iQtidorly

IGO 2025 olimpiadasiga qatnashayotganlar qayerdasizlar?


🌟 Telegram | Instagram | Linkedin

🚀 iQtidorly jamoasi LEAP 2025 sammitida! 🌍

Shuni faxr bilan ma'lum qilamizki, «iQtidorly» jamoasidan ikki nafar vakillarimiz Saudiya Arabistonida bo‘lib o‘tadigan LEAP 2025 sammitida ishtirok etishni reja qilgan!

📍 Manzil: Malham, Riyod, Saudiya Arabistoni
🗓 Sana: 2025-yil 9-12-fevral

LEAP - "Raqamli Davos" nomi bilan tanilgan dunyodagi eng nufuzli texnologiya va innovatsiya tadbirlaridan biri hisoblanadi. Bu yerda ekspertlar, startaplar va investorlar yig'ilib, ilg'or texnologiyalar, global hamkorlik va innovatsion yechimlarni muhokama qilishadi.

💡 Bu sammit IT Park O‘zbekiston rezidentlari va startaplari uchun o‘z salohiyatini xalqaro maydonda namoyon etish va yangi imkoniyatlarni o‘rganish uchun ajoyib imkoniyat bo'lib, biz «iQtidorly» loyihasining STEM sohasini rivojlantirish, innovatsiyalarni targ‘ib qilish va yoshlarda texnologiyaga bo‘lgan qiziqishni yanada oshirishdagi tashabbuslarimizni dunyoga namoyish etamiz.

Sammit davomida bizning faoliyatimiz va yangiliklarimizni kuzatib boring!

🌟 Telegram | Instagram | Linkedin

☀️ Salom, «iQtidorly»lar! Ushbu hafta liderlikning hayotimizdagi o‘rni va bu qobiliyatni rivojlantirish haqida suhbatlashamiz. Liderlik faqat buyruq berishdan iborat emas, balki u boshqalarga ilhom berish, yo'l-yo'riq ko'rsatish va birgalikda rivojlanishdir. Loyihani, jamoani yoki hattoki o'zingizni boshqarayotgan bo'lsangiz ham, haqiqiy liderlik muhim ko‘nikmalarni o‘zlashtirish va kundalik odatlarni rivojlantirishdan boshlanadi.

Asosiy yetakchilik ko‘nikmalari:

🔹 Mustahkam munosabatlarni yo‘lga qo‘ying: Ishonch - bu ajoyib jamoa bo‘lib ishlashning poydevoridir. Boshqalarni qadrlang va tushunishga harakat qiling.
🔹 Moslashuvchan bo‘ling: O‘zgarishlar bo'lishi muqarrar. Diqqatni uzoq muddatli maqsadlarga qaratgan holda tezda moslashishni o‘rganing.
🔹 Innovatsiyani rag‘batlantiring: Ijodkorlik taraqqiyotni ta’minlaydi. Yangi g‘oyalarga ochiq bo‘ling va boshqalarni ham cheklovlarsiz fikrlashga undang.
🔹 Ishonch bilan qaror qabul qiling: o‘z mulohazalaringizga ishoning, variantlarni baholang va harakat qilishga tayyor turing.

