashda o‘zingiz xotirjam bo‘lishingiz kerak.

- Bola gapga quloq solmasdan injiqlik qilayotganda gapingiz ohangi va taxlitiga e’tibor bering — o‘zingiz siz bilan shu yo‘sinda gaplashishlarini xohlarmidingiz?

- Har doim bola sizni tushunayotganiga ishonch hosil qiling.

👩‍🍼Ona va Bola