HUQUQ INFO || HUQUQIY BLOG

❗️MA’MURIY HUQUQBUZARLIK NIMA DEGANI O‘ZI ?

📄 Ma’muriy javobgarlik to‘g‘risidagi kodeksning 10-moddasiga asosan,

➖ma’muriy huquqbuzarlik deganda qonunchilikka binoan ma’muriy javobgarlikka tortish nazarda tutilgan, shaxsga, fuqarolarning huquqlari va erkinliklariga, mulkchilikka, davlat va jamoat tartibiga, tabiiy muhitga tajovuz qiluvchi g‘ayrihuquqiy, aybli (qasddan yoki ehtiyotsizlik orqasida) sodir etilgan harakat yoki harakatsizlik tushuniladi.

➖ Yuqoridagi Kodeksda nazarda tutilgan huquqbuzarlik uchun ma’muriy javobgarlik, agar o‘sha huquqbuzarlik o‘z xususiyatiga ko‘ra jinoiy javobgarlikka tortishga sabab bo‘lmagan taqdirda qo‘llaniladi. ✏️ Ya’ni, ayrim huquqbuzarliklar to‘g‘ridan-to‘g‘ri jinoiy javobgarlikka sabab bo‘ladi. Agar qilmish uchun anashunday to‘g‘ridan-to‘g‘ri jinoiy javobgarlik belgilangan bo‘lmasa ana shunda ma’muriy javobgarlik chorasi ishga tushadi.


Kanalga ulanish 👇
https://t.me/huquqiy_info

Mehnat qonunchiligida 3 yoshga toʻlmagan farzandi bor ayollarga berilgan imtiyozlar

🔰 3 yoshga toʻlmagan bolasi bor ayollar uchun kafolat va imtiyozlar:

✅ Homilador ayollar, 3 yoshga toʻlmagan bolasi bor ayollar ishga qabul qilinganda dastlabki sinov belgilanmaydi (MK 129-moddasi).

✅ 3 yoshga toʻlmagan bolalari bor, byudjet hisobidan moliyaviy jihatdan taʼminlanadigan muassasalar va tashkilotlarda ishlayotgan ayollarga ish vaqtining haftasiga 35 soatdan oshmaydigan qisqartirilgan muddati belgilanadi (MK 397-modda).

✅ Ayolga, uning xohishiga koʻra, bolasi 3 yoshga toʻlgunga qadar bolani parvarishlash uchun ish haqi saqlanmaydigan qoʻshimcha taʼtil ham beriladi (MK 242-modda).

✅ Homilador ayollar va 3 yoshga toʻlmagan bolasi bor ayollar bilan tuzilgan mehnat shartnomasini ish beruvchining tashabbusi bilan bekor qilishga yoʻl qoʻyilmaydi, korxonaning butunlay tugatilish hollari bundan mustasno, bunday hollarda mehnat shartnomasi ularni albatta ishga joylashtirish sharti bilan bekor qilinadi (MK 409-modda).


Kanalga ulanish 👇
https://t.me/huquqiy_info

Vazir jamgʻarmasidan har oylik ustama olish uchun qanday natijalarga erishish lozim?

"Vazir jamgʻarmasidan har oylik ustama olishga nomzodlar qanday saralanadi? Ushbu ustamaga nomzod boʻlish uchun nima qilish kerak ?”

✅ Hukumat qaroriga (№425, 02.08.2022) koʻra vazir jamgʻarmasi uchun nomzodlarga kvotalar maktabning bitiruvchi-oʻquvchilari tomonidan tegishli oʻquv yili qabulida oliy taʼlim muassasalariga, Prezident, ijod va ixtisoslashtirilgan maktablarga kirish imtihonlarida qayd etgan natijalariga muvofiq taqsimlanadi.

