Хукукий ахборот (Rasmiy)

❗️БИРОВНИНГ ШАХСИЙ СИРИНИ ТАРҚАТГАН ШАХСЛАРГА ЖАВОБГАРЛИК БОР !!!

📃 Маъмурий жавобгарлик тўғрисидаги кодекснинг 46 прим 1-моддаси, "Шахсий ҳаёт дахлсизлигини бузиш" деб номланиб,

➖унга кўра шахснинг шахсий ёки оилавий сирини ташкил этувчи шахсий ҳаёти тўғрисидаги маълумотларни унинг розилигисиз қонунга хилоф равишда йиғиш ёки тарқатиш, — базавий ҳисоблаш миқдорининг ўн баравари (3 400 000 сўм)дан қирқ баравари (13 600 000 сўм)гача миқдорда жарима солишга сабаб бўлади деб кўрсатилган.

✏️ Ха, бундай ҳуқуқбузарлик учун жарима миқдори кам эмас. Шунинг учун бировнинг томорқасини ковлаб юрадиганлар бундай ишларингни ташлаб бошқа иш билан шуғилланганларинг маъқул..

Каналга уланиш👇👇👇
https://t.me/huquqiy_axborot1

⚡️ДИҚҚАТ

❗️Мутахассислиги бўйича 5 йил иш стажига эга хотин-қизларга ОТМ га ўқишга кириш учун тавсиянома берилади. Ариза топшириш санаси 1 майдан бошланади.

📃 Ҳукуматнинг 09.06.2022 йил кунги 322-сон қарори билан тасдиқланган низомга кўра, мутахассислиги бўйича камида 5 йил меҳнат стажи бор, лекин олий маълумотга эга бўлмаган хотин-қизлар давлат ОТМга алоҳида қабул параметрлари (500 та квота) доирасида тўлов-контракт асосида ўқишга қабул қилиниши белгиланган.

❗️ Бунда талабгор Оила ва хотин-қизлар давлат қўмитаси тавсияномасига эга бўлиши керак.

❗️ Тавсиянома олиш учун талабгор қуйидаги талабларга тўғри келиши керак:

➖1) ўрта махсус ёки профессионал таълим бўйича мутахассисликка эга бўлиши;

➖2) тавсиянома олгунга қадар олий таълим олмаганлиги ёки олмаётганлиги;

➖3) ўрта махсус ёки профессионал таълим мутахассислиги бўйича 5 йиллик меҳнат стажига эга бўлиши.

✏️ Қарорда тавсиянома олиш учун талабгор доимий яшаш ёки вақтинча рўйхатда турган жойидаги туман (шаҳар) оила ва хотин-қизлар бўлимларига ҳар йили 1 майдан 1 июнга қадар ариза билан мурожаат қилиши керак. Демак, ариза топширишнинг бошланиш санасига оз вақт қолмоқда. Талабгор бўламан деганлар секин китоб варақлаб туравериш керак))


Каналга уланиш👇👇👇
https://t.me/huquqiy_axborot1

❗️ФАРЗАНДЛАРИ ХУСУСИЙ МАКТАБ ЁКИ БОҒЧАЛАРГА БОРАДИГАН ОТА-ОНАЛАРГА ДАРОМАД СОЛИҒИ БЎЙИЧА ИМТИЁЗ БЕРИЛГАН

📄 Солиқ кодексининг 378-моддасига асосан,

➖"Фарзандларига нодавлат мактабгача таълим ташкилотлари ёки мактаблар кўрсатадиган таълимга оид хизматлар учун ота-она ва фарзандликка олувчилар томонидан ҳар бир фарзанд учун тўланадиган ойига 3 миллион сўмгача бўлган тўловлар» даромад солиғига тортилмайдиган тўловлар хисобланиши белгиланган.

✏️ Яна бир ҳолат шуки, ушбу нормада 3 млн сўмГАЧА дейилмоқда. Бу дегани айнан 3 млн сўм бўлиши керак дегани эмас. Ундан камроқ тўланса хам бу имтиёздан фойдаланиш мумкин, фақат тўловнинг максимал миқдори 3 млн сўм.

Каналга уланиш👇👇👇
https://t.me/huquqiy_axborot1

❗️КИМЛАР ПЕДАГОГИК ФАОЛИЯТ БИЛАН ШУҒИЛЛАНИШИ МУМКИН ЭМАС?

📃  "Педагогнинг мақоми тўғрисида" ги ЎРҚ-901-сон Қонунга кўра,  қуйидаги шахсларнинг педагогик фаолият билан шуғулланишига йўл қўйилмайди:

➖қонуний кучга кирган суд ҳукмига мувофиқ педагогик фаолият билан шуғулланиш ҳуқуқидан маҳрум