#kechinma
Ustoz, sizning holingizni anglamaydigan, oʻqimasligimni-da sizdan deb biladigan, nega darsda asabiylashadi, deya norozi boʻladigan men hissizni kechiring. 🥲
...Bir ustozimiz darsda baʼzan charchagandek tuyilardilar. Bizga vazifa berib qoʻyib, bir muddat oʻyda qolgandek ham... Oradan nechadir yil oʻtib, ehtimol biroz ulgʻayib ularning oilaviy holatlari haqida eshitganman... Yigʻlagim kelgan. Sabrlariga qoyil qolganman.
Biz eng qadriga yetmaydigan, ammo eng ulugʻ kasblardan biri — ustozlik. Hech ularning koʻngillaridan nima kechayotgani, sharoitlari qanaqa ekanligi haqida oʻylab koʻrganmizmi? Shu maʼnoda bu filmdagi bolajonlarga qoyil qoldim. Ularning qalbi sof, fitrati toza, jipslasha olishdi. Mehr nelarga qodir-a?!
Komedik film nomi ostida tragik fojealarni ochib bergan ijodkorlarga rahmat. Kino bizning bugungi holimizga shu qadar yaqinki... Oʻrgatuvchisi qadr topmagan mamlakatning tanazzuli koʻrinib qoladi, afsuski...
Filmdagi kabi qahramon ustozlari bor boʻlgan millat yashaydi. Avlodlari ham jipslashadi. Faqat qalbi borlarni hayotning bundayin mayda-chuydalaridan asray olaylik, ularni yoʻqotib qoʻymaylik...
Kinodagi voqealar yakuni gʻalati tuyilmasin. Yakuniy oʻy va savolni bizga tashlagan. Va ehtimolki bu jarayon hanuz davom etayotganiga ishoradir...
https://youtu.be/py5KGqubmQQ?si=Bq5ZpNOSiTyg-0DG