🔰 Bilim va malakalarni baholash agentligi va Ixtisoslashgan taʼlim muassasalari agentligi taqdim etgan kirish imtihoni natijalari toʻgʻrisidagi maʼlumotlarga asosan vazirlik 2025-yilda Vazir jamgʻarmasidan oylik ustama oladigan pedagoglarning soni belgilanadi va bu kvota “Boshlangʻich taʼlim”, “Aniq va tabiiy fanlar”, “Xorijiy tillar”, “Ijtimoiy fanlar” va “Amaliy fanlar” yoʻnalishlari boʻyicha tuman (shahar)lar boʻyicha taqsimlanadi.

✅Hududiy kengashlar ushbu kvotaga asosan nomzodlarni vazirlikka taqdim etgan.

🤵 Qarorga koʻra, har bitta yoʻnalish boʻyicha tegishli tuman (shahar) uchun belgilangan har bitta kvota oʻrniga koʻpi bilan uchta nomzodni taqdim etilishi mumkin.

Nomzodlar orasidan ustama toʻlanadigan pedagoglarni tanlab olish quyidagi bosqichlarda amalga oshiriladi:

1️⃣-bosqichda — nomzodlarning dars beradigan umumtaʼlim fani boʻyicha bilim darajasini baholash uchun test sinovlari oʻtkaziladi;

2️⃣-bosqichda — umumtaʼlim fanini bilish darajasini baholash boʻyicha oʻtkazilgan test sinovlarida maksimal ballning 80 foizi yoki undan yuqori natija koʻrsatgan nomzodlarning kasbiy mahoratini baholash uchun suhbat oʻtkaziladi. Suhbat oʻtkazish tartibi va mezonlari vazirning buyrugʻi bilan tasdiqlanadi.

🏅 Ushbu ustamaga nomzod boʻlish uchun oʻquvchilaringiz OTM va Prezident, ijod va ixtisoslashtirilgan maktablarga kirish imtihonlarida yuqori ball olishi lozim.


Kanalga ulanish 👇
https://t.me/huquqiy_info

Ichki o‘rindoshni rasmiylashtirish tartibi qanday? Mehnat shartnomasiga o‘zgartirish kiritish orqali amalga oshirish mumkinmi?

Ko‘pchilik ish beruvchilar ichki o‘rindoshlar bilan mehnat shartnomasini mehnat shartnomasiga o‘zgartirish kiritish orqali rasmiylashtirishadi. Biroq bu xato.

Vazirlar Mahkamasining 297-sonli qarori bilan tasdiqlangan "O‘rindoshlik asosida hamda bir necha kasbda va lavozimda ishlash tartibi to‘g‘risida"gi nizomning 2-bandiga asosan o‘rindoshlik asosida ishlash — xodimning o‘zining asosiy ishini bajarishidan tashqari asosiy ishidan bo‘sh vaqtida mehnat shartnomasi asosida boshqa haq to‘lanadigan ishni bajarishi hisoblanadi.

Mehnat kodeksining 435-moddasiga asosan O‘rindoshlik asosida ishga qabul qilish mehnat shartnomasi asosida amalga oshiriladi va ish beruvchining buyrug‘i bilan rasmiylashtiriladi. Asosiy ish to‘g‘risida ish beruvchi bilan mehnat shartnomasini tuzgan xodimning ichki o‘rindoshligi chog‘ida xodim bilan o‘rindoshlik asosida ishlash to‘g‘risida alohida mehnat shartnomasi tuziladi.

Ya’ni MKning 435-moddasi talabi bo‘yicha o‘rindosh xodim bilan mehnat shartnomasini rasmiylashtirish (ichki o‘rindosh bilan ham) alohida mehnat shartnomasi va ish beruvchining buyrug‘i bilan rasmiylashtiriladi.


Kanalga ulanish 👇
https://t.me/huquqiy_info

❗️1 VA 2 GURUH NOGIRONLIGI BO‘LGAN HODIMLAR UCHUN ISH VAQTI HAFTASIGA 36 SOATDAN OSHMASLIGI KERAK

📄 Mehnat kodeksining 427-moddasiga asosan,

➖ I va II guruh nogironligi bo‘lgan xodimlar uchun ish vaqtining davomiyligi haftasiga 36 soatdan oshmaydigan qilib

✅ Shuningdek, ular uchun kunlik ishning (smenaning) davomiyligi tibbiy-ijtimoiy ekspert komissiyasining tavsiyalariga muvofiq belgilanadi, lekin 6 kunlik ish haftasida — 6 soatdan, 5 kunlik ish haftasida — 7 soatu 30 daqiqadan ortib ketmasligi kerak.


Kanalga ulanish 👇
https://t.me/huquqiy_info

❗️O‘ZGALAR PARVARISHIGA MUHTOJ BOLAGA QARAB TURGAN SHAXSGA HAR OYDA 745 000 SO‘MDAN NAFAQA BЕRILADI

📄 Prezidentning 17.02.2022 yil kungi PF–74-son Farmoniga asosan,

➖ O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga har oylik nafaqa to‘lovi (parvarishlash nafaqasi) joriy etilgan.

✅ Parvarishlash nafaqasini to‘lash va yetkazib berish xarajatlari respublika budjeti mablag‘lari hisobidan qoplanadi.

📄 Prezidentning 12.08.2024 yil kungi 108-son Farmoniga ko‘ra,

➖ hozirgi kunda parvarishlar nafaqasining aniq miqdori 745 000 so‘mni tashkil qilmoqda


Kanalga ulanish 👇
https://t.me/huquqiy_info

❗️50 % lik ustama ona-tili o‘qituvchilariga beriladi, o‘zbek tili o‘qituvchilariga emas!

Yanvardan oyliklari ikki baravar ortishidan umid qilayotgan rus va qardosh tilli maktablarning «o‘zbek tili» o‘qituvchilari mutasaddilardan ona-tili va o‘zbek tilining farqi nima ekanligini tushuntirib berishni so‘rashmoqda.

Ushbu masalaga aniqlik kiritish maqsadida Maktabgacha va maktab ta’limi vazirligi axborot xizmatiga murojaat qilganimizda haqiqatdan ham rus va boshqa tilli maktablarda o‘zbek tilidan dars berayotgan o‘qituvchilarga 50% lik ustama berilmasligini ma’lum qildi. Vazirlik vakili javobi quyida keltirilgan:

O‘zbekiston Respublikasi Prezidentining 2024-yil 21-fevraldagi tegishli Farmoniga asosan:

➖ 2025-yil 1-yanvardan — Maktabgacha va maktab ta’limi vazirligi tizimidagi umumiy o‘rta ta’lim muassasalarida ona tili va adabiyot, tarix fanlaridan dars beruvchi hamda Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi (bunga qadar 20 foiz miqdorida belgilangan).

Ona tili va adabiyoti fani uchun berilayotgan mazkur yangi ustama miqdori ta’lim ma’lum bir tilda olib borilayotgan va shu tilni ona tili va adabiyoti fani sifatida o‘tayotgan pedagoglarga nisbatan tatbiq etiladi. Ya’ni:

➖ta’lim o‘zbek tilida olib borilayotgan maktablarda ona tili sifatida o‘zbek tili va adabiyoti fanidan;

➖ta’lim rus tilida olib borilayotgan maktablarda ona tili sifatida rus tili va adabiyoti fanidan;

➖ta’lim qoraqalpoq tilida olib borilayotgan maktablarda ona tili sifatida qoraqalpoq tili va adabiyoti fanidan dars berayotgan o‘qituvchilarga amal qiladi.

Ta’lim rus va qardosh tillarda olib boriladigan maktablarda o‘zbek tili (davlat tili) fanidan dars berayotgan va tegishli milliy sertifikatga ega pedagoglar 20 foizlik ustama olishda davom etadi.


Kanalga ulanish 👇
https://t.me/huquqiy_info

❗️Multiradarlar qayd etgan huquqbuzarliklar  48 soat ichida vakolatli organga yuborilishi shart!

