#oʻylar

Ooo, Edip! Naqadar kuchlisan! Ha-ha, shunday. Sen boshidan taqdir izmida turgancha, bir dahshatlarni boʻyningga olib, yashab qolganding. Oʻsha Kiferon g'orining changalzoriyoq seni togʻ qalbli boʻlmoqqa toblagandir?..

Ooo, Edip! Sen qochding! Ha-ha, qochding! Oʻzingdan, dunyosidan qochding. Lekin otang va onangga zulm qilmaslik uchun hammasidan kechib... qochding. Axir niyating ezgu edi, bu uchun shohlikni tashlab yoʻlga chiqding-ku?! Sen qaydan bilarding-a, yoʻlda bunday savdolar kutayotganini? Bilganingda qolmasmiding oʻsha dunyosida shoh boʻliiiib...

Ooo, Edip! Sen nega bu qadar qudratlisan-a? Oxirida sen ham joningni qurbon qilib hammasidan qutilib ketaman, desang, boʻlardi. Unda biz Edipni topmasdik. Balki, Edip ham oʻzini topmasdi.

Yakunda sen oʻzingni eng haqirlikka uloqtirding. Mana shu boʻlsa kerak asl topinish... Chunki, hamma-hammasi uzildi: podsholik-u, insonlarga hokimlik ham, kibr-u, manmanlik ham... Va asarda aytilgani kabi:

"Qanday bardosh berdi sukunat?"

@mushohadaa