Marketing atrofida

Telegramda obunachi ko‘paytirish formulasi haqida 

Do‘stlar bu postda siz bilan “Maqsadli mijoz” Youtube kanalida joylangan “Telegramda obunachi ko‘paytirish formulasi” nomli video haqida gaplashamiz.

Ushbu video to‘rt oy avval joylangan bo‘lib, hozirgacha 10 mingdan ortiq koʻrilgan. Davomiyligi 15 daqiqaga yaqin.

Bu foydali videoda  “Meraki” marketing agentligi asoschisi va marketolog Shohbozbek Dolimov o‘z bilim va tavsiyalarini juda ham ajoyib holatda, misollar orqali tushuntirib bergan.

"Shaha Dolimov" nomli Telegram kanaliga taxminan 4 oy davomida 28 ta post yozish orqali 9818 ta obunachi qo‘shilgan.

Kanal o‘sishi ushbu vaqt davomida 6282 ta obunachidan 16100 ta obunachiga ko‘paygan.

Telegramda tabiiy obunachi ko‘paytirish juda ham qiyin.

Ikki turdagi auditoriya juda ham sifatli hisoblanadi:

O‘qiydigan auditoriya - maqolalar, gazeta va jurnallar, Telegramdagi maqola va postlar va boshqa.

Uzun video ko‘radigan auditoriya.

Maqsadli mijoz loyihasining asosiy strategiyasi Youtube va Telegramga qaratilgan.

Yozish orqali hayotingizda juda ham ko‘p muammolarga yechim topasiz.

Hamma insonlar hech bo‘lmaganida o‘z kundaliklarini yozish kerak.

Yozishni boshlaganimdan so‘ng qo‘yidagi o‘zgarishlar bo‘ldi:

Fikrlarimni aniq va ravon yetkazishni boshladim.

Keraksiz gaplarimni aniqladim.

Sifatli auditoriyaga ega bo‘ldim.

Stressni oson yengadigan bo‘ldim.

O‘zim uchun tanqidiy fikrlashni boshladim.

Bu maslahatlar ko‘proq shaxsiy blog yuritmoqchi bo‘lganlarga to‘g‘ri keladi.

Sizga obunachilar o‘sish meni blogim kabi tez bo‘ladi deb va’da bermayman. Bu sizning harakatingizga bog’liq.

O‘zim o‘rgangan ushbu 7 ta qadamni sizga tavsiya qilaman:

1. Yo‘nalish tanlang.

Odamlar sizni kanalingizga kirganida nima kutishini bilishingiz kerak.

2. Tanlagan yo‘nalishingiz bo‘yicha har kuni nimadir o‘rganing.

3. O‘rganganingizni qayergadir yozib qo‘ying.

4. Hayotingiz davomida e’tiboringizni tortgan narsalarni saqlab qo‘ying.

5. Qachon va qanday yozish kerakligini aniqlab oling.

6. Yozganingizni avval boshqa insonlarga o‘qitib, keyin kanalga joylang.

7. 30 kunlik yozish chellenjini boshlang.

Foydali boʻldimi, obuna boʻling!

Kanalimiz: @marketing_atrofida

LinkedIn'da yangi qoʻshilmoqchi boʻlganlar uchun (rus tilida) juda ham foydali qoʻllanma.

Raqamli marketingni noldan qanday o‘rganish mumkinligi haqida

Salom, aloqada matnchoy!

Do‘stlar, bu postda siz bilan Youtube platformasining “Maqsadli mijoz” kanalida joylangan Digital(raqamli) marketing yo‘nalishiga doir video haqida choylashamiz!

Ushbu video "Digital marketingni 0 dan qanday oʻrganish mukin" sarlavhasi bilan joylashtirilgan.

“Meraki” agentligi asoschisi va rahbari marketolog Shohbozbek Dolimov raqamli marketing haqida juda ko‘plab foydali tavsiyalarni bergan ekan. Video davomiyligi 21 daqiqaga yaqin.

