Xushnudbek.uz

❗️O‘zbekistonda 3,5 ming kambag‘al oilalarning farzandlari OTMga grant asosida qabul qilinadi

Bu bo‘yicha Prezident farmoni qabul qilindi.

Unga ko‘ra, “Kambagʻallikdan farovonlik sari” dasturi doirasida 3,5 ming kambagʻal oilalar farzandlari tayyorlanib, OTMlarga belgilangan tartibda grant asosida qabul qilinadi.

“El-yurt umidi” jamgʻarmasi tomonidan ekologiya, atrof-muhitni muhofaza qilish va iqlim oʻzgarishi taʼlim dasturlari asosida tahsil olish uchun 20 tagacha kvota ajratiladi.


👉 @hushnudbekreklama 👈

📉O‘zbekistonda aholisi eng kam tuman va shaharlar e'lon qilindi

Statistika agentligi ma'lumotlariga ko‘ra, 2025-yil 1-yanvar holatiga O‘zbekistonda doimiy aholi soni 37,5 millionni tashkil etmoqda.

Bunda aholisi eng kam tuman va shaharlar quyidagilar:

🔹 G‘ozg‘on shahri (Navoiy viloyati) — 9,3 ming kishi;
🔹 Tomdi tumani (Navoiy) — 15,3 ming;
🔹 Shirin shahri (Sirdaryo) — 19,4 ming;
🔹 Qorovulbozor tumani (Buxoro) — 20,3 ming;
🔹 Bo‘zatov tumani (Qoraqalpog‘iston Respublikasi) — 21,9 ming;
🔹 Yangiobod tumani (Jizzax) — 30,2 ming;
🔹 Mo‘ynoq tumani (Qoraqalpog‘iston Respublikasi) — 33,9 ming;
🔹 Konimex tumani (Navoiy) — 37,2 ming;
🔹 Taxtako‘pir tumani (Qoraqalpog‘iston Respublikasi) — 38,9 ming;
🔹 Uchquduq tumani (Navoiy) — 39,7 ming.


👉 @hushnudbekreklama 👈

Abduqodir Husanov gol urgani munosabati bilan kanalimizda tanlov (giveaway) tashkil qildim.

Obunachilarimiz orasidan 1 kishiga 1 yillik Telegram Premium hamda uning yoniga Abduqodir Husanovning 1 dona original furbolkasi (ManCity rasmiy do’konidan olingan) sovg’a qilinadi.

⏳G’olib nomi 11-fevral kuni soat 21:00 da ma’lum bo’ladi (ManCity va Real Madrid o’yinidan oldin).

‼️ Tanlovda qatnashish uchun hech narsa qilishingiz shart emas.

Shu kanalga (@hushnudbekreklama) obuna ekanligingiz kifoya. Biror tugmani bosish, qaysidir boshqa kanalga a’zo bo’lish, bu xabarni kimlargadir yuborish shart emas. Shunchaki @hushnudbekreklama kanali obunachilari orasida borligingizning o’zi yetarli. Buning uchun sizga katta rahmat.

Qo‘shimcha ma’lumot: futbolka g‘olibning uy manziliga butun O‘zbekiston bo‘ylab bepul yetkazib beriladi.

❗️BU MUHIM: g‘olibni Telegramning o‘zi tasodifiy tanlov yo‘li bilan avtomatik aniqlaydi. Bunga hech kim, na men, na boshqasi aralasha olmaydi. Shunchaki kimning omadi chopsa, o‘sha g‘olib bo‘ladi.


👉 @hushnudbekreklama 👈

❗️O‘zbekistonda 2025-yil yakuniga qadar AI-80 yonilg‘isidan foydalanish cheklanadi

Bu bo‘yicha Prezident farmoni qabul qilindi.

Farmon bilan, Respublikaning barcha hududlarida joylashgan issiqlik va elektr energiyasi ishlab chiqarish korxonalarida yoqilgʻi sifatida mazutdan foydalanish toʻliq taqiqlanmoqda. Bundan mazutni avariyaviy yoqilg‘i sifatida ishlatish mustasno.


👉 @hushnudbekreklama 👈

Toshkent ko‘chalaridan biriga Otaturk nomi berilishi mumkin

Shahar hokimi Shavkat Umurzoqov 🇹🇷Turkiyaning O‘zbekistondagi elchisi Olgan Bekar bilan poytaxt ko‘chalaridan biriga Turkiya Respublikasi asoschisi va birinchi prezidenti Mustafo Kamol Otaturk nomini berish masalani muhokama qildi.

Shuningdek, uchrashuvda Turk maktabini kengaytirish va Toshkentda Turk bog‘ini tashkil etish yuzasidan ham fikr almashildi.