📌 Liderlikni kuchaytiruvchi kundalik odatlar
1️⃣ Tushunish uchun tinglang, faqat javob berish uchun emas ya'ni javob berishdan oldin to‘xtab, suhbatdoshingiz fikrini e'tibor bilan tinglayotganingizni namoyon qiling. Shunda qarshingizdagi odamda sizga va gaplaringizga nisbatan biroz bo'lsa ham ishonch uyg'ota olasiz.
2️⃣ Muammoga emas, uni hal qilish yo‘llariga e'tibor bering. Fikrlaringizni va suhbatlaringizni yechim topishga yo'naltiring.
3️⃣ Hatto tanqid bildirishda ham ijobiy qabul qilgan holatda javob berishga harakat qiling. "Notoʻgʻri qilibsiz, oʻzgartiring", deyishni o‘rniga "Buni qanday yaxshilashimiz mumkin?" deb ayting.
4️⃣ Bosim ostida ham xotirjamlikni saqlang. Yuqori stress holatida uch marta chuqur nafas oling va keyin javob bering. Xotirjamlik atrofdagilarda ishonch uyg‘otadi.
5️⃣ Boshqalarning mehnatini qadrlang. Oddiygina "Mehnatingiz uchun rahmat" so‘zi odamga katta motivatsiya beradi.
6️⃣ Doimo o‘rganishga intiling. Har hafta liderlik haqida maqola o‘qish, podkast tinglash yoki video ko‘rishni odat qiling.

Men rahbarlikning asosiy vazifasi ko‘proq ergashuvchilarni emas, balki ko‘proq yetakchilarni yetishtirish, degan g‘oyadan boshlayman. - Ralf Nader

🌟 Telegram | Instagram | Linkedin

🥰 Biz sizlarni doimo eslaymiz va xuddi siz bizlarni unutmaganingiz kabi.

Sizning g‘ayratingiz, bilimga bo‘lgan tashnaligingiz va harakatlaringiz bizga kuch bag‘ishlaydi. Sizlar orqali @iQtidorly oilasi yuksak marralarni zabt etmoqda. 2025 yilda ham bundan kattaroq g‘alabalarni Sizlar bilan nishonlashni maqsad qilganmiz.

Sizlarni yaxshi ko‘ramiz va yutuqlar yo‘lida muvaffaqiyatlar tilaymiz!

🌟 Telegram | Instagram | Linkedin

🇺🇿 14-yanvar - Vatan himoyachilar kuni muborak bo‘lsin!

🇺🇿 Vatanimizga sadoqat bilan xizmat qilish, xalqimizning tinch, erkin va farovon hayotining mustahkam kafolati bo‘lgan mustaqilligimizni asrash, yoshlarni har tomonlama qo‘llab-quvvatlash yo‘lidagi xizmatlaringiz uchun Sizlarga minnatdorchilik bildiramiz!

Vatanini sevuvchi barcha insonlarga bayram muborak! ✨

Hurmat bilan,
iQtidorly jamoasi

🌟 Telegram | Instagram | Linkedin

🎇 Yangi yil muborak!

2024-yil bilan xayrlashar ekanmiz, iQtidorly oilasining bir qismi bo‘lganingiz uchun har biringizga rahmat aytmoqchimiz. Bu yil hayajonli loyihalar, ilhomlantiruvchi lahzalar va ajoyib muvaffaqiyatlar bilan to‘ldi.

2025-yil oldinda, biz kattaroq orzu qilish, kuchliroq ishlash, birgalikda o‘sish va muvaffaqiyatga erishish uchun yanada ko‘proq imkoniyatlar yaratishga harakat qilamiz. ✊✨

Ushbu yangi yil sizga va yaqinlaringizga baxt, mustahkam sog‘lik va omad olib kelsin. 2025-yilni birgalikda unutilmas qilamiz! 💫

Hurmat ila,
iQtidorli jamoasi

🌟 Telegram | Instagram | Linkedin

🎉 School 21 - 1 yoshda!

Biz o‘tgan yil davomida IT ta’limining kelajagini o‘zgartirishga harakat qilayotgan bepul raqamli muhandislik maktabi School 21'ning 1 yillik ajoyib sayohatini nishonlashdan juda mamnunmiz! School 21 bilan hamkor sifatida «iQtidorly» loyihasi son-sanoqsiz odamlarga dasturlash bo‘yicha o‘z salohiyatini kashf etish va eng qiziqarli, talab qilinadigan sohalardan birida karyera qilish imkoniyatini bergan bu ajoyib tashabbusni qo‘llab-quvvatlashdan faxrlanamiz.

