Бу аёлнинг ҳаёти ҳақида лавҳани кўрганимда, унинг сабри ва матонатига қойил қолгандим. Турмуш ўртоғининг охирги кунларида уни елкасида опичлаб парвариш қилган экан. Унинг устига, бир уй бола. Барчасининг кўмакчиси шу аёл, шу биргина Она!

Анчадан бери Ўғилой опага бироз енгиллик бўлсин, ёрдамим тегсин деб, бирор нима берворсам деб ўйлаб юргандим. Лекин манзил узоқ...

Ниҳоят, бу ишни ҳам амалга оширдик. Почта хизматидан фойдаланиб, узоқни яқин қилдик.

Бизнинг бу галги кичик, аммо қалбдан чиққан хайрли ишимизни Ўзбекистон почтаси енгиллаштирди ва бир кун ичида етказиб беришди. Умид қиламизки, юборилган совғалар Ўғилой опа ҳамда қизларининг юрагини бироз бўлса ҳам ёритади, ҳаётига кичик бир қувонч келтиради.

Келгусида қизларини илм олишига кўмаклашиб, замонавий касбларга, албатта ўзлари қизиқса IT курсларига жалб қилиш ниятидамиз.
———
Бу ишда бирга бўлган аҳил жамоамиз аъзоларига раҳмат!

✈️ https://t.me/kamolashavkatovna