Ma'lumot uchun, Toshkentning Zarafshon ko‘chasi nomi 2011-yilga qadar Otaturk bo‘lgan. Shuningdek, hozirda Samarqand shahrida Kamol Otaturk ko‘chasi mavjud.


👉 @hushnudbekreklama 👈

Toshkent viloyatida qishloq xo‘jaligi dronlari ishlab chiqariladi

Bu bo‘yicha 🇲🇾Malayziyaning Meraque kompaniyasi bilan kelishuvga erishildi.

Kompaniya bilan hamkorlikda Yangiyo‘l tumanida qishloq xo‘jaligi uchun aqlli texnikalar va dronlar mahalliylashtirilgan holda ishlab chiqariladi.

🌾 Shuningdek, malayziyalik olimlar yaratgan shoʻrga va suvsizlikka chidamli, qora, uzun hamda aromatik sholi navlari Oʻzbekistonda tajriba sifatida ekib koʻpaytiriladi. O‘z navbatida, Oʻzbekistonda yetishtirilgan “Devzira” sholi urugʻlari Malayziyaga joʻnatiladi.

🐟 Bundan tashqari, O‘zbekistonda Malayziya texnologiyalari asosida intensiv baliqchilik, bioflok va krevetka yetishtirish hamda mamlakatimizda yetishtirilgan meva-sabzavotlar va ipak mahsulotlarining Malayziyaga eksporti yo‘lga qo‘yiladi.


👉 @hushnudbekreklama 👈

Shavkat Mirziyoyev Malayziyaga rasmiy tashrifini yakunlab, Toshkentga jo‘nab ketdi.

Prezident matbuot kotibi Sherzod Asadov mazkur tashrifning ayrim o‘ziga xos jihatlari haqida fikr bildirdi:

Bir necha daqiqa oldin O‘zbekiston Prezidentining Malayziyaga so‘nggi 20 yil ichidagi ilk rasmiy tashrifi yakuniga yetdi. Diplomatik tajribam va matbuot kotibi sifatidagi faoliyatimga asoslanib aytishim mumkinki, ikki mamlakat rahbarlari o‘rtasidagi samimiy munosabat va norasmiy muloqot juda yorqin taassurot qoldirdi.

Ushbu go‘zal va mehmondo‘st mamlakat rahbariyati Prezidentimiz bilan samimiy uchrashuvlar o‘tkazish uchun qat’iy protokol qoidalaridan chekinib, yuksak hurmat va ishonch namoyish etganiga guvoh bo‘ldik.

Xususan, Prezidentimizni kutib olishga Malayziya parlamenti spikeri chiqqani, malayziyalik hamkasblarimizning aytishicha, ushbu mamlakat protokol amaliyotida ilgari kuzatilmagan voqea bo‘ldi. Bundan tashqari, Malayziya Bosh vaziri Anvar Ibrohim Prezidentimiz Shavkat Mirziyoyevga butun kun davomida, barcha rasmiy tadbir va uchrashuvlarda hamrohlik qildi. Hattoki muloqotni davom ettirish uchun O‘zbekiston Prezidentiga ajratilgan qarorgohga shaxsan tashrif buyurdi. Keyin ular birgalikda, bir mashinada "Petronas" bosh qarorgohiga yo‘l olishdi, u yerda kompaniya rahbariyati bilan uchrashuv o‘tkazishdi, — deb yozadi Asadov.

ℹ️ Ma’lumot uchun, tashrif doirasida Shavkat Mirziyoyev va Anvar Ibrohim Strategik sheriklik yo‘lida ikki tomonlama hamkorlikni chuqurlashtirish to‘g‘risida qo‘shma bayonotni imzoladi.

Shuningdek, quyidagi hujjatlar qabul qilindi:

— Mahsulotlarning "halol" standartlariga muvofiqligini baholash sohasida hamkorlik to‘g‘risida bitim;
— Bojxona ishida hamkorlik va o‘zaro yordam to‘g‘risida bitim;
— Oliy ta’lim sohasida hamkorlik to‘g‘risida bitim;
—Sog‘liqni saqlash sohasida hamkorlik to‘g‘risida bitim;
— Madaniyat sohasida hamkorlik to‘g‘risida bitim;
— Sud-ekspertlik faoliyati sohasida hamkorlik to‘g‘risida bitim;
— Akademik-diplomatik hamkorlik to‘g‘risida bitim;
— "Aqlli" shaharlarni rivojlantirish sohasida hamkorlik to‘g‘risida bayonnoma;
— 2025-2026-yillarda korrupsiyaga qarshi kurashish sohasidagi sheriklikni chuqurlashtirish bo‘yicha qo‘shma reja.


👉 @hushnudbekreklama 👈