Vaqtimiz va energiyamizni sarflab, ushbu videoda o‘rgangan barcha bilim va tavsiyalarni, ushbu postda BEPUL ulashamiz:

1. Digital(raqamli) marketologlarda boshqa yo‘nalishlarga qaraganda ozgina ko‘proq ma’sumiyat bo‘ladi.

2. Digtal(raqamli) marketolog bo‘lish uchun 2 xil turdagi bilimlaringiz bo‘lishi kerak:

- Umumiy bilimlar va texnik bilimlar 

Umumiy bilimlarni o‘rganish uchun marketing nima? Degan savolga javob topishingiz kerak. Buning uchun yozuvchi Set Godinning “Buni marketing deydilar” hamda Allan Dibning “Bir varaqli marketing reja” kitoblarini o‘qishingiz mumkin.

Bundan tashqari, raqamli va an’anaviy marketingni farqlari, maqsadli mijozlar kim ekanligini, mahsulot va taklifning bir-biridan farlarini, raqobatchilar tahlilini va mijoz tahlillarini bilishingiz kerak.

II.Texnik bilimlarni o‘rganish uchun:

Kod bilan yoki kodsiz(nocode) sayt yaratishni o’rganishingiz, pullik yoki tabiiy traffik jalb qilishni va tahlil qilishingiz bilishingiz kerak.
_
Foydali boʻlsa, doʻstlaringizga ham yuboring!

@matnchoy - marketing atrofidan choylashamiz!

Bu post 5 ta foydali podkast haqida

Salom, aloqada matnchoy!

Do‘stlar bu postda sizlar bilan marketing, kopirayting va kreativ yo‘nalishlarida Youtubega joylangan 5 ta juda ham foydali bo‘lgan podkastlar haqida choylashamiz.

1. “Kreativ hayotni o‘zgartiradi” sarlavhasi bilan Temur Abduraimov kanalida “Lokals” agentligi katta kopirayteri Said Nazrillayev bilan bo‘lgan suhbat. Havola

 2. “Telegramda obunachi ko‘paytirish formulasi” sarlavhasi bilan “Meraki” agentligi rahbari, marketolog Shohbozbek Dolimov tomonidan yozilgan va “Maqsadli mijoz” kanaliga joylangan video. Havola

3. “O‘zbekcha marketing kiyim fabrikasi tahlilida” sarlavhasi bilan “Cubic podkast” kanalida “Fratelli Casa” milliy kiyim-kechak brendi asoschilaridan biri va rahbari Sherzod Qayumov bilan bo‘lgan suhbat. Havola

4. “Ishingizni mehr bilan qilmasangiz baribir o‘xshamaydi” sarlavhasi bilan “Cubic podkast” kanalida “Lokals” agentligi katta kopirayteri Said Nazrillayev bilan bo‘lgan suhbat. Havola

5. “Netvorking uchun layfxaklar, shaxsiy brendning mas’uliyati haqida” sarlavhasi bilan “Asoschilar podkast” kanalida “MFaktor”, “Dekos”, “Jalinga”, “Kalibr” va boshqa brendlar va loyihalar asoschisi Hasan Mamasaidov bilan bo‘lgan suhbat. Havola

Post foydali bo‘lgan bo‘lsa, boshqalarga ham ulashishni unutmang!

@matnchoy - marketing atrofidan choylashamiz!

Telegramdagi 5 ta marketing va kopirayting kanallari haqida

Salom, aloqada matnchoy!

Do‘stlar, bu postda Telegramda joylashgan 5 ta marketing va kopirayting yo‘nalishlariga doir kanallar haqida choylashamiz!

