✅ Жорий йилда Швейцария тараққиёт ва ҳамкорлик агентлиги (SDC) томонидан молиялаштириладиган Иқтисодиёт ва Молия вазирлиги ҳамда БМТТДнинг “Ёшларнинг рақамли иқтисодиёт ва рақамли тадбиркорликни ривожлантириш имкониятларини кенгайтириш” қўшма лойиҳаси доирасида ёшлар, хусусан, хотин-қизларнинг тадбиркорлик фаолиятини ривожлантиришга қаратилган икки кунлик тренинглар ўтказилади. Мазкур тренинглар орқали иштирокчилар ўз стартапларини мустақил бошқариш ва ривожлантириш учун зарур бўлган билим ва кўникмаларга эга бўладилар.

✅Тренингнинг асосий мақсади: ёшлар, айниқса, хотин-қизларни ишга жойлашиш имкониятларини, турмуш даражасини ошириш ва маҳаллий ривожланишда фаол иштирок этишлари учун зарур бўлган рақамли ва юмшоқ кўникмалар билан таъминлашдир.

Тренинглар Қорақалпоғистон Республикаси, Нукус шаҳрида

📆18-19.02.2025 санасида ўтказилади.

➡️Мазкур тренингларда қатнашиш учун қуйидаги саволларга жавоб бериб, рўйхатдан ўтишингиз мумкин.
Изоҳ: Танлаб олинган номзодларга хабар юборилади.