МУСОФИРЛАР

✅ Россияда сим-карта олиш учун батафсилроқ қўлланма

Баъзи операторлар сим-карта сотаяпти, лекин тўлиқ алоқадан фойдалана олмайсиз. Шундай сим-картани олиб, алоқадан тўлиқ фойдаланиш учун қуйидагиларни бажариш керак:

— Аввал электрон почта очинг. Ўзбекистон рақамига ҳам электрон почта очсангиз бўлади.
— Паспортингизни нотариал таржимаси, паспортнинг ўзи, регистрация, миграцион картани олиб, Мои документы га боринг ва СНИЛС олинг. СНИЛС бепул берилади. Фақат Мои документы деган жойда ёки СФРда берилади. Бошқа жойда берилмайди.

— СНИЛС тайёр бўлганидан кейин Мои документы га СНИЛСни олиш учун борганда Госуслуги очтиринг.

Госуслугини ҳали сим-картангиз йўқ бўлса ҳам электрон почтага очиб бера олишади. Госуслуги очгандан кейин Сбербанкка боринг. Cбербанкда бепул карта очтиргач, Единая биометрическая системада рўйхатдан ўтказишларини сўранг (я хочу пройти биометрию, как я могу сдать биометрию у вас? деб сўрайсиз). Биометриядан ўтиш юзингиз билан ёнга, тепага, пастга қараб, бошингизни айлантириб расмга тушишдек гап. Камерага қарайсиз холос. Ортиқча нарса йўқ.

— Сим-карта сотадиган жойга ўзингиз билан телефонингиз, паспортингиз, паспортингизни таржимаси ва регистрациянгизни олиб боринг.

Сим-карта сотадиган жойдагилар сиз билан шартнома тузиб, телефонингизни imei кодларини ёзиб олиб, биометрия ва госуслуги ёрдамида сизга сотган сим-картани ишга тушириб беришади. Шу билан кейинги сим-карталарни олаётганда тўғри алоқа оператори офисига бориб, янги сим-карта олаверасиз. Бир мигрантга 10тагача сим-карта мумкин.

Агар қайсидир рақамни ишлатишни хоҳламасангиз, алоқа оператори орқали ўчириб қўйиб, яна бошқа олаверсангиз бўлади.

©Зарнигор Омониллаева

👉 t.me/musofirlar

🇹🇷 Истанбул шаҳридаги Ўзбекистоннинг Бош консулхонаси ўзбекистонликларга огоҳлантириш билан чиқди.

Қайд этилишича, сўнгги пайтларда айрим жиноий гуруҳлар Ўзбекистон фуқароларига катта пул мукофоти ваъда қилиб, уларни Европа Иттифоқига, асосан Грецияга ноқонуний муҳожирларни денгиз орқали ўтказишда воситачи сифатида ишлатишга ҳаракат қилмоқда.

Ҳозирда бундай ноқонуний фаолиятга жалб қилинган фуқаролар Туркия қонунчилигига кўра жиноий жавобгарликка тортилиб, узоқ муддатга озодликдан маҳрум этилмоқда.

Ноқонуний миграцияга кўмаклашишнинг оқибатлари:

• 10 йилгача озодликдан маҳрум этиш жазоси;
• катта жарималар ва депортация;
• Туркияда доимий яшаш ва ишлаш ҳуқуқидан маҳрум бўлиш;
• Туркия ва Европа мамлакатларига кириш тақиқлари.

👉 t.me/musofirlar

❗«Судланганлик» ҳолати сабабли ҳужжат берилмаслиги ҳақида

Маълумки, кўпчилик мигрантлар уларда «судимость» борлиги учун патент олишда «отказ» олишади. Чунки қонун бўйича «судимость» муддати тамом бўлмагунича патент/РВП/ВНЖ берилмайди. Аксарият мигрантлар ўзининг судланганлик ҳолати қачон олиб ташланишини билмагани сабабли унинг қандай ҳисобланишига тўхталиб ўтамиз:

Шахснинг судланганлик ҳолати қуйидаги пайтларда тугалланади:

🔺шартли ҳукм қилинганларга нисбатан — синов муддати тугаган кундан бошлаб;

🔺мажбурий жамоат ишлари, хизмат бўйича чеклаш ёки интизомий қисмга жўнатиш тарзидаги жазоларини ўтаб чиққач;

🔺жарима жазоси ижро этилган кундан кейин, шунингдек муайян ҳуқуқдан маҳрум қилиш ёки ахлоқ тузатиш ишлари жазолари ўталганидан кейин бир йил ўтгач;

🔺озодликни чеклаш жазоси ўталганидан кейин — икки йил ўтгач;
беш йилдан кўп бўлмаган муддатга озодликдан маҳрум қилиш жазоси ўталганидан кейин — тўрт йил ўтгач;

🔺беш йилдан ортиқ, лекин ўн йилдан кўп бўлмаган муддатга озодликдан маҳрум қилиш жазоси ўталганидан кейин — етти йил ўтгач;

🔺ўн йилдан ортиқ, лекин ўн беш йилдан кўп бўлмаган муддатга озодликдан маҳрум қилиш жазоси ўталганидан кейин — ўн йил ўтгач.

© Азиз Мингазов

👉 t.me/musofirlar

💉 Россияда шифокор қабулига қандай ёзилиш мумкин?