📌 Muvofiqlik talablari:

🔹18 va undan katta yoshdagi barcha uchun ochiq.
🔹Ikkita onlayn o‘yinni yakunlang va intensiv saralash jarayonidan o‘ting.

🔋 Nimalarni qo'lga kiritasiz?

🔘 Jahon darajasidagi dasturlash ta’limidan bepul foydalanish.
🔘Davlat tomonidan akkreditatsiyadan o‘tgan diplom.
🔘Amaliy tajriba uchun pullik amaliyot.
🔘Samarqand va Toshkentdagi kampuslar.
🔘Zamonaviy IT-sohasida muvaffaqiyatli karyera uchun zarur ko‘nikmalar.

⏳ Ro'yxatdan o'tish uchun oxirgi muddat: 2024-yil 22-yanvar

Agar siz IT olamiga sho‘ng‘imoqchi va o‘z salohiyatingizni to‘liq ochmoqchi bo‘lsangiz, endi ariza berish vaqti keldi! Batafsil ma'lumot uchun 21-school.uz saytiga tashrif buyuring.

🌟 Telegram | Instagram | Linkedin

👩‍💻 Ayollar IT sohasida yangi marralarni zabt etishda davom etmoqda!

Xotin-qizlarning IT sohasidagi roli kundan-kunga o‘sib, ular innovatsion yechimlar yaratuvchilari, texnologik loyihalar yetakchilari va raqamli o‘zgarishlarning muhim ishtirokchilariga aylanishmoqda.

Bu borada ularning yutuqlarini taʼkidlash, rag‘batlantirish va jamiyatga tanishtirish maqsadida Raqamli Texnologiyalar Vazirligi tomonidan ilk bor "Yulduz Tech Awards" mukofoti marosimi tashkil etildi.

🆙 Biz uchun quvonarlisi, "iQtidorly" oromgohida mentorlik qilgan bir qator ustozlarimiz ushbu nufuzli mukofotda taqdirlanayotganidir! 🎉 Ularni chin yurakdan tabriklaymiz va ular bilan bir oila bo‘lib, bilim ulashishda davom etamiz.

⬆️ Yutuqlar bardavom bo‘lsin, birgalikda yanada ko‘p marralarni zabt etamiz!

🌟 Telegram | Instagram | Linkedin

🔄 10 va 11-sinf o‘quvchilari uchun ajoyib yangilik!

Toshkentdagi Amerika Texnologiyalar Universiteti o‘zining birinchi Qishki Innovatsiyalar Lagerini e’lon qildi!

26-dekabrdan 10-yanvargacha Amerika Texnologiyalar Universitetining (AUT) Toshkentdagi go‘zal kampusida o‘tkaziladigan Qishki Lagerga qo‘shiling!

Nimalar sizni kutmoqda:

✅ Ingliz tilida nutq ko‘nikmalarini rivojlantirish;
✅ Jamoatchilik oldida nutq so‘zlash, bahs-munozaralar va podkastlar;
✅ “Pocket Film Studio” ustaxonasi;
✅ Universitetga tayyorgarlik mashg‘ulotlari;
✅ Grant va stipendiya olish bo‘yicha maxsus sessiyalar;

👉 Ariza shakli: Havola

🌟 Telegram | Instagram | Linkedin

✅ iQtidorlyda muvaffaqiyatga erishgan yoshlar hikoyasi - O‘zbekiston g‘ururi MITda!

🔥 Loyihamizning yana bir asosiy maqsadlaridan biri – oramizdagi iqtidorlilarni namoyon qilish.

