Soʻzlar ham soʻzsiz, faqat qalbda ishq oʻz sozini sozlagan...

Naqadar goʻzalsan-a?! Naqadar mehr-muhabbatga, yaxshiliklarga, xayrga, haliymlikka, ishqqa toʻlasan-a?! Qalbim tipirchilab sevinib ketyapti.

Tongda qushlarning shukronalik ovozi qalbga zikr boʻlib tushadi.

Lahzalarda ham najotga topinish hissi qamrab oladi...

Ey, daraxtim, gul-u, yaprogʻim, siz ham bir-birlaringizga shivirlab ham bahorni, ham nur oyini sogʻindingizmi? Tabiat hamisha Haqni goʻzal siyrat bilan his qiladi... (Menga shunday tuyiladi)

Ayniqsa, saharlik vaqti uydagilar bilan qoʻngʻiroqlashish boshqacha. Bunday damda masofalar hech narsa emas, odam ich-ichidan oʻzgacha sevinib qoʻyadi-da.

Bu soʻzni esa aytmasam boʻlmaydi, biz har gal bu oyga haqiqiy tavba bilan yetmoqni istaymiz. Qalbingizda mendan ozurdalik boʻlsa, kechiring! Keeeng, ich-ichidan nurlanayotgan osmonga qarab-qarab yozyapman...


Haqiqiy isloh oyi boʻlsin! Ramazon muborak!

@mushohadaa