Jazzda faqat qizlar

#longrid

Jamoamiz 2021-yil boshida tashkil topgan, zakovatga esa bir yil keyin bloger va jurnalistlar turniridan so'ng kelgandik. Deyarli 4 yildan buyon faqat qizlar nomini va ishtirokini ta'minlagan yagona jamoa bo'ldik deb ayta olaman.
Jazz bilan bog'liq juda ajoyib xotiralar bor, barcha a'zolari orasida. Jazzda eng yaqin do'stlarimizni, eng ajoyib davrani topdik, o'tgan hayotimizni quvnoq va baxtli o'tkazdik.
Turnirlar tashkil etilishi yaxshi albatta, bo'lmasa biz ham balki zakovatga kelmasdik, bilmasdik, bunday ajoyib davrani yaratmasdik.

O'yinlarimiz oddiy quiz o'yinlari, keyin zakovat, undan keyin uzoq bo'ladigan o'tirishlar, suhbatlar bilan o'tdi, ajoyib g'oyalar yaratildi, ba'zilari amalga ham oshdi, bunda Zakovat va Uzquiz ajoyib stimul bo'lib berdi.

Sahifamiz ham o'zimiz uchun eng quvnoq, kulgi va tanqidga to'la sahifaga aylandi, ba'zan kimlarnidir heyt qildik, ba'zan o'rinli tanqidlarni, muammolarni olib chiqdik, boshqa ishtirokchilarga minbar berdik, o'zgarishlar qilishga erishdik.

Har nening oxiri bo'lgani kabi Jazzning ham so'nggi kunlari keldi va bu qarorga kelish oson bo'lmadi, ishoninglar. Ba'zi sabablarni keltirib o'tsak:
- Azart yo'qolishi. Biz ilk kelgan paytdagi ishtiyoq va xohishni yo'qotib qo'ygandekmiz. To'g'ri, zakovatdan keyingi o'tirishlarimiz, tonggacha davom etadigan suhbatlarimizning bahosi yo'q, ammo zakovatsiz ham buni davom ettira olamiz degan qarorga keldik.

- Qariyb 3 yildan buyon haftaning so'nggi kunini faqat bir hobby uchun chegaralash, rejalarni shunga moslash odamni charchatadi.

- Xabaringiz bor, yangi mavsumni ikkinchi ligada boshlashimiz kerak. Albatta, ikkinchi liga juda zavqli, savollari o'zimiz istagan darajada, chunki biz trenka qilmaymiz, shuning uchun savollar darajasi bizbop deya olamiz, ammo vaqt masalasi juda noqulay, balki issiq kunlar kelsa, ikkinchi liga vaqti soat 17.00 ga ko'chirilsa, ligaga qaytish masalasini ko'rib chiqsa bo'ladi, ammo hozircha ishlaydiganlar uchun bu vaqt noqulay.

- Mas'ul idoralarning muammolarga ko'z yumishi. Deyl Akhmadi davrida bu borada qandaydir ijobiy o'zgarishlar bo'ldi, jamoatchilik fikri, media bilan ishlandi, ammo qariyb 3-4 oydan beri muammolarga ko'z yumish davri boshlandi, bu esa xafsalani pir qiladi. 2024-yilda qolib ketgan plakatlar, ventilyatsiya muammosi, hech qachon yechim topmas hojatxona, gigiyena masalalari, savollar reytingi, yozilsa, har hafta uchun mavzu bor, ammo ularga yechim beradigan mas'ul xodimlar holatga sust qarasa, nima ham deya olasan. Balki ularni ham tushunsa bo'lar, oyliksiz oylab ishlayotgan odamga qo'shimcha muammo kerakmas axir.

Yana boshqa ko'plab sabablarni keltirish mumkin, balki alohida yozarmiz yana. Jamoaning qaysidir a'zolari boshqa jamoada faoliyatini davom ettirishi mumkin, ba'zan nostalgiyaga tushgisi keladi odamni, tushunish kerak.

