#kundalikdan

Oilangni asrab qolmoqchimisan
“xo’p” de,
Ishingda ko’tarilmoqchimisan
yana “xo’p” de,
Talab qandayligi muhimmas,
“Xo’p” desang, bas. O’lmaysan.
“Xo’p”lardan iborat suvdek umringni
Xo’plab-xo’plab yutib yuborar
hayot. Sezmaysan.
Bu buyuk yolg’onlar ichida kichrayib borasan,
Borliging parchalab tashlagaydir “xo’p”,
Faqat Xudo bordir,
qolgani sarob.
Faqat Xudo qodir
bo’ysunmagich,
“xo’p” demagich bandasini ko’proq sevishga.
Yanayam kim biladi.

Sen bu yozganlarimni o’qimading, xo’p?!

@abbosova_mehrinoz