Kamtarlikda viqor bor.

Siz nelarnidir gapirmay qo'ldan boy berdim degan paytingizda undan kattarog'iga erishgan bo'lishingiz mumkin...

Qarindoshim bilan telefon aksessuarlari sotadigan joyga borgandik, telefonimga narsa qo'ydirdik. Qaytar ekanmiz, sotuvchi: "Telefoningiz oynasi ancha yomon bo'libdi-ku, siznikini ham zo'r qilib beray ", dedi unga.
U "Yo'q, shartmas, buni ishlatmayman endi", dedi. Yangi telefoni qandayligini so'raganda esa IPhone 15 pro max ultra soft high.... demay, ha yangi-da deb ketaverdi...

Bugun kitob do'koniga bordik, bir kitobni olib qarayotgandi sotuvchi kelib kitobni muqovasini maqtay ketdi. "Bunisi eng yaxshi chiqqani, yana boshqa muqovasi bor, lekin bunchalik emas", dedi. U tasdiqlab eshitib turdi, vaholanki, bu kitob o'zida bor, o'qigan edi.


Hayotingizga kelib ketuvchi o'tkinchilarga nimalarnidir isbotlamoqchi bo'lganingizda, doimo yoningizda bo'lganlar oldida qadringizni tushirishingiz mumkin. Aksincha bo'lsa, qiymatingiz yuqorilaydi.
@munisa_muhiddin