Mingbuloq.uz

Мингбулоқда катта концерт: Севара Алишерова мухлислари билан учрашади!

Мингбулоқ туман маданият марказида жорий йилнинг 26 февраль куни соат 14:00 да ўзбек эстрадасининг ёш ва умидли санъаткорларидан бири Севара Алишерова ўзининг "Қалбларда муҳаббат" деб номланган илк яккахон концерти билан мухлислари қаршисида чиқиш қилади.

Ушбу мусиқий кеча мухлислар учун эсда қоларли лаҳзаларни тақдим этиши кутилмоқда. Севара Алишерова ўзининг севимли тароналари ҳамда янги қўшиқлари билан саҳнада намоён бўлади. Концерт дастуридан рақслар, жонли ижролар ва ажойиб сюрпризлар ўрин олган.

Шунингдек, тадбирда машҳур санъаткорлар меҳмон сифатида иштирок этади:

Искандар Ҳамроқулов
Рустамжон Мадумаров
Сабина Доолл

Концерт чипталари Мингбулоқ маданият маркази кассаларида сотилмоқда. (+998943026268)

Сана ва вақт: 26 февраль, соат 14:00
Жойлашув: Мингбулоқ маданият маркази

Ўзингиз ва яқинларингиз учун ҳақиқий мусиқий байрам уюштиринг! Қизғин ва қизиқарли онларни ўтказишни истасангиз, мазкур концертни ўтказиб юборманг!

O‘zbekiston Respublikasi Prezidentining 2024-yil 4-oktabrdagi PQ-347-sonli qarorining 8-bandiga muvofiq, yuqori natijalarga erishgan va ijobiy tajribaga ega bo‘lgan 50 nafar hokim yordamchisidan iborat “Loyiha menejerlari” guruhi tashkil etilgan. Ushbu tashabbus mahallalarda iqtisodiy va ijtimoiy rivojlanishni jadallashtirish, ilg‘or tajribalarni ommalashtirish hamda innovatsion loyihalarni joriy etishga qaratilgan.

Shu munosabat bilan Toshkent viloyati Zangiota tumani “Qirg‘uzar” mahallasining hokim yordamchisi Kudaybergenova Asiya Mirzali qizi Namangan viloyatining Mingbuloq tumaniga biriktirildi. U Mehnatobod va Tollik mahallalarida o‘z tajribasini tatbiq etish maqsadida ish boshladi.

Bugun Mingbuloq tumani hokimligida tuman hokimining birinchi o‘rinbosari Azizbek Abdusalomov ishtirokida maxsus taqdimot bo‘lib o‘tdi. Unda Kudaybergenova Asiya Mirzali qizi mahallalarda tadbirkorlikni rivojlantirish, aholining bandligini oshirish va ijtimoiy infratuzilmani yaxshilash bo‘yicha amalga oshirayotgan loyihalari haqida ma’lumot berdi. U ilgari qo‘lga kiritgan natijalari va samarali ish tajribasini mahalliy sharoitga moslashtirib, yangi loyihalarni yo‘lga qo‘yish rejalari bilan o‘rtoqlashdi.

"Namangan viloyati hokimi kubogi" shaxmat musobaqasining tuman bosqichi bo‘lib o‘tdi

Mingbuloq tumanida "Namangan viloyati hokimi kubogi" uchun shaxmat musobaqasining tuman bosqichi bo‘lib o‘tdi. Ushbu nufuzli musobaqa viloyatdagi eng mahoratli shaxmatchilarni aniqlashga qaratilgan.

Bugun tuman hokimi o‘rinbosari Jamshid Rahimov musobaqaning taqdirlash marosimida ishtirok etib, musobaqaning ahamiyatini alohida ta’kidladi hamda ishtirokchilarga muvaffaqiyat tiladi.

"Hokim kubogi" dastlab mahallalarda boshlangan bo‘lib, u yerdagi g‘oliblar tuman bosqichida o‘z mahoratlarini sinovdan o‘tkazishdi. Ushbu bosqichda eng yaxshi natija qayd etgan shaxmatchilar viloyat bosqichiga yo‘llanma oldi.

🎉 Tug‘ilgan kun muborak! 🎂
Ota-ona qaramog‘idan mahrum bo‘lgan bolalarni ijtimoiy himoya qilish va qo‘llab-quvvatlash doimiy e’tiborimizda. 🌟 Ularning jamiyatga moslashishi va baxtli hayot kechirishi yo‘lida Mingbuloq tumani "Inson" markazi doim harakatda!
Bugun Bolalarni ijtimoiy himoya qilish shu'basi xodimlari tomonidan voyaga yetmaganlar uchun mini loyiha start oldi. Shu munosabat bilan Mubinaxoning tug‘ilgan kuni maxsus tabriklandi! 🥳
🎤 Markaz direktori E. Abduraxmanov tabrigi:
"Tug‘ilgan kuning muborak bo‘lsin! Bu kun sen uchun quvonch, mehr va baxtga to‘la bo‘lishini tilaymiz. Doimo orzularing sari dadil qadam tashla, biz esa har doim sen bilan birgamiz! Seni chin yurakdan tabriklaymiz!"
💖 Vasiylik va homiylikdagi bolalar doimo e’tiborimiz markazida!
#Mingbuloq_Inson_markazi #Bolalar #Tuğilgan_kun_tabriklari