📃 28.10.2024 yil kungi O‘RQ-985-son Qonun bilan Ma’muriy javobgarlik to‘g‘risidagi kodeksga o‘zgartirish kiritilgan

➖ Unga ko‘ra, maxsus avtomatlashtirilgan foto va video qayd etish texnika vositalari orqali qayd etilgan yo‘l harakati qoidalari buzilishi to‘g‘risidagi ma’lumot jarima solish haqida qaror chiqarishga vakolatli bo‘lgan shaxsga 48 soat ichida yuborilmagan taqdirda, ma’muriy huquqbuzarlik to‘g‘risida ish yuritilmasligi belgilangan.

✏️ Ma’muriy huquqbuzarlik to‘g‘risida ish yuritilmaydi degani nima degani ?

➖ Bu degani maxsus avtomatlashtirilgan foto va video qayd etish texnika vositalari orqali qayd etilgan huquqbuzarliklar mana shu 48 soat ichida jarima solish to‘g‘risida qaror chiqaradigan organga yuborilmasa sodir etilgan huquqbuzarlik uchun jarima qo‘llanilmaydi.


Kanalga ulanish 👇
https://t.me/huquqiy_info

❗️NOGIRONLIGI BO‘LGAN SHAXSLAR 3 465 000 SO‘MGACHA BO‘LGAN DAROMADIDAN DAROMAD SOLIGʻI TO‘LASHLARI SHART EMAS!

📃 Soliq kodeksining 380-moddasiga asosan,

➖ Bolalikdan nogiron bo‘lganlar, shuningdek I va II guruh nogironlarining MHTEKM (Hozirgi kunda 1 155 000 so‘m)ning 3 baravari (3 mln 465 ming so‘m) miqdoridagi mablag‘lari daromad solig‘iga tortilmaydi

✏️ Bu degani, hozirgi kunda I va II guruh nogironligi bo‘lgan shaxslar, shuningdek, bolalikdan nogironligi bo‘lganlar 3 465 000 so‘mgacha bo‘lgan daromadlaridan daromad solig‘i to‘lashlari shart emas. Ular daromad solig‘ini manashu summadan oshgan daromadlariga nisbatan to‘laydi bo‘ldi.


Kanalga ulanish 👇
https://t.me/huquqiy_info

#savol

⁉️ Men sobiq turmush o‘rtog‘imni alimentga bermoqchi edi. Alimentga ariza bersam qancha davlat boji to‘layman ?

‼️ O‘zbekiston Respublikasining 06.01.2020 yildagi O‘RQ-600-son Qonunida,

➖ Fuqarolik ishlari bo‘yicha sudlarda davlat bojini to‘lashdan ozod etiladigan shaxslar ro‘yxati keltirilgan bo‘lib, unga ko‘ra da’vogarlar alimentlar undirish to‘g‘risidagi da’volar yuzasidan sudlarga murojaat qilganida davlat bojidan ozod etiladi deb belgilangan.

❗️Demak, aliment undirish to‘g‘risida fuqarolik ishlari bo‘yicha sudlarga murojaat qilgan shaxslar davlat boji to‘lamaydi. Davlat boji to‘amaydi, manfaatdor shaxs to‘lamaydi. Ya’ni, bolalar onada bo‘lsa va ona sudga aliment uchun ariza bersa boj to‘lamaydi. Lekin bu, sudga umuman boj to‘lanmaydi degani emas. Boj to‘lanadi, faqat bojni javobgar taraf to‘laydi. Aliment undirish bo‘yicha chiqarilgan sud buyrug‘iga e’tibor bersangiz, javobgardan davlat foydasiga faloncha summa davlat boji undirilsin mazmunida band bo‘ladi.


Kanalga ulanish 👇
https://t.me/huquqiy_info

Maishiy iste’molchilar uchun elektr energiya va tabiiy gaz uchun to‘lovlar qanday hisoblanadi?

