"Misolchun seni qotillik qilganing uchun qidirishyapti. Kel sen shu ishni qilgansan deb o‘ylaylik. Jon Rut seni Red-Rokka olib borib, hukm qildirmoqchi. Agar aybdor deb topilsang, shaharliklar seni maydonda dorga osishadi, men esa jallod sifatida o‘z vazifamni bajaraman. Agar bularning barchasi amalga oshirilsa, bu bizning jamiyatimiz adolat deb hisoblaydigan narsadir. Ammo, sen o‘ldirgan odamning qarindoshlari va yaqinlari hozir shu eshikni ortida turishgan bo‘lsa-chi! Agar ular eshikni buzib kirib, seni ko‘chaga sudrab chiqishsa va bo‘yningga arqon solishsa - bu samosud deb ataladi.

Xo‘sh, bu samosudning yaxshi tomoni shundaki, u qasos chanqog‘ini juda yaxshi qondiradi. Yomon tomoni esa - u doim ham adolatli bo‘lavermaydi. Lekin, oxir-oqibat, ular o‘rtasidagi haqiqiy farq nimada? Haqiqiy farq menda, jallodda. Sen nima ish qilganing menga baribir. Sening o‘limingdan men zavqlanmayman. Bu shunchaki mening ishim. Seni Red-Rokda osaman, boshqa shaharga ko‘chaman va yana kimnidir osaman. Arqonni tortib, bo‘yinni sindiradigan odam xolis bo‘ladi. Xolislik - adolatning o‘zagidir. Chunki tarafkashlik bilan amalga oshirilgan adolat, har doim adolat bo‘lmasligi mumkin."

@nofalsafiy