#qaror_sharh
#kunduzgi_parvarishlash

👫 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati yo‘lga qo‘yiladi. Bu to‘g‘risida Prezident qarori imzolandi.

🖋 Qaror bilan, 2025-yil 1-martdan boshlab, tajriba-sinov tariqasida, bosqichma-bosqich Qoraqalpog‘iston Respublikasi, Andijon, Qashqadaryo, Samarqand, Surxondaryo va Toshkent viloyatlari hamda Toshkent shahrida, 1-oktyabrga qadar respublikaning qolgan hududlarida yo‘lga qo‘yiladi.

☺️ Kunduzgi parvarish xizmatiga nogironlik bo‘lgan bolalarning ota-onalari bilan “Inson” ijtimoiy xizmatlar markazlari o‘rtasida tuzilgan ijtimoiy shartnoma asosida hamda Psixologik-tibbiy-pedagogik komissiya tomonidan berilgan xulosaga muvofiq qabul qilinadi.

Ushbu xizmatni yo‘lga qo‘ygan xususiy tadbirkorlik subyektlariga 2025-yil 1-martdan boshlab, Ijtimoiy himoya davlat jamg‘armasi mablag‘lari hisobidan bolalarning yoshiga qarab ularning har bir kunlik tashrifga bazaviy hisoblash miqdorining 25 va 27% subsidiya ajratiladi.

💵 Shuningdek, Transport xarajatlari uchun kompensatsiya va imtiyozli kreditlar ajratilishi nazarda tutilgan.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz