Uchqo‘rg‘on tuman hokimligi | Rasmiy kanal

Камбағалликдан фаровонлик сари

Юртимизда хотин-қизларнинг ҳуқуқ ва манфаатларини ҳимоя қилиш, уларнинг бандлигини таъминлаш, тадбиркорлик ташаббусларини қўллаб-қувватлаш ишлари ўз самарасини бермоқда.

Бу йўналишда Учқўрғон тумани Фаровон маҳалласида икки йилдан буён фаолият юритаётган "Зарафшон текстил" жамияти мисол бўла олади. Лойиҳа қиймати 10 миллион АҚШ доллари бўлган ушбу корхона орқали 400 нафар ишсиз фуқаро иш билан таъминланди.

Айниқса, корхонадаги хотин-қизлар ўз меҳнатлари билан оилаларининг моддий фаровонлигини таъминлашга, турмуш даражасини оширишга катта ҳисса қўшмоқдалар.

"Зарафшон текстил" жамияти келгусида ўз маҳсулотлари билан жаҳон бозоридан ўрин олиб, экспорт салоҳиятини оширишни мақсад қилган. Бу эса фаолиятни янада кенгайтириш, янги иш ўринларини яратиш ва маҳаллий аҳолининг иқтисодий аҳволини яхшилаш имкониятини беради.

Учқўрғон туманида “Зарбдор тажрибаси” асосида “Драйвер” лойиҳаларни амалга ошириш мақсадида туманда бир қатор ишлар амалга оширилмоқда.
Хусусан, туманда 5 та Драйвер лойиҳалар амалга оширилиши нутижасида 73,5 млрд.сўм маблағлар ўзлаштирилиши, ҳамда зарурий коммуникация тармоқлари билан таъминланиши натижасида 222 нафар аҳоли бандлиги тахминаланади. 4,6 млрд.сўм бюджет тушумлари тушурилади ҳамда 76,4 млрд.сўм хизматлар хажмини яратилади.

✅ Мазкур лойиҳаларни амалга ошириш учун Республика ва маҳаллий бюджетидан 6,1 млрд. сўм маблағлар ажратилиши кўзда тутилган.

✅“Зарбдор тажрибаси”нинг 1-босқичида 4 та лойиҳани амалга ошириш режалаштирилган.
Жумладан:
✅ Мустақилик МФЙ ҳудуди Норин дарё бўйидаги "Орол"чада фестивал майдони, соғломлаштириш йўлаги, болалар учун спорт майдончалари, соғломлаштириш майдонлари, хизмат кўратиш объектлари ҳамда "Янги Учқўрғон парки" ташкил этиш;
✅ Кўприкбоши маҳалласи ҳудудидан ўтувчи Кўприкбоши кўчасини 0,6 км қисмини 24/7 туну-кун ишлайдиган кўнгилочар кўчага айлантириш;
✅ Дўстлик маҳалласи ҳудудида жойлашган “Ёшлар истироҳат боғи”ни зарур инфратузилма билан таъминлаш орқали ва замонавий кўринишга келтириш;
✅ Янгиер маҳалласи ҳудудида спорт комплекси ташкил этиш учун ажратилган 1,5 гектар майдонини зарур инфратузилма билан таъминлаш орқали ҳудудда янги спорт комплекси ва хизмат кўрсатиш лойиҳаларини амалга ошириш.
Туман ҳокимлиги, туман Иқтисодиёт ва молия бўлими, маҳаллла фуқаролар йиғини фаоллари ва бошқа масъул ташкилотлар билан ҳамкорликда зарур чора-тадбирлар амалга ошириб келинмоқда.

🌱 Uchqo‘rg‘on tumanida chigitlar unib chiqmoqda! 🚜

Uchqo‘rg‘on tumani Yashiqobod MMTP hududiga qarashli Yashiq Hamkor Tolasi fermer xo‘jaligida 76/10 sxemasi asosida plyonka ostiga ekilgan chigitlar nihollay boshladi. 🌾✅

📌 Ushbu agrotexnik usul chigitning tez va sifatli unib chiqishini ta’minlab, hosildorlikni oshirishga xizmat qiladi. Plyonka tuproq harorati va namligini saqlab turib, nihollarning sog‘lom o‘sishi uchun qulay sharoit yaratadi.

Fermerlar har bir jarayonni sinchkovlik bilan nazorat qilib, mo‘l hosil yetishtirish uchun barcha agrotexnik tadbirlarni amalga oshirishmoqda. Bu esa yuqori sifatli paxta yetishtirishga mustahkam zamin yaratadi.

Ёшлар бандлиги ва аграр соҳадаги фаолияти самара бермоқда

Юртимизда ёшлар бандлигини таъминлаш бўйича амалга оширилаётган чора-тадбирлар ўз самарасини бермоқда. ПҚ-153-сонли қарор ижроси доирасида Учқўрғон туманида ҳам ёшларни қўллаб-қувватлаш, уларни иш билан таъминлаш ҳамда тадбиркорликка йўналтириш ишлари самарали ташкил этилмоқда.

Эрта баҳорданоқ ёшлар минтақанинг иқлим шароитига мос, экспортбоп озиқ-овқат маҳсулотларини экиб, етиштириш ишларини йўлга қўйишди. Бу эса нафақат ички бозорни сифатли маҳсулотлар билан таъминлаш, балки қишлоқ хўжалиги маҳсулотларини хорижга экспорт қилиш имкониятини ҳам яратмоқда.

Бундай ислоҳотлар ёшларнинг иқтисодий фаоллигини ошириш, уларни тадбиркорликка жалб этиш ва қишлоқ хўжалиги соҳасини ривожлантиришга хизмат қилади.