Bugungi kunda elektr energiyaga bir oylik bazaviy me’yor aholi uchun 200 kVt soat ni tashkil qiladi. 1 kVt soat ning narxi 450 so‘m bo‘lib bir oylik cheklov 200 kVt soatgacha. Agar istemolchi 200 kVt soatdan ortiqcha elektr energiya iste’mol qilganda 200 kVt soat dan o‘tgan har bir kVt soat uchun 900 so‘m miqdorda hisoblanadi. Va bu narx 1 000 kVt soatgacha saqlanadi.

Agar 1 000 kVt soatdan o‘tsa har o‘tgan 1 kVt soat uchun to‘lov 1 350 so‘mni tashkil qiladi. Agar istemolchi 5000 kVt soatdan ortiq elektr energiya ishlatsa, narx har 5000 kVt dan ortiqcha energiya uchun 1 575 so‘mdan hisoblanadi. 10 001 kVt soat va undan yuqori sarf uchun esa narx 1 800 so‘mni tashkil qiladi.

Tabiiy gaz hisob kitobida oylik limitlar

Tabiy gazda limitlar mavsumga qarab cheklangan. Bunda:
Tabiiy gaz (isitish mavsumida)

👉 Qoraqalpog‘iston Respublikasi va Xorazm viloyatida: oktabr — fevral oylari davomida 500 kub metr
👉 boshqa hududlarda: noyabr-fevral oylarida 500 kub metr

Boshqa mavsumda:
👉 Qoraqalpog‘iston Respublikasi va Xorazm viloyatida: mart — sentabr oylari uchun 100 kub metr
👉 boshqa hududlarda: mart — oktabr oylari uchun 100 kub metr

Tabiy gaz hisob kitobi
noyabr — fevral oylari davomida bir oydagi iste’moldan kelib chiqib
👉 oyiga 500 kub metrgacha ishlatsa har bir kub metr uchun 650 so‘mdan.
👉 oyiga 501 kub metrdan 2 500 kub metrgacha 1 500 so‘m.
👉 oyiga 2 501 kub metrdan 5 000 kub metrgacha 1 950 so‘m.
👉 oyiga 5 001 kub metrdan 10 000 kub metrgacha 2 275 so‘m.
👉 oyiga 10 001 kub metr va undan yuqori sarf uchun 2 600 so‘mdan hisoblanadi .

Boshqa mavsumda mart — oktabr oylari davomida bir oydagi iste’moldan kelib chiqib:
👉 oyiga 100 kub metrgacha 650 so‘m
👉 oyiga 101 kub metrdan 2 500 kub metrgacha 1 500 so‘m
👉 oyiga 2 501 kub metrdan 5 000 kub metrgacha 1 950 so‘m
👉 oyiga 5 001 kub metrdan 10 000 kub metrgacha 2 275 so‘m
👉 oyiga 10 001 kub metr va undan yuqori iste’mol uchun 2 600 so‘m shaklida hisoblanadi.


Vazirlar Mahkamasining qarori, 16.04.2024 yildagi 204-son.


Kanalga ulanish 👇
https://t.me/huquqiy_info

❗️Magistraturaga qo‘shimcha qabul asosida o‘qishga kirganlarga ta’lim krediti berilmaydi

Vazirlar Mahkamasining 2021 yil 18 avgustdagi 527-son qarori 1-ilovasiga o‘zgartirishlar kiritildi.

Unga ko‘ra, endilikda «ta’lim tashkilotida tahsil olish maqsadida tabaqalashtirilgan to‘lov-kontraktni va tabaqalashtirilgan to‘lov-kontraktning minimal miqdoriga teng bo‘lgan bir martalik boshqa to‘lovlarni hamda davlat oliy ta’lim muassasalari magistraturasiga qo‘shimcha qabul parametrlari asosida o‘qishga qabul qilingan abituriyent va talabalarning to‘lov-kontrakt to‘lovlarini amalga oshirish uchun ta’lim krediti ajratilishiga yo‘l qo‘yilmaydi».


