...Bizning qahramonlar

Safarbarlik erur har bir odimi,
Dahldor turadi har soniyaga.
Yelkama-yelkadir insoniyatga,
Elektr tarmoqlari xodimi.

Biz va siz tun chogʼi tin olgan payti,
Ular sim yogʼochlar ustida yurar.
Bir ishni yakunlab orqaga qaytib
Yoʼlini payonsiz choʼllarga burar.

Izgʼirin koʼzlarni ochirmagan dam,
Ular qoʼl tegizar sovuq simlarga.
Xoriganin hech kim sezmagan odam
Bedor kirib borar tunlarga.

Saraton qilichin tirab yelkaga,
Soyalarga sudrab borar fursatda.
Kim u yetib borib har bir oʼlkaga,
Quyunlar ichida xizmat koʼrsatgan.

Yashaymiz shodumon kutib kunlarni,
Shodliklar ichida quvnab boramiz.
Bir haqiqat bordir–doʼstlar ularni
Ishimiz tushganda eslab qolamiz.

Zoir Alim

Telegram | Facebook | Instagram | Youtube