Marketing bo‘limi - o’z nomi bilan marketing yo‘nalishidagi kanal bo‘lib,  duv-duv gap bo‘ladigan keyslar yaratuvchi agentlik bo‘lmish “605 Agency” rahbari Otabek Sharapov tomonidan yaratilgan. Kanalda ko‘plab davlatlarda yaratilayotgan yangi marketing keyslari, dunyo brendlarining mahsulot taqdimotlari haqida ma’lumotlar va shu sohaga doir mahalliy yangiliklar joylab borilmoqda. TGStat'dan olingan ma’lumotlarga ko‘ra, kanalga obuna bo‘lgan obunachilar soni 10 mingdan ziyod hamda bu kanalga 4114 ta post joylangan. Kanal yaratilganiga 6 yildan oshgan. Kanaldagi oxirgi postlardan biri “Baku  Flames: Ozarbayjonda birinchi xalqaro kreativ effektivlik festivali o’tkaziladi” sarlavhasi bilan joylangan.

Uchadi Uxladi - Bunday kreativ nomga ega bo‘lgan Telegram kanal marketing, PR va reklama yo‘nalishlarini o‘zida birlashtirgan bo‘lib, kanal asoschisi “FCB Artgroup Tashkent” xalqaro kreativ agentligi rahbari Shahruh Nizamutdinov tomonidan yaratilgan. Kanalga yuqorida yozilgan va shunga yaqin bo‘lgan yo‘nalishlarda postlar joylab borilmoqda. TGStat'dan olingan ma’lumotlarga ko‘ra, kanalga obuna bo‘lgan obunachilar soni 4 mingga yaqin hamda bu kanalga 2337 ta post joylangan. Kanal yaratilganiga 3 yildan oshgan. Kanaldagi oxirgi postlardan biri “2024-yilning marketing va biznes bo‘yicha 5 ta eng sara kitobi” sarlavhasi bilan joylangan.

O‘zbekcha yoz - Bu kanal “Lokals” kreativ agentligi katta-kopirayteri Said Nazrillayev tomonidan yaratilgan bo‘lib, asosan kopirayting, kreativlik, keyslar, ekspertlik fikrlar va boshqa foydali ma’lumotlar joylab boriladi. TGStat'dan olingan ma’lumotlarga ko‘ra, kanalga obuna bo‘lgan obunachilar soni 5 mingdan ziyod hamda bu kanalga 228 ta post joylangan. Kanal yaratilganiga 1 yildan oshgan. Kanaldagi oxirgi postlardan biri “Yangi yil payti umuman Telegramga qaramadim” sarlavhasi bilan joylangan.

Kopirayter Ezo - Bir necha yillik tajribaga ega Kopirayter Ezozxon Sarvarovna kanali bo‘lib, bu kanalda kopirayting bo‘yicha juda ko‘plab foydali postlar joylab boriladi. TGStat'dan olingan ma’lumotlarga ko‘ra, kanalga obuna bo‘lgan obunachilar soni 5 mingga yaqin hamda bu kanalga 4576 ta post joylangan. Kanal yaratilganiga 3 yil-u 7 oy bo‘lgan.Kanaldagi oxirgi postlardan biri “Men blogimni rivojlantirdim. Natijada siz undan 7 xil foyda oldingiz” sarlavhasi bilan joylangan.

Kopirayting - Hozirgi vaqtda 4 yildan ortiq tajribaga ega kopirayter, ijodiy menejer va qiziqarli kontentlar hamda ijodiy strategiyalarni yaratuvchi Nurbek Yuldoshev tomonidan yaratilgan. Kanaldagi postlar keskin va faktlarga asoslangan bo‘lib, kopiraytingni o‘rganmoqchi bo‘lgan insonlar uchun tayyor va bepul ma’lumotlar to‘plami sifatida xizmat qilishi aniq. Tgstat'dan olingan ma’lumotlarga ko‘ra, kanalga obuna bo‘lgan obunachilar soni 6.700 ga yaqin hamda bu kanalga 486 ta post joylangan. Kanal yaratilganiga 4 yildan oshgan.Kanaldagi oxirgi postlardan biri “Yaxshi kopirayter bo‘lish juda oson. Ammo zo‘r kopirayter bo‘lish-chi?” sarlavhasi bilan joylangan.

Postni marketing va kopiraytingga qiziqadigan doʻstlaringizga yuborishni unutmang!

@matnchoy - marketing atrofidan choylashamiz!

Foydali bir kitob haqida

Salom, aloqada matnchoy!

