#preview
"Nottingem Forest" – "Liverpul". Prevyu
Jamoalarga oid yangiliklar
* Mezbonlar tarkibida jarohati sabab Ibraima Sangare maydonga tushmaydi.
* "Liverpul"ga esa turli xil sabablarga ko'ra Jo Gomes va Darvin Nunyes yordam berolmaydi.
O'yinga oid fakt va statistikalar* Jamoalar APL doirasida 15 bor to'qnash kelishgan. 4 o'yinda "Forest" zafar quchgan bo'lsa, 7 bahsda "Liverpul"ning qo'li baland kelgan. 4 o'yinda tomonlar murosa ko'chasini tanlashgan. To'plar nisbati: 15-25, "Liverpul" foydasiga.
* "Nottingem Forest" 1962/1963-yilgi mavsumdan buyon ilk marta chempionatning har ikkala o'yinida "Liverpul"ni mag'lub etish imkoniga ega.
* "Liverpul" barcha musobaqalar doirasida "Nottingem Forest" darvozasiga 199 gol kiritgan.
* APL tarixida bir klubning liga doirasidagi dastlabki ikki mag'lubiyati bir klubdan qabul qilib olinganlik holati faqatgina ikki bor kuzatilgan: 1992/1993-yilgi mavsumda "Manchester Yunayted" "Chelsi"ga, 2022/2023-yilgi mavsumda esa "Nyukasl" "Liverpul"ga yutqazgan.
* "Liverpul" "Siti Graund" stadionidagi so'nggi 14 chempionat o'yinida 1 g'alaba, 7 durang, 6 mag'lubiyat qayd etgan.
* Nunu Eshpiritu Santu "Liverpul"ga qarshi 8 o'yinning faqat so'nggisida zafar quchdi. Qolganlarida esa mag'lubiyatga uchragan.
* Diogu Jota Angliyadagi faoliyatida "Nottingem Forest" darvozasini 6 o'yinda 4 bor ishg'ol qilgan.
* Kris Vud "Liverpul"ga qarshi o'tkazgan 12 liga o'yinining birortasida gol kirita olmagan va bu uning bir klubga qarshi o'yinlardagi eng uzun golsiz seriyasi hisoblanadi.
"Nottingem Forest"* "Nottingem Forest" 1979-yildan buyon ilk marta Angliyaning eng yuqori divizionida ketma-ket 7 o'yinlik g'alabali seriyasini takrorlashi mumkin.
* Shuningdek, nottingemliklarda 1996-yilning yanvar oyidan beri ilk marta uy o'yinlaridagi ketma-ket 4 o'yinlik g'alabali seriyani takrorlash imkoni ham mavjud.
* Nunu Eshpiritu Santu shogirdlari joriy mavsum 9 o'yinda o'z darvozasi daxlsizligini saqlab qoldilar va bu borada ligadagi eng yaxshi ko'rsatkichni qayd etib turibdilar. Ular o'z tarixlarida ilk marta ketma-ket 5 o'yinda "quruq o'yin" o'tkazishlari mumkin.
* Shuningdek, "Forest" APLning ortda qolgan 20 turidan o'n oltitasida hisobni ochgan va bu borada ham ligadagi eng yaxshi jamoa bo'lib turibdi.
* Morgan Gibbs-Uayt APLning so'nggi 6 o'yinida o'z hisobiga 3 gol va 3 assistni yozdirib qo'ygan.
* Entoni Elanga APLning so'nggi 5 o'yinini samarali harakatsiz o'tkazmagan: 3 gol, 2 assist.
"Liverpul"* "Qizillar" liganing so'nggi 6 o'yinida 11 gol o'tkazib yubordilar. Taqqoslash uchun, liganing bundan oldingi 13 o'yinida 8 gol o'tkazib yuborilgan edi.
* "Liverpul" joriy mavsum APLning dastlabki mehmon o'yinlarida hali mag'lubiyatga uchragani yo'q: 7 g'alaba, 2 durang. Klubning dastlabki mehmon o'yinlaridagi eng uzun mag'lubiyatsiz seriyalari quyidagi mavsumlarda qayd etilgan: 1987/1988 (dastlabki 15 mehmon o'yini), 2018/2019 (dastlabki 10 mehmon o'yini), 2019/2020 (dastlabki 13 mehmon o'yini).
* "Qizillar" APLning 12 o'yinidan beri raqiblari darvozasiga 2+ gol kiritmoqda. Bu boradagi eng uzun seriya 2019-yilning mart-sentyabr oylarida qayd etilgan va u 15 o'yindan iborat.
* Joriy mavsum "Liverpul" hisobda ortda bora turib yakunda 13 ochko to'pladi. Eng yaxshi ko'rsatkich "Manchester Siti"ga tegishli (14 ochko).
* Muhammad Salahning APLdagi 18 golidan o'n oltitasi o'yinning 2-bo'limida kiritilgan. U 2017/2018-yilgi mavsumdagi 18 golini o'yinning ikkinchi yarmida o'z hisobiga yozdirib qo'ygan.
* Shuningdek, Salah dastlabki 19 APL o'yinidan keyin o'z hisobiga 18 gol va 13 assistni yozdirib qo'ygan. Bu uning APLdagi dastlabki 19 o'yindan keyingi eng yaxshi mavsumi hisoblanadi.
* Kodi Gakpo Premyer-liganing so'nggi 3 o'yinini golsiz tark etmadi va bu uning ligadagi eng yaxshi seriyasi bo'lib turibdi. Umuman olganda u mazkur o'yinda gol kiritish orqali APLning ketma-ket 4 o'yinida gol kiritgan 8-niderlandiyalik futbolchiga aylanishi mumkin. Shuningdek, Dirk Kuyt "Liverpul" safida 2011-yili ketma-ket 5 APL o'yinida gol kiritishga muvaffaq bo'lgan.
👉
@liverpoolasia