Kanalga ulanish 👇
https://t.me/huquqiy_info

#bilasizmi

🔰Qonunchilikka ko‘ra, vasiylik yoki homiylik yetim bolalar va ota-ona qaramog‘idan mahrum bo‘lgan bolalarga quyidagi hollarda belgilanadi:

🔹ota-onasi vafot etganda yoki sud tomonidan vafot etgan deb e’lon qilinganda;

🔹ota-onasi sud qarori bilan ota-onalik huquqidan mahrum etilganda yoki ularning ota-onalik huquqi cheklanganda;

🔹ota-onasi ikki oydan ortiq kasal bo‘lishi oqibatida o‘zlarining ota-onalik majburiyatlarini bajara olmaganda;

🔹ota-onasi sud qarori bilan muomalaga layoqatsiz deb topilganda;

🔹ota-onasi bedarak yo‘qolganda;

🔹ota-onasi bolalarni tarbiyalash yoki ularning huquq va manfaatlarini himoya qilishdan bo‘yin tovlaganda, shu jumladan, ota-ona tarbiya, davolash muassasalari, tibbiy-ijtimoiy muassasalar va shunga o‘xshash muassasalardan bolasini olishdan bosh tortganda, shuningdek, boshqa zarur hollarda.

Kanalga ulanish👇
https://t.me/huquqiy_info

⚡️HAYDOVCHILIK GUVOHNOMASINING QAYSI TOIFASIDA QANDAY AVTOTRANSPORT VOSITALARINI BOSHQARISH MUMKIN ?

❗️Qonunchilikka ko‘ra, haydovchi tegishli toifadagi transport vositasini boshqarish huquqini beruvchi haydovchilik guvohnomasiga ega bo‘lishi shart:

✅ «A» — moped, motosikl va ularga tenglashtirilgan mototransport vositalari;

✅ «B» — ruxsat etilgan to‘liq vazni 3 500 kilogrammdan oshmaydigan yoki haydovchining o‘rindig‘idan tashqari o‘rindiqlar soni sakkiztadan ortiq bo‘lmagan, shuningdek, ular bazasida ishlab chiqarilgan qo‘l bilan boshqariladigan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «B» toifadagi avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lgan lekin «B» toifadagi avtotransport vositasining aslahalangan vaznidan ortiq bo‘lmagan va avtotransport vositalari tarkibining ruxsat etilgan to‘liq vazni 3 500 kilogrammdan ortiq bo‘lmagan tirkamali «B» toifadagi avtotransport vositalari;

✅ «C» — ruxsat etilgan to‘liq vazni 3 500 kilogrammdan ortiq bo‘lgan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «C» toifadagi avtotransport vositalari;

✅ «D» — yo‘lovchi tashishga mo‘ljallangan, haydovchi o‘rindig‘idan tashqari o‘rindiqlar soni sakkiztadan ortiq bo‘lgan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «D» toifadagi avtotransport vositalari;

✅ «BYe» — tirkamasining ruxsat etilgan to‘liq vazni 750 kilogrammdan ortiq yoki tirkamasining ruxsat etilgan to‘liq vazni jihozlangan avtotransport vositasining vaznidan ortiq bo‘lgan «B» toifadagi avtotransport vositalari, tirkamasining ruxsat etilgan to‘liq vazni 750 kilogrammdan ortiq lekin transport vositalari tarkibining ruxsat etilgan to‘liq vazni 3 500 kilogrammdan ortiq bo‘lmagan «B» toifadagi avtotransport vositalari;

✅ «CYe» — tirkamasining ruxsat etilgan to‘liq vazni 750 kilogrammdan ortiq bo‘lgan «C» toifadagi avtotransport vositalari;

✅ «DYe» — tirkamasining ruxsat etilgan to‘liq vazni 750 kilogrammdan ortiq bo‘lgan «D» toifadagi avtotransport vositalari hamda bo‘g‘imli avtobuslar.