Doʻstlar, bu postda ajoyib kitobning bir parcha matni haqida choylashamiz!

Nashriyotlar menga juda koʻp bepul kitob joʻnatadi. Ular asosan marketing haqida boʻlib, nashriyotning fikricha, agar men kitobni tekinga olsam, uni talabalariga koʻproq tavsiya qilaman (orada esa nashriyot kitoblarini koʻproq sotadi).

Ammo bir necha yil avval bir nashriyot biroz boshqacha yoʻl tutdi. Ular menga bir kitobning ikki nusxasini joʻnatdi.

Agar toʻgʻri tushungan boʻlsam, bu bitta kitobni oʻqib boʻlganimdan soʻng ikkinchisini oʻqishga hojat yoʻq. Ammo nashriyot boshqa narsani rejalagan ekan. Ular kitoblarga qoʻshib xat ham joʻnatishgandi. Unda kitob talabalarimga katta foyda keltirishini eslatib, ikkinchi nusxani shu sohaga qiziqadigan biror hamkasbimga berishim soʻralgan ekan.

Shu yoʻsinda mish-mish yoʻnaltirilgan reklamaga yordam beradi. Kitoblarni dush kelganga tarqataverish oʻrniga, maqsadli reklamani men va menga oʻxshaganlar zimmasiga yuklab qoʻyishdi. Xuddi fonar nuri singari, ikkala kitobni olgan odam oʻz atrofidagilar ichidan kitobga qiziqishi mumkin boʻlgan odamni qidiradi va ortiqcha nusxani unga beradi.

"Yuqumlilik" kitobidan
Yona Berger.

Foydali boʻldimi?
Reaksiyalar orqali bildiring!

@matnchoy - marketing atrofidan choylashamiz!

Davomi...

4. Sohaga emas mijozga: Agar siz xizmat sotsangiz, Telegram kanalingizda shu sohaga doir obunachilarni emas, mijozlaringiz sohalaridan obunachilar yigʻing. Masalan, kopiraytermisiz xizmatingizni SMM agentliklari, Marketing agentliklarga sotasiz unda Telegram kanalingiz uchun obunachilarni shu sohalardan izlang, reklamani shu sohalarga bering. Chunki, obunachilar sizning yozgan postlaringizdan ham oʻqib foyda olsin ham xizmatlaringizni sotib olsin.Yoki siz kopirayter boʻyicha kurs ochmoqchi boʻlsangiz unda kopiraytingga qiziquvchilarga reklama yoqsangiz boʻladi. Reklama har doimo maqsadli boʻlishi kerak. Bu narsalarni men pul sarflab oʻrganib, sizga bepulga beryapman.

@natijali_post

Reklama emas tavsiya kerakligi haqida

Albatta, bu yerda Telegram kanali borlar juda koʻp, ushbu post koʻproq ularga foydali boʻladi.

Xabaringiz bor men yaqindagini bu kanal reklamasini koʻplar Telegramdagi koʻzga koʻringan kanallarda reklama qildim. Siz ham qaysidir kanalga joylashtirilgan reklama natijasida kelib, kanalga obuna boʻlgansiz (katta rahmat!).

Ushbu reklamalarga qanchadir mablagʻ sarfladim (shu boʻyicha yana bitta post yozaman). Natijada 700 dan ortiq obunachi yigʻilganini koʻrib turibsiz.

Men ushbu reklamalardan olingan tajribalarimni va qilgan xatolarimni bitta postga joylagan holda, sizga bepulga berishga qaror qildim (reaksiya bosib qoʻying). Yaxshilab joylashib oling:

1. Maqsadli auditoriya: Hech qachon reklama olishda shoshilmang. Kanalingiz yoʻnalishidan hamda reklama maqsadidan kelib chiqqan holda, juda yaqin auditoriyadagi kanallarni tanlang.

Masalan, siz target yoqish xizmatini sotsangiz, u holda siz soha egalari yoki biznes egalari toʻplanadigan kanallarda reklama joylashtiring, chunki ular ham oʻz xizmatini yoki mahsulotarini sotishni xohlaydi. Shunda natija balanroq boʻladi.