Jamoaga yigit olinishi o'zimizning eksperiment xazillardan biri edi, ayollar turniridan so'ng o'tirib, kimlar biz bilan o'ynagisi kelarkin deb yozgandik, natijada yangi tanishuvlar va yangi bilimdonlarni o'zimiz uchun kashf etdik, barchangizga rahmat. Aytgancha, Ayollar turniridagi savollar bu yil ancha sifatli va foydali bo'ldi. Respublika bosqichiga chiqmagan bo'lsak ham maza qilib o'ynadik, oxirgi o'yinimiz uchun yaxshi sabab bo'ldi deb ayta olaman.

Sahifa o'z faoliyatini davom ettiradi, unda yangi yo'nalishdagi va albatta zakovat, quizlardagi memlarni ham berib boramiz, ba'zan Xushnudni yomonlab ham turamiz, busiz iloji yo'q ).

Bizga chidagan, yaxshi va yomon ko'rgan barchaga o'z minnatdorchiligimizni bildiramiz. Tanqidlarimizga ba'zan yechim topib, ba'zan ignore qilgan Zakovat NNTning jonkuyar xodimlariga, trenerlik qilgan bilimdonlarga, izohlarimizni to'ldirib bergan Bobur Maksimov va boshqa urushqoq zakovatchilarga, online va offline qo'llab-quvvatlagan, ammo biz tanimaydigan boshqa bilimdonlarga ham alohida tashakkur bildiramiz.
Zakovat hayotimizning eng yoqimli xotirasi, eng sevimli hobbimiz bo'lib qoladi.

Biz barchangizni yaxshi ko'ramiz,
Hurmat bilan

Jazzda faqat qizlar 🖤🫶

Barcha go'zal opa-singillarimizga omad tilaymiz ❤️

Bir javobni mem qilganimizda bir haftalik moratoriy bor deb toza esimizni yeyishgani esimda. Eldor Asanov postida ham moratoriyni buzdingiz degan iddao bilan postni o'zgartirishgandi. Shu moratoriyni deb savollarni muhokama qila olmaymiz, kulgili variantlarimizni mem qila olmaymiz, bir haftadan keyin esa aktualligini yo'qotadi bu savollar.

Aftidan, bu qoida faqat sizu biz uchun o'ylab topilgan, tipo "elita" qatlam uchun qoidalar doimgidek amal qilmaydi. Xushnud savol o'ynalgan kun ertasiga o'sha savolni sahifasida e'lon qilgan. Moratoriy yo'qoldimi shunda, savollarni endi bemalol chiqib muhokama qilsak bo'ladimi?

Agar rostan bu qoida olingan bo'lsa, keyingi mavsumdan boshlab savollarni sahifamizda yozib, memlarimizni taqdim qilib boramiz unda, umid qilamizki, moratoriy deb ishlamaydigan qoidalaringizni ko'tarib kelmaysizlar, qoidalar ishlasa, kattalarni o'zi ishlatib namuna bo'lardi, Xushnudga mojnomi demak Jazzga ikki karra mojno ).

chin soʻzimiz

muhimi ulguramiz🌚

Jazzda faqat qizlar va Zakovat+ sahifalari trollar jangini o’tkazishnj rejalashtiryapti ). Kim yutadi deb o’ylaysizlar?

Shunaqa kruglaring bormi?)

Bugun jamoamizning eng yosh ishtirokchisi, kichkintoyimiz - Nozimaning tug’ilgan kuni. Nozima zakovatga kelganida yonida ikkita yo’l turgandi: yaxshi komandaga qo’shilib, istiqbolli bilimdon ayol bo’lish yoki Jazzga qo’shilib, bir joyda qotib qolish, lekin doim kulib yurish )
Nozima qaysi yo’lni tanlagani o’zlaringga ayon, endi hayotda ham shunday quvnab yursin, Jazzda bo’lsa ham istiqbolli bilimdon bo’lish nasib qilsin. Bizga bermagan bilimni Nozimaga bersin.

Xullas, bolalarimiz bizdan ko’ra dono, aqlli va albatta baxtli bo’lishlari shart.
Sizni yaxshi ko’ramiz 🥳🥳♥️

Kel o’zimga, bachcham

Rostanam bugun qiz uzatib, birinchi kuni qanday o’tishidan hayajonlangan quda holalardek his qildik o’zimizni. Yigitimizga ishoninglar, u ishonchlaringni oqlaydi, xuddi Jazz kabi )

🌚