Biz iQtidorly loyihasi jamoasining STEM oromgohlarimizning mentori bo'lgan, eng iste’dodli yoshlardan biri Abdulloh Mahmudovni dunyodagi eng nufuzli universitetlardan biri bo‘lmish Massachusetts Texnologiya Instituti (MIT)ga (Class 2029) o‘qishga qabul qilinganligi bilan tabriklaymiz! 🏛✨

📌 Iqtidorimizning yutuqlarini sanab oʻtsak:

🏅 Oltin medal — Xalqaro kimyo olimpiadasi (2023)
🏅 Oltin medal — ARBICHO olimpiadasi (2023)
🏅 Davlat mukofoti "Mard o‘g‘lon" — O‘zbekiston Prezidenti tomonidan taqdim etilgan (2023)
🏅 Oltin medal — Xalqaro Mendeleyev kimyo olimpiadasi (2023)
🥈 Kumush medal — Xalqaro Mendeleyev kimyo olimpiadasi (2022)
🥉 Bronza medal — Xalqaro o‘quvchilar ilm-fan olimpiadasi (IJSO, 2021)

🚀 Abdullohning MITga qabul qilinishi nafaqat uning shaxsiy hayotidagi muhim voqea, balki butun O‘zbekiston uchun faxrli lahzadir. 🇺🇿

⭐️ Biz, iQtidorly jamoasi, Abdullohni o‘z safimizda ko‘rganimizdan faxrlanamiz va uning kelajakda dunyoning eng dolzarb muammolarini hal qilishdagi ulkan hissasini intiqlik bilan kutib qolamiz. 💡

🌟 Telegram | Instagram | Linkedin

☀️ Salom, «iQtidorly»lar! Omma oldida nutq so‘zlash – bu o‘z fikrlaringizni boshqalarga samarali yetkazish va ularga ta’sir qilishning muhim ko‘nikmasidir. Bu ko‘nikma shaxsiy rivojlanish va professional muvaffaqiyatga yetaklaydi. Quyida siz bilan omma oldida nutq qilish uchun foydali maslahatlar bilan bo‘lishamiz.

💡Omma oldida muvaffaqiyatli nutq so‘zlash uchun 5 maslahat:

1️⃣ Tayyorlaning va mashq qiling.

Asabiylashish odatiy hol. Ushbu hissiyot sizni hushyor va diqqatli qiladi. Buni yengishning eng yaxshi yo‘li – yaxshi tayyorgarlik va ko‘p mashq qilishdir. Nutqingizni oldindan yozib oling yoki do‘stlaringizdan sizni baholashni so‘rang.

2️⃣ Tinglovchilaringizni biling.

Nutqingiz tinglovchilarning ehtiyojlari va qiziqishlariga mos bo‘lishi kerak. Kim uchun so‘zlayotganingizni bilsangiz, so‘zlaringiz yanada ta’sirli bo‘ladi.

3️⃣ Hikoyalar va hazillar qo‘shing.

Shaxsiy hikoyalar va qiziqarli anekdotlar tinglovchilarni jalb qiladi. Nutqingizga insonga yaqin va esda qolarli elementlarni qo‘shing.

4️⃣ Kuchli boshlang va dinamik tugating.

Tinglovchilarning e’tiborini birinchi 30 soniyada jalb qilish muhim. Nutqingizni hayratlanarli fakt yoki hikoya bilan boshlang va oxirida esda qolarli xulosa qiling.

5️⃣ Tabiiy bo‘ling.

Tinglovchilar bilan ko‘z aloqasini saqlang va o‘zingiz bo‘ling. Shaxsiyligingiz va samimiyligingiz ularni yanada ko‘proq jalb qiladi.

Nutqingiz faqat aytgan so‘zlaringiz emas, balki ovozingiz ohangi, tana harakatlaringiz va samimiyligingiz orqali ham tinglovchilarga ta’sir qiladi. Nutq so‘zlash qobiliyatingizni doimiy ravishda rivojlantiring, bu hayotingizda katta muvaffaqiyatga olib keladi!

Ta’sirli nutqda nutq uslubi so‘zdanda muhimroq. – Albert Habbart

📌 Siz oxirgi marta qachon omma oldida nutq qilgansiz? Fikrlaringizni izohlarda kutamiz!