2. ToV va tavsiya: Siz joylashtirgan post reklama koʻrinishida boʻlsa, u hech kimga qiziq boʻlmaydi.

Masalan, siz reklama joylagan kanalga, 24 soat oldin joylangan ekspertlik, maʼlumot beruvchi yoki koʻngilochar post 10.000 marta koʻrilgan boʻlsa, yana 24-soat vaqt oʻtib sizning postingiz 2 yoki 3 ming marta koʻriladi.

Sababi nima? Sababi shundaki, bu reklama boʻlib, hammaga ham yoqavermaydi va qiziqish kam boʻladi. Nima qilish kerak? Kanal ToV (ohang uslubi) dan kelib chiqqan holda, tavsiya shaklida, xuddi kanal egasi nomidan yozgandik yozish kerak.

Masalan, hozirda deyarli barcha kopirayterlarning oʻz kanallari bor. Ularni bir kanalga toʻplab. Oʻz kanal nomlari yozilgan har-xil turdagi mahsulotlarni obunachilariga sotishini tavsiya qilgan holda, bu mahsulotlarni esa men tayyorlab yetkazib beraman deb ularga taklif bermoqchisiz.

Juda ajoyib, hozirda barcha kopirayterlar oʻzaro bir-birlarining kanallariga obuna boʻlmoqda. Oʻzbek segmentida hozirgi kunda eng obunachisi koʻp kanallardan bir bu "Kopirayting" nomli kanal boʻlib, obunachilar soni 7000 taga yaqin.

Deyarli, barcha oʻzbek kopirayterlari shu kanalga obuna boʻlgan. Bu kanalda ToV yaʼni uslub esa keskin va faktlarga asoslangan boʻlib, reklama postini shundan kelib chiqqan holda yozishingiz kerak. Shunda natija balandroq boʻladi.

3. Oldingi va keyingi postlar: Siz reklama postini bir hafta oldin yozib, keyin kanallarda reklama qilsangiz natijasi kamroq boʻladi. Siz meni kanalimga reklama joylamoqchi boʻlsangiz kanaldagi postlarimga reklamangizni yaqinlashtirib yozing.

Masalan, kanalimdagi oxirgi post "Qanday qilib reklamani effiktliroq qilish mumkin" nomli post boʻlib, shu postdan keyin sizni reklama postingiz joylanadigan boʻlsa, shu sarlavhaga reklama postingiz mavzusi yaqinroq boʻlsin. Shunda natija balandroq boʻladi.

✅ Yana bor...

@telegrpost

🤩 Tanishuv posti

Ismim Oʻlmasbek - Telegram kanallarga maqsadli auditoriyani jalb qilish boʻyicha mutaxassis, 2022-yildan kopiraytingdaman.

Bu kanal nima haqida:

- Kopirayting
- Telegram kanallarga maqsadli auditoriyani qanday jalb qilish.
- Natija beradigan foydali postlar.

@natijali_post

Kichik bozorni tanlash haqida

"Bir varaqli marketing reja" kitobida shunday yozilgan:

"Agar siz koʻplab fotograflarning reklama matnlariga eʼtibor bersangiz, mana bunga oʻxshash koʻplab xizmatlar qatorlashtirib tashlaganiga guvoh boʻlasiz:

1. Portret suratlar
2. Nikoh va toʻy marosimlari
3. Oilaviy suratlar
4. Tijorat va reklama uchun suratlar
5. Moda suratlar

Texnik jihatdan bir fotograf bularning barchasini suratga ola biladi, lekin sizdan bir savol soʻrayman. Oʻzining nikoh kechasi uchun fotograf qidirib yurgan bir inson tijoriy fotograf izlayotgan odamni qiziqtirgan reklamaga ahamiyat bermaydimi?

Nikoh toʻyi yaqinlashayotgan bola bilan mahsulot broshyurasini tayyorlashi kerak boʻlgan savdo menejeri bir-biridan tubdan farq qiladigan fotograf izlaydi.

