Юрагимда алоҳида ўрин тутган ва Европадаги илк катта саргузаштим бўлган “Ланс” жамоаси билан хайрлашиш вақти келди.

Франция ва “Ланс” шаҳрига самимий қабул учун катта раҳмат! Франция менга эшикларини очди, французлар менга меҳрибон эди. Бунинг учун сизларга раҳмат.

Ўтган бир ярим йил давомида мени қўллаб-қувватлаган барчага чуқур миннатдорлик билдираман.

“Ланс”нинг ажойиб мухлисларига катта раҳмат. Сиз жамоангиз учун ҳамма нарсага тайёр бўлган ҳақиқий армиясиз. Бизни олға етакладингиз, сўнгги нафасимизгача тинмай қўллаб-қувватладингиз.

Фаолиятимда мени янги синов кутиб турибди, лекин бу ерда бошдан кечирганларимни ҳеч қачон унутмайман. “Ланс” доимо юрагимда қолади ва менинг бир қисмим ҳамиша “Санг эт Ор” (“қон-олтин” – “Ланс”нинг лақаби – таҳр.) бўлиб қолади”, - деб ёзди Ҳусанов ўзининг Telegram саҳифасида.