🌟 Telegram | Instagram | Linkedin

☀️ Salom, «iQtidorly»lar! Ushbu hafta hissiy barqarorlikning hayotimizdagi o‘rni haqida suhbatlashamiz. Hayotda muvaffaqiyat qozonishda hissiyotlarni boshqarish muhim ahamiyatga ega. Charles Swindoll aytganidek, "Hayotning 10% bizga nima sodir bo‘lishida, qolgan 90% esa bunga qanday munosabatda bo‘lishimizda." Hissiyotlar bizni qoniqarsiz qarorlar qabul qilishga yoki keyinchalik afsuslanishga olib kelishi mumkin.

Emotsiyalarni boshqarishning ahamiyati

"Boy Ota, Kambag'al Ota" kitobidan bir fikr: Hissiyotlar, ayniqsa qo‘rquv va xohish, odamlarni moliyaviy qarorlarni noto‘g‘ri qabul qilishga undaydi. Pulni yo‘qotishdan qo‘rqish yoki ko‘proq narsani xohlaganlik tufayli odamlar ongli emas, balki hissiy harakat qiladi. Ammo moliyaviy muvaffaqiyatga erishish uchun avvalo hissiy barqarorlikka ega bo‘lish kerak.

📌 Hissiyotlarni qanday barqarorlashtirish mumkin?
🔹Reaksiyangizni nazorat qiling. Hissiyotlar sizni emas, siz hissiyotlaringizni boshqaring. Chuqur nafas oling, vaziyatni tahlil qiling va faqat tinch bo‘lganingizdan keyin qaror qabul qiling.
🔹Hissiyotlaringizni anglang. O‘zingizni qanday his qilayotganingizni va nima uchun bunday his qilayotganingizni aniqlang. Bu sizni avtomatik reaksiyalardan himoya qiladi.
🔹Muvozanatni toping. Hissiyotlaringizni bosib qo‘ymang, lekin ularga bo‘ysunib ham ketmang. His qilish – insonning tabiiy qobiliyati, lekin ular orqali harakat qilish muvozanatni talab qiladi.

Har kim g‘azablanishi mumkin - bu oson. Lekin to‘g‘ri insonga, to‘g‘ri darajada, to‘g‘ri vaqtda, to‘g‘ri maqsadda va to‘g‘ri usulda g‘azablanish - bu hammaning qo‘lidan kelavermaydi. – Aristotel

🌟 Telegram | Instagram | Linkedin

☀️ Salom, «iQtidorly»lar! Bugungi tez o‘zgaruvchan dunyoda muvaffaqiyatga erishish uchun eng muhim ko‘nikmalardan biri, bu moslashuvchanlik. Hayotda kutilmagan o‘zgarishlar va qiyinchiliklar bilan yuzlashganimizda, moslashuvchanlik bizga o‘sish va rivojlanish uchun imkon beradi.

Moslashuvchanlik nima uchun muhim?

1️⃣ O'sish uchun imkoniyat yaratadi
O‘zgarishlar har doim ham oson bo‘lmaydi, lekin ular sizni yangi bilim va tajribalarga yetaklashi mumkin. Moslashuvchanlik bilan siz qiyinchiliklarni muvaffaqiyatga aylantira olasiz.

2️⃣ Stressni kamaytiradi

Noaniqlikda moslashuvchan bo‘lish sizni ruhiy jihatdan barqaror qiladi va stressni yengishga yordam beradi. O‘zgarishlarga ochiq bo‘lish hayotni yengilroq qabul qilishni o‘rgatadi.

3️⃣ Yangi imkoniyatlarga eshik ochadi

Moslashuvchan insonlar yangi imkoniyatlarni ko‘ra oladi va ulardan foydalanishni biladi. Bu ko‘nikma sizni muvaffaqiyat sari yetaklaydi.