Lekin siz oʻzingiz koʻrsata olishingiz mumkin boʻlgan xizmatlarni qatorlashtirib tashlasangiz, bu ikkala boʻlajak mijozga ham qiziq boʻlmasligi mumkin va siz ikkalasini ham qoʻldan chiqarasiz".

Ushbu kitobni taxminan ikki yil oldin kopirayter doʻstimiz hamda ustozimiz Nurbek Yuldashevning tavsiyasiga koʻra sotib olgan edim.

Bu kitobda oʻzingiz kirmoqchi boʻlgan bozorni tanlash, ushbu tanlangan bozorga xabar tayyorlash, mijozlar bilan ishlash va boshqa koʻplab foydali maʼlumotlar berilgan.

Siz yuqorida oʻqigan va bu kitobdan olingan maʼlumotlar, kitobning eng "goʻshtli" joylaridan biri hisoblanadi.

Siz biror sohaga yoki biror bir biznesga kirar ekansiz, avvalo kirayotgan bozorningizni kichik bir nishasini tanlash, bu orqali shu yoʻnalishdagi mijozlarni egallash haqida yozilgan.

Avval bitta tor bozorni ishgʻol qiling, barchasi zoʻr boʻlsa, keyin boshqa va yana boshqa tor bozorlarga oʻtasiz.

Masalan, men ikki yildan ortiq vaqt davomida kopiraytingni oʻrganib kelaman, lekin menda natija zoʻr emas. Bu sohada ham yoʻnalishlar juda koʻp, Instagram reels uchun ssenariylar, Youtube video uchun ssenariylar, SMM uchun postlar, sotuv matnlari va boshqalar. Yana raqobat ham kattalashmoqda.

🏹 Nima qilsam boʻladi, qanday qilsam sohada natija koʻrsata olaman?

Shu kitobda oʻqiganlarimga amalda qilmoqchiman. Yaʼni fokusni bir joyga qaratib, faqat bir yoʻnalishda kattalashishni maqsad qildim.

🎯 Endi faqat Telegram kanallar uchun matn yozaman.

Taʼlim, kitoblar, shu yoʻnalishga yaqin ekspertlar kanallari, foydali shaxsiy bloglar, sohalarga doir kanallar uchun, postlar hamda boshqa turdagi matnlar yozishga harakat qilaman.

Fikringizni reaksiyalar orqali bildiring!

@natijali_matn - Telegram uchun matn!

Maxsus sovgʻa yoxud jozibador xabar qanday tayyorlanishi haqida

"Sizning kompakt diskingiz "CD Baby" tokchalaridan sterillangan qoʻlqop yordamida juda ehtiyotkorlik bilan olindi va satin yostiqcha ustiga qoʻyildi.

50 kishidan iborat jamoa CD sizga joʻnatilishidan avval benuqson ekaniga ishonch hosil qilish uchun uni nazoratdan oʻtkazdi.

Yaponiyalik qadoqlovchi mutaxassisimiz sham yoqib, pulga sotib olish mumkin boʻlgan eng yaxshi zarhal chiziq tortilgan qutiga diskni joylayotgan payt jarayonni butun jamoamiz bilan nafas chiqarmay kuzatdik.

Shundan keyin barchamiz bu ishni nishonladik va butun jamoa boʻlib pochta ofisiga yoʻl oldik. Juma kuni, 6 iyun sanasida kompaniyamizga qarashli "CD Baby Jet" samolyotida siz tomon yoʻl olganida esa, butun Portlend ahli buyurtmangizga "Bon Voyage" deb qoʻl silkidi.

Umid qilamanki, "CD Baby"da xariq qilayotib, vaqtingizni chogʻ oʻtkazdingiz. Biz esa bu jarayondan aniq rohatlandik. Sizning suratingiz "Yil xaridori" sifatida devorimizdan joy oldi. Barchamiz toliqqanmiz, ammo "CDBABY.COM"ga yana tashrif buyurishingizni intiqlik bilan kutib qolamiz."

