🎓 Andijon Yoshlar texnoparki Qo‘qon universiteti Andijon filiali bilan hamkorlikni yo‘lga qo‘ydi!

Andijon yoshlar texnoparki mutaxassislari va Qo‘qon universiteti Andijon filiali vakillari bilan o’tgan uchrashuvda universitetning imkoniyatlari, talabalar uchun yaratilgan shart-sharoitlar bilan yaqindan tanishildi.

Uchrashuvda yoshlarni ilmiy-tadqiqot va innovatsion faoliyatga keng jalb qilish, ularning startap g‘oyalarini qo‘llab-quvvatlash hamda ushbu g‘oyalarni amaliyotga tatbiq etish masalalari muhokama qilindi. Ushbu uchrashuv doirasida Texnopark va Universitet o‘rtasida hamkorlik memorandumi imzolandi.

🤝 Memorandum doirasida:

✅ Yoshlar akademiyasi faoliyatini rivojlantirish va istiqbolli loyihalarni qo‘llab-quvvatlash;
✅ “InnoX” biznes-inkubator va akselerator dasturini birgalikda tashkil etish;
✅ Startaplarni qo‘llab-quvvatlash va yosh tadbirkorlarga maslahat va resurslar taqdim etish;
✅ “Startap marafon”, innovatsion ko‘rgazmalar, seminar-treninglar va boshqa bir qator loyihalarni birgalikda amalga oshirishga kelishib olindi.

Bu hamkorlik kelajakda yoshlarning intellektual salohiyatini yuzaga chiqarish va ular uchun yangi imkoniyatlar eshigini ochib berishga xizmat qiladi!

Bizni kuzating

Web-site | Instagram | Facebook | YouTube