Pedagogika va psixologiya kafedrasi dotsenti Berdiyeva Gulmira Jurayevna boshchiligida Amaliy psixologiya yo‘nalishi talabalari kasbiy rivojlanish va psixologik tahlil ko‘nikmalarini shakllantirish maqsadida “Olov” nomli psixologik filmini tomosha qilish uchun Kinochilar uyiga tashrif buyurishdi.

Mazkur tashrif davomida talabalar film qahramonlarining xatti-harakatlari, hissiy reaktsiyalari va psixologik holatlarini tahlil qilib, o‘zlarining nazariy bilimlarini amaliyotda sinovdan o‘tkazish imkoniyatiga ega bo‘lishdi. Ushbu tajriba ularning kasbiy malakalarini yanada rivojlantirishga va inson psixologiyasini chuqurroq anglashga xizmat qiladi.

Amaliy psixologiya — faqat nazariya emas, balki real hayot voqealari orqali o‘rganiladigan fan!