ТЎРТЛИКЛАР

Дунё дастлаб очиқ эшикка ўхшар
Сўнг бир тўрва – таги тешикка ўхшар,
Унинг моҳиятин англагандан сўнг
Тўрт ёнингга боқсchchанг, бўшлиққа ўхшар.

* * *

Эё ёр, сени кундуз офтоб излайди
Тунда сарсон бўлиб моҳтоб излайди,
Бир умр топмаган интизоринг бор
Ҳамон излаётир, шу тоб излайди.

* * *

На сен сори борар суръатим бордир
На бир сўз демоққа журъатим бордир,
Тунлар пинҳон тўккан ёшингга қара:
Ҳар бир қатрасида суратим бордир.

* * *

Худди жоним каби титраб турар шам
Аслида ҳаётга ўхшар шу шам ҳам:
Инсонни даставвал ёндирар орзу
Сўнгра сўндиради умидсизлик, ғам.

Абдунаби Ҳамро