maknuna_designer

Agar qo’ymoqchi bo’lgan prinsiplaringizdan Alloh rozi bo’lsa, gunohga yo’l ochmasa, qalbiz taskin topsa ularga qat’iy amal qilishni boshlang . Hammani roziligi muhim emas. Muhimi fitratingiz sofligi, qalbingiz xotirjamligi va huzuri…

Maknunalarim…
Sizlarga bir narsa aytib bermoqchiman. Yuqoridagi so’zlar yozilgan daftarim 2019 yil tutilgan. Hozir o’qib, ham hayron bo’lib, ham kulib o’tiribman. Va sizlarga yozgim keldi.
Biz kollejda o’qib yurganimizda qizlar bir birlari bilan yuzlaridan o’pib , yoki qo’l berib “Qalesiz” yoki “ Salom “ so’zlari bilan ko’rishishardi. (Hozirgilar qanaqa salomlashishadi biladim😊).

To’g’risi manashu narsa juda yoqmasdi… Lekin hafa bo’lmasliklari uchun , shunaqa salomlashardim. Bu har takrorlanganda ichim g’ash bo’laverardi.

Vaqt o’tgach yuqoridagi daftardagi so’zlarni yozganman. Bu o’zimga beriladigan va’dalarim, yoki boshqa so’z bilan mening prinsiplarim edi. Kattalarga tabiiyki “Assalomu alaykum” deb salom berardim. Lekin men har kim bilan shunday salomlashgim kelgan. Dugonalarim bilan ham hattoki.

Sekin sekin yozishmalarimizda, bir birimiz bilan ko’rishganimizda buni hayotimga kirgazdim. Allohga shukrki bu salom keng yoyildi. Hozir dugonalarim ham menga yozishganda bilan “Assalomu alaykum” deb murojaat qilishadi. Men ham😊…

Hozirgi kunda ham menga nimadir yoqmasa, meni qalbimni g’ash qilsa, nima yoki kim bo’lishidan qat’iy nazar uzoqlashyapman va yaxshiroq , xayrlirog’ini so’rab harakat qilyapman. Alloh niyatimizga qarab natijalarni go’zal qilib beraverar ekan Alhamdulillah☺️.

Reaksiyalar uchun alohida rahmat, In shaa Alloh yana yangi liboslarimizni tashlayman🌷🌷🌷.

Ha , aytgancha bir narsani sezdim. Men sizlarga ancha o’rganibman🙃)

Biroz hazil aralashtirib gapira olyapman. To’g’risi sizlarga endi yozishni boshlagan vaqtlarimda juda katta yuk turardi yelkamda. Hozir dugonalarimga yozgandek yaqin olib yoza olyapman. Sizlardanam reaksiya orqali, komment orqali javob kelyapti. Bu narsa meni kimdir eshitib , hurmat bilan javob qaytarayotgani belgisi… (bu juda juda yoqimli 😊)

Sizlargayam sezildimi muomalada yaqinroq murojaat qilayotganim😊?

Shu paranji reelsi 2 kunda 20 mingdan ortiq ko’rilgandi. Juda katta tayyorgarliklar qilgandik. Alohida studiya, mobilograf opam va modellarimiz mehnatlari… Lekin ba’zi sabablarga ko’ra 2 kundan so’ng o’chirganim ma’qul deb topdim.

O’ylashimcha kanalda faqat qiz va ayollarmiz. Shuning uchun bu omonat rasm va videolarni shu yerga yuboraman. Instagramga reels qilib qo’ya olmayman.

Meni qadriyatim biroz boshqacha, Go’zallik yashirin bo’lgani ma’qul. Reelslarim o’ylaganimdan ancha chiroyli bo’lib chiqdi😅. Bunaqa chiroy internetda aylanmasligi kerak .

“Maknuna” ma’nolaridan biri ham “yashirilgan gavhar” degan ma’noni berarkan.

Mabodo kanalimda erkak kishilar bo’lsa , chiqib ketishlarini so’rayman!!!