Bu matn bir necha yillar oldin yozilgan boʻlib, "CDBABY" kompaniyasining buyurtma tasdiqlanganligi haqida mijozining elektron pochtasiga yuborilgan xabar boʻlgan. Oʻsha vaqtlar bu xabar juda keng tarqalgan boʻlib, insonlar bu xabarni boshqalarga yuborish natijasida ushbu kompaniyaga juda koʻp yangi mijozlarni olib kelgan.

"Bir varaqali marketing reja" kitobidan olindi.

⛳️ Davom etamiz!!!

@natijali_matn - Telegram uchun matn!

Hammasi qanday boshlangani haqida

Kopiraytingga qiziqishim qanday boshlangan?

2021-yil sentyabr oyida Ixtiyor Doʻsmetovning "Qadam-baqadam" kursida oʻqiganimdan keyin hayotimda juda katta oʻzgarishlar boʻlgan.

Oʻsha vaqtgacha toʻy va tadbirlarda boshlovchilik qilib, daromaddan chiroyli telefon raqam, chiroyli kastyum shim, oppoq koʻylak va ajoyib koʻrinishdagi oyoq kiyimlar sotib olib yurardim.

Telegramda bu kursni reklamasini koʻrib, sotib olganman. Kurs juda ajoyib boʻlgan. Kursda berilgan bir savol meni juda diqqatimni tortgan edi: Masalan, siz sayohat qilish uchun boshqa davlatga 1 oyga oʻchib ketdingiz, sayohat qilishingiz davomida sizga qayerdan daromad kelib turadi? Afsuski, menda hech qanday javob yoʻq edi.

Shu savoldan keyin harakatlarni, maqsadlarni oʻzgartirib, yangi qarorlar qabul qilishga kirishdim. Qanday ish borki, doimo daromad keltiradigan?

Telegramda bloglar va kanallarni kuzatish davomida oʻqish hamda yozishga qobiliyatim borligini seza boshladim.

Oradan ozroq vaqt oʻtib, 2022-yil adashmasam fevral oyi edi. Anora Abirkulovadan Kopirayting kursini sotib oldim. Ushbu kursdan juda koʻplab kopirayting bilimlarini oʻrgandim.

Bu sohaning qulayligi, doimo bir joyda boʻlish talab etilmaydi. Menga shu tomonlama juda maʼqul kelgan.

Oʻsha yil sentyabr oyida hozirgi kunda Payme'da ishlayotgan doʻstimiz Nurbek Yuldashevdan ham kopirayting kursini sotib oldim.

Kopiraytingni yanada yaxshiroq oʻrganishda davom etdim.Telegramda bu yoʻnalish boʻyicha 10 ga yaqin kanallar ochib, har xil sabablarga koʻra barchasini yopdim.

Orada shaxsiy hayotimda juda koʻp oʻzgarishlar, kutilmagan vaziyatlar, ogʻriqli kunlar, sevgan insonimdan ayrilishlar boʻlib oʻtdi.

Hozirda hammasi yaxshi, oʻz ishim, oʻz biznesim va oʻzim boshqaradigan vaqtim bor.

Hozircha hech qayerda kopirayting yoʻnalishi boʻyicha ishlaganim yoʻq ammo yaqin kunlarda ishga joylashish niyatim bor.

Yaqin vaqtlar davomida juda koʻp kurslarda, shaxsiy kouchinglarda oʻqidim. Taxminan bir ikki oy oldin Jaydari kopirayter doʻstimiz Doniyorbek Erkin oʻgʻlidan ham kurslarini sotib oldim.

Bundan tashqari pulni boshqarish, shaxsiy rivojlanish, sotuv, marketing, kopirayting va boshqa yoʻnalishlarda yozilgan 50 ga yaqin kitoblarni sotib olib, oʻqishni boshladim.

*Yuqoridagi savolga keladigan boʻlsak, qisman javob topdim!

☕️ Hozircha shu!

@natijali_matn - Telegram uchun matn!