📄 ДМС суғурта полиси билан:

1. Суғурта компаниясига қўнғироқ қилинг

2. Сизга қайси шифокор кераклигини айтинг

3. Сизга клиника ва кўрик вақти тайинланади

4. Ўзингиз билан паспорт ва суғурта полисини олиб боринг.

📄 ОМС суғурта полиси билан (ЕАЭС фуқаролари ва РВП/ВНЖ эгалари учун):

1. Тегишли поликлиникага бириктирилинг
2. Рўйхатдан ўтинг (регистратурада ёки госуслуги порталида)
3. Паспорт, суғурта полиси ва рўйхатдан ўтиш ҳужжатларини олиб боринг

💵 Пуллик қабул:

1. Клиникани танланг
2. Қўнғироқ қилинг ёки сайтда рўйхатдан ўтинг
3. Паспорт ва пулни олиб бораверинг.

⚠️ Муҳим: Агар шифокор шошилинч керак бўлса, албатта 103 рақамига қўнғироқ қилинг! (тез ёрдам).

👉 t.me/musofirlar

❌ Хатолик бўлиб "реестр"га тушиб қолган бўлсангиз, сиқилишга, ваҳима қилишга шошилманг

Ҳужжатингиз бор бўлса, яқин орада бу реестрдан чиқиб кетасиз. Шошилинч бўлмаса, ҳаттоки реестрдан чиқиш учун бирор жойга боришингиз ҳам шарт эмас. Бугун 10 дан ортиқ реестрдан ўз-ўзидан чиқиб кетган одамлар билан суҳбатлашдим. Яна шунча одам билан ОВМ ОМВДга бориб, реестрдан чиқиш учун мурожаат қилинишида иштирок этдим ва ҳаммаси яқин орада изига тушиб кетишига ишончим комил.

Адашиб тушиб қолганингиз учун чекловлар қийнаётган бўлса, масалан, банк картасидан фойдалан олмаётган бўлсангиз, банкка бориб, 30 минг рублгача пулингизни нақд ечиб олишингиз мумкинлигини эслатиб кетаман.

Т-банкдан бошқа ҳамма банкларнинг офислари бор. Офисларига бориб, пулингизни ечиб олинг ва нақд пул ишлатиб туринг.

❗️ Фақат Т-банк ишлатиб юрадиганларга эса тезроқ регистрациянгиз қўйилган ҳудуддаги ОВМ ОМВДга бориб, ҳужжатларингиз борлигини ва реестрга хатолик билан тушиб қолганингизни тушунтиринг.

✅ Кеча ва бугун ўзини реестрдан чиқариш учун борганлар ҳеч қандай аризасиз ҳужжатини кўрсатиб келиб, реестрдан чиқиб кетишди. Яъни ёзув-чизувларсиз қутилишди.

Шунинг учун ваҳима қилмаймиз, ҳаммаси яхши бўлади❤️

© Зарнигор Омониллаева

👉 t.me/musofirlar

⚠️ Диққат, кечадан бошлаб Россия ҳудудида "назорат остидаги шахслар рўйхати" (реестр контролируемых лиц) ишга туширилди.

🔎 Агар Россия ҳудудида ҳужжатсиз юрган бўлсангиз, ўзингизни ушбу реестрда текшириб олинг.

Мигрантлар назорат остидаги шахслар реестрига қуйидаги ҳолларда киритилади:

🔺патент/ регистрация , РВП/ ВНЖ амал килиш муддати тугаб Россиядан чиқиб кетмаган бўлса;
🔺патент/ РВП/ ВНЖ бекор қилиниб (аннулирование) Россиядан чиқиб кетмаган бўлса;
🔺суд орқали выдворения бўлган ва кетмаган бўлса;
🔺Россияга киришга тақиқ (запрет) олган мигрант;
🔺Россия ҳудудига ноқонуний кириб келган бўлса (айланма йўллар билан)
🔺жиноят содир этган бўлса.

Ушбу рўйхатга тушган мигрантларга қуйидаги ишларда чеклов ўрнатилади:

▪️Ички ишлар органининг рухсатисиз яшаш жойини (турар жойини) ўзгартириш;
▪️кўчмас мулкни, транспорт воситаларини сотиб олиш ва рўйхатдан ўтказиш;
▪️ЗАГСда рўйхатдан утиш;
▪️юридик шахсни ташкил этиш, якка тартибдаги тадбиркор сифатида рўйхатдан ўтиш;
▪️банк ҳисоб рақамини очиш ва банк операцияларини амалга ошириш (мажбурий тўловларни тўлаш мақсадида пул ўтказмалари, шунингдек назорат қилинадиган шахснинг ҳисоб рақамига пул ўтказмалари ва назорат қилинадиган шахсга ойига 30 минг рублдан кўп бўлмаган миқдорда нақд пул маблағларидан ташкари).

Банк карталар блокланиши аллақачон бошланган.

▪️Ушбу рўйхатга тушган мигрант белгиланган вақтда МВД нинг ҳудудий бўлимларига мурожаат қилиши шарт.

❗️Назорат остидаги шахс томонидан чекловлар ва тақиқлар такроран (икки ёки ундан ортиқ маротаба) бажарилмаган тақдирда, уни депортация қилиш ва Россия МВД ҳудудий органининг махсус муассасасига (спецприемник) жойлаштириш тўғрисида қарор қабул қилинади.

👉 t.me/musofirlar