📚 ᴋɪᴛᴏʙᴅᴏsʜ 📚

#mutolaa

U Robbini va U Zot omonat qilib bergan Fotimasini shunday sevdiki, unga osmon malaklari ham havas qildilar, chunki bu sevgi iymonga qorishgan, Islomdan suv ichgan edi...❤️‍🩹



Fotima Aliga Allohni eslatib turuvchi go‘zal ahdnoma. Fotimasi so‘zini tinglagan Alining ilmi ortar, suhbat qursa, qalbi orom olar, oxirat va qiyomatni eslardi. U solihalar sultoni, dunyoni oxiratiga zaxira qilgan oqila ayol. Soliha ayol eri bilan faqat dunyoda emas, balki oxiratda ham birga bo‘ladigan ayoldir.

Xo‘sh, bir o‘ylab ko‘raylik-chi, agar bir-birini jannatga eltmasa, bu dunyoda birga yashashdan, umrini, qalbini bir-biriga ehson qilishdan qanday naf bor?!

📚Ali va Fotima roziyallohu anhumo misolida saodatli oila bayoni
Ali Haydar Zug‘urlu

@kitobdosh1📚

2017-yilda tug’ilgan bolalar bu yil 1-sinfga chiqishdi🙃

Bu uyquchilarnii🙂‍↔️

Foto-Madina Nurman
Sinchalak.

📖Vatanga muhabbat yoxud Vatanni sevamizmi?

Bugun bir narsaga eʼtibor berdim:har xil guruhlar, kanallar qoʻldan qoʻlga oʻtib yurgan postlar, yozuvlar,rasmlar, bir xil mazmundagi soʻzlarga liq toʻldi. Toʻgʻri,buni koʻpchilik oddiy va odatiy qabul qiladi.Juma kunlari "Juma muborak",hayit ayyomlarida "Hayitingiz bilan", tugʻilgan kun,yangi yil, navroʻz va boshqa bayramlarda doimiy aylanib yuruvchi emojilar,giflar va rasmlarga koʻnikib ham ketganmiz.Ammo bu holat menga boshqacha taʼsir qiladi.Balandparvoz,uzundan uzun gaplar, navbatchi soʻzlardan shunchalik bezib ketganman-ki, hisobiga yetmaysiz. Hissizlikka yoʻgʻrilgan,xoʻjakoʻrsinga qilingan bu kabi tabriklar taʼbimni xira qilgan,qilyapti va menimcha hali yana koʻp marotaba qiladi. Nima uchun shunday ekanligini tushuntirishga harakat qilaman.
Aslida,ham diniy,ham dunyoviy tomondan olib qaralganda,Vatanni sevish va uni ardoqlash eng oliy burchlarimizdandir. Hadislarda ham paygʻambarimiz bejiz " Vatanni sevmoq iymondandir" deb aytmaganlar. Vatan
va unga boʻlgan muhabbat haqida shu kungacha koʻp va xoʻb fikrlar aytilgan,ammo ularning barchasi ham dildan samimiy chiqqanligiga shubham bor.

Vatanni sevish, undan faxrlanish har birimizning burchimiz ekanligini unutib qoʻyayotgandekmiz. Madhiyamiz jaranglab, bayrogʻimiz xilpirab turar ekan, oʻzida vatanga muhabbat hissini tuymagan insonni kim deb atash mumkin? Yoki jahon maydonlarida xoh sport,xoh ilm-fan boʻyicha yutuqlarga erishgan,yurtimizning shaʼnini munosib himoya qilgan vatandoshlarimizni qanday qilib qoʻllab-quvvatlamaslik,ularga esh boʻlib Vatan muhabbatini his etmaslik mumkin? Yurtida boʻlayotgan turli adolatsizliklarni koʻrib, oʻz xalqi holiga qanday qilib achinmaslik mumkin? Rivojlanishda boshqa mamlakatlardan orqada qolayotganini, toʻgʻri yoʻldan yurmay,yurtini kasod qilayotganlarni koʻrib, qanday befarq holda yashash mumkin?

Qoʻlidan yilda bir marta qaysidir bir kanalchadagi "Bayram muborak" degan postni(shunda ham oxirigacha oʻqimasdan) kontaktida bor barcha tanishlariga, guruhlariga tashlab qoʻyish orqali oʻzini vatanparvar deb hisoblash mumkinmi?

Qoʻying, doʻstlar! Bunaqa maynavozchilikni yigʻishtiraylik. Nima qilsak ham,chin koʻngildan qilaylik.Oʻzimizni aldashimiz va shu yolgʻonga oʻzimizni ishontirishimiz mumkin,lekin hali ochiq, koʻr boʻlmagan koʻzlarni ishontira olmaymiz.

Vatanni soʻz bilan emas,qalb bilan sevaylik!

*kanal admini

@kitobdosh1📚

✔️✔️

🗣Diqqat,diqqat !!!

Biz, "Kitobdosh" jamoasi kitobxoʻrlar uchun ajoyib oʻyinga start berish arafasidamiz📌

Kanal aʼzolari soni 500 taga yetishi bilan oʻyinimizni bosh-lay-miz❗️❗️❗️

🩷Oʻyin buyuk yozuvchi, shoirlar hayoti va asarlaridan olingan 10 ta savoldan iborat boʻladi. Savollarga kim tez, aniq va koʻproq javob bera olsa,gʻoliblikni qoʻlga kiritadi.

🎁Gʻolib Fotih Dumanning "Pir" (Ahmad Yassaviy qissasi) kitobi bilan taqdirlanadi. Kitob respublikaning istalgan hududiga pochta orqali yetkaziladi.📍🩷

Oʻyinimiz yaxshi natija bersa,bu loyihani davom ettirishdan mamnun boʻlamiz🤎.

Qani hurmatli kitobdoshlar, doʻstlaringizni kanalimizga taklif qiling va oʻyinda gʻolib boʻling🩷

❤️@kitobdosh1❤️