Qo‘qon temiryo‘l uzelida targ‘ibot tadbiri bo‘lib o‘tdi

Aholi muammolarini tizimli o‘rganish va aniq hal etilishida samarali jamoatchilik nazoratining o‘rnatilishini ta'minlash maqsadida ijtimoiy sheriklik asosida federatsiyaning tayanch guruh (boshlang‘ich tashkilot)larini tashkil etish va a'zolikka jalb qilish yuzasidan amalga oshiriladigan chora-tadbirlar rejasi asosida “O‘zbekiston temiryo‘llari” AJ Qo‘qon temir yo‘l uzelida targ‘ibot tadbiri tashkil etildi.

Qo‘qon temiryo‘l uzelining bo‘lim boshliqlari ishtirokida o‘tkazilgan tadbirda rahbar va mas'ul xodimlarga amaldagi iste'molchilarning huquqlarini himoya qilish to‘g‘risidagi qonunchilik mazmun-mohiyati, qonunchilik ijrosini ta'minlash hamda temiryo‘l transporti tizimida mehnat faoliyati olib borayotgan ishchi xodimlarning iste'molchilik sohasidagi huquqiy bilimi va iste'mol madaniyatini oshirish, ularning huquq va manfaatlarini himoya qilishda davlat va jamoat tashkilotlari o‘rtasidagi hamkorlik masalalari, federatsiya va uning hududiy tashkilotlarining 2024-yil faoliyat natijalari yuzasidan atroflicha ma'lumotlar berib o‘tildi.

Tadbir davomida ishtirokchilarning yuqoridagi masalalar yuzasidan fikr-mulohazalari va takliflari tinglanib, ularni qiziqtirgan savollarga javoblar qaytarildi. Yakunda ikki tashkilot o‘rtasida ijtimoiy sheriklik va hamkorlik aloqalarini yo‘lga qo‘yishga kelishib olindi.

Federatsiyaning rasmiy sahifalari👇
Telegram | Facebook | YouTube | Istemol.uz