📌 Moslashuvchanlikni qanday rivojlantirish mumkin?
🔹 Fikringizni ochiq tuting. Har bir o‘zgarishni yangi imkoniyat deb qabul qiling.
🔹 Doimiy o‘rganing. Yangi ko‘nikmalarni egallash sizni o‘zgarishlarga hozirlaydi.
🔹 Moslashuvchan bo‘ling. Rejalaringiz amalga oshmay qolsa ham, muqobil yo‘llarni izlang.
🔹 Optimistik yondashing. Har qanday vaziyatda ijobiy tomonlarni qidiring.

📖 Eslab qoling: Hayotda o‘zgarishlar va noaniqlik – bu o‘sishning bir qismi. Moslashuvchanlik esa bu yo‘lda eng muhim ko‘makchingiz bo‘ladi.

Intellekt - bu o‘zgarishlarga moslashish qobiliyatidir. – Stephen Hawking

🌟 Telegram | Instagram | Linkedin

📣 IGO 2025 ijodiy olimpiadasi bo‘yicha eksklyuziv suhbat!

Xalqaro Greenwich Olimpiadasi (IGO) – Buyuk Britaniyadagi North London Grammar School tomonidan tashkil etilgan, ijodkorlik va muammolarni hal qilish qobiliyatini rivojlantirishga qaratilgan nufuzli musobaqa.

🇺🇿 Xabaringiz bor, IGO 2025 uchun ro'yxatdan o'tish rasman ochilgani haqida e'lon bergan edik. Biz ushbu olimpiadaning rasmiy hamkor tashkiloti sifatida, O'zbekistondagi iqtidorli jamoalarni izlab topish hamda, ularni qo'llab-quvvatlash maqsad qilganmiz.

🎙 Ushbu munosabat bilan bizga kelib tushgan savol va takliflarni hisobga olgan holda, bu yilgi bo'lib o'tadigan IGO 2025 musobaqasi haqida to'liqroq ma'lumotga ega bo'lishingiz uchun IGO Coordinator sifatida faoliyat yurituvchi vatandoshimiz Shahista Rahimova bilan eksklyuziv suhbat tashkil qilmoqdamiz.

📆 Sana: 28-noyabr
⏰ Vaqti: 20:00
📍 Manzil: Telegram Voice Chat

Suhbatni o‘tkazib yubormang! IGO 2025 olimpiadasi haqida savollaringizga javob oling va xalqaro imkoniyatlardan boxabar bo‘ling!

🌟 Telegram | Instagram | Linkedin

iQtidorly yoshlarimiz "Karakul Wisdom School Tournament 2024" – matematika olimpiadasi ishtirok etish uchun katta imkoniyat!

💠 Ushbu olimpiadaga 4-sinfdan 9-sinfgacha bo‘lgan barcha bilimdon o‘quvchilarni matematika olimpiadasida ishtirok etishga taklif qilamiz! Ushbu olimpiada "Karakul Wisdom School" xususiy maktabi tomonidan tashkil etilgan bo‘lib, bilimni sinash va o‘z iqtidoringizni ko‘rsatish uchun ajoyib maydon yaratadi.

📅 1-bosqich:
🗓 Sana: 2024-yil 30-noyabr
📍 Format: Online

👉 Qatnashish uchun avval ro‘yxatdan o‘tishingiz shart: Ro‘yxatdan o‘tish

🎁 Sovrinlar: Final bosqichida g‘olib bo‘lgan ishtirokchilar uchun maxsus qimmatbaho sovg‘alar tayyorlangan! Olimpiada nafaqat bilimlaringizni baholash, balki yutuqlaringiz uchun munosib mukofot olish imkoniyatini ham beradi.

🚨 Karakul Wisdom School Tournament 2024 haqida batafsil malumotlarni ushbu yo'riqnoma orqali bilishingiz mumkin.

🌟 Telegram | Instagram | Linkedin