Kanalga ulanish 👇
https://t.me/huquqiy_info

❗️GAZ VA ELEKTRDAN LIMITDAN ORTIQ FOYDALANGAN AYRIM FUQAROLARGA KOMPENSATSIYA TO‘LAB BERILADI

📄 Vazirlar Mahkamasining 16.04.2024 yil kungi 204-son qaroriga asosan,

➖ “Ijtimoiy himoya yagona reyestri” axborot tizimi orqali kam ta’minlangan oilalar, bolalar nafaqasi va moddiy yordam oluvchi xamda yagona reyestrga kiritilmagan, “mahalla yettiligi” xulosasi asosida aniqlanadigan qo‘shimcha ehtiyojmand oilalar toifasidagi iste’molchilar uchun yuzaga kelishi mumkin bo‘lgan qo‘shimcha xarajatlarni qoplash bo‘yicha vaqtincha kompensatsiya joriy etilishi va mazkur ehtiyojmand oilalar uchun isitish mavsumida (noyabr – fevral oylari) elektr energiyasi va tabiiy gaz bo‘yicha quyidagi miqdorlardagi iste’mol uchun bazaviy me’yor doirasidagi hamda bazaviy me’yordan oshgan narxlar o‘rtasidagi farq kompensatsiya qilib beriladi:

✅ tabiiy gaz uchun – oyiga bazaviy me’yordan ortiq foydalanilgan 250 kub metrgacha;

✅ elektr energiyasi uchun – oyiga bazaviy me’yordan ortiq foydalanilgan 150 kVt soatgacha.


Kanalga ulanish 👇
https://t.me/huquqiy_info

❗️ KAMBAGʻAL OILALAR REYESTRI TUZILADI

📄 Prezidentning 23.09.2024 yil kungi PF-143-son Farmoniga asosan,

➖ 2024 yil 1 dekabrdan “mahalla yettiligi” tomonidan kambag‘al oilalarning ijtimoiy sharoiti va kambag‘allikka tushish sabablarini o‘rganish natijasida Ijtimoiy himoya milliy agentligi tomonidan Kambag‘al oilalar reyestri shakllantirilishi belgilangan.

❗️2025 yil 1 yanvardan:

➖ kam ta’minlangan oilalar bolalari uchun nafaqa va moddiy yordam olayotgan oilalarning rasmiy band bo‘lmagan a’zolari ishga joylashganda, o‘zini o‘zi band qilganda yoki tadbirkorlik faoliyatini yo‘lga qo‘yganda ushbu nafaqa va moddiy yordamni ularning muddati tugagunga qadar, biroq 6 oydan ko‘p bo‘lmagan muddatga to‘lash davom ettiriladi;

✅ mehnatga haq to‘lashning eng kam miqdorining 1,5 baravaridan kam bo‘lmagan oylik ish haqi to‘langan holda ishga joylashgan Kambag‘al oilalar reyestriga kiritilgan oila a’zosi uchun ijtimoiy soliq uch yil davomida 1 foiz stavkada to‘lanadi;

✅ kambag‘al oilalarga ko‘mak choralari ijtimoiy shartnoma asosida mehnatga layoqatli oila a’zolarining bandligini ta’minlash, o‘z tomorqasidan samarali foydalanish (ekin ekish), oila a’zolari, shu jumladan, farzandlarining bilim olishi, kasb-hunar va xorijiy tillarni o‘rganishi hamda sog‘lig‘ini nazoratga olishi, uy-joyini ozoda tutishi kabi shartlar inobatga olingan holda ko‘rsatiladi.


Kanalga ulanish 👇
https://t.me/huquqiy_info

Hozirgi kunda O‘zbekistonda:

👉mehnatga haq to‘lashning eng kam miqdori (MHTEKM) – 1 155 000 so‘m;

👉bazaviy hisoblash miqdori (BHM) – 375 000 so‘m;

👉pensiyani hisoblashning bazaviy miqdori – 428 000 so‘m;

👉yoshga doir eng kam pensiya – 834 000 so‘m;

👉nogironlik pensiyalari, jumladan ish staji to‘liq bo‘lmagan chog‘dagi nogironlik pensiyasining eng kam miqdori – 920 000 so‘m;

👉mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa – 920 000 so‘m;

👉zarur ish stajiga ega bo‘lmagan keksa yoshdagi fuqarolarga beriladigan nafaqa – 745 000 so‘m;

👉ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda – 745 000 so‘m.


Kanalga ulanish 👇
https://t.me/huquqiy_info

❗️YOLGʻIZ ONALAR 1 628 550 SO‘MGACHA BO‘LGAN DAROMADLARIDAN DAROMAD SOLIGʻI TO‘LASHLARI SHART EMASLIGINI BILARMIDINGIZ?

📄 O‘zbekiston Respublikasi Soliq kodeksining 380-moddasiga ko‘ra,

➖ ikki va undan ortiq o‘n olti yoshga to‘lmagan bolalari bor yolg‘iz onalar daromadlar qaysi oyda olingan bo‘lsa, o‘sha oyda har bir oy uchun mehnatga haq to‘lash eng kam miqdorining 1,41 baravari (1 628 550 so‘m) miqdoridagi daromadlar bo‘yicha soliq solishdan ozod etiladi.

✏️ Bu degani, 16 yoshga to‘lmagan kamida ikki nafar bolasi bor yolg‘iz onalar olayotgan daromadlarini manashu 1 628 550 so‘m so‘mdan ortgan qismigagina daromad solig‘ini to‘laydi bo‘ldi.

✅ Bu imtiyoz har bir bola uchun fuqarolik holati dalolatnomalarini yozish organlari (FHDYO) tomonidan taqdim etiladigan ma’lumotnoma asosida beriladi.


Kanalga ulanish 👇
https://t.me/huquqiy_info

Xorijiy tillarni bilish bo‘yicha xalqaro yoki milliy sertifikatga ega bo‘lgan xodimlar uchun ustamalar bekor qilindi.

O‘zbekiston Respublikasi Prezidentining 25.12.2024 yildagi PQ-455-son qarori (8-ilova) 10-bandiga muvofiq:

O‘zbekiston Respublikasi Prezidentining 19.05.2021 yildagi "O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida"gi PQ-5117-son qarorining 7-band 3-xatboshisi chiqarib tashlandi:

Ya’ni:

2022 yil 1 yanvardan boshlab xorijiy tillardan milliy va xalqaro sertifikatga ega davlat boshqaruv idoralarining barcha bo‘g‘inlari xodimlariga lavozim maoshiga nisbatan 20 foizgacha qo‘shimcha ustama tashkilotlarning byudjetdan tashqari hamda ish haqi fondi doirasida byudjet mablag‘lari hisobidan to‘lansin.

‼️Endilikda davlat boshqaruv idoralarida amalda 20 foizgacha xodimlarning xorijiy yoki milliy sertifikati uchun to‘lab kelinayotgan ustamalarni to‘lash to‘xtatiladi.


Kanalga ulanish 👇
https://t.me/huquqiy_info

❗️O‘ZBOSHIMCHALIK BILAN EGALLAB OLINGAN YER UCHASTKALARINI XUSUSIYLASHTIRISH UCHUN UNDIRILADIGAN TO‘LOV QANCHA ?

📄 “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida Qonunga ko‘ra,

➖ yer va binolarni qonuniylashtirish uchun quyidagi miqdorlarda bir martalik to‘lov undiriladi:

✅ Toshkent shahrida – BHMning 5 baravari;

✅ Nukus shahri va viloyat markazlarida – BHMning 3 baravari;

✅viloyatlar bo‘ysunuvidagi boshqa shaharlarda – BHMning 2 baravari;

✅ boshqa aholi punktlarida – BHMning 1 baravari;

✅ qolgan hollarda bir martalik to‘lov tegishli hududdagi o‘rtacha auksion bahosi miqdorida to‘lanadi.

❗️Shuningdek, I va II guruh nogironlari, oldingi “aksiya” vaqtida yig‘im to‘lagan shaxslar to‘lovdan ozod qilinadi, “Ijtimoiy himoya yagona reyestri” axborot tizimiga kiritilgan shaxslarga 50 foiz chegirma beriladi.


Kanalga ulanish 👇
https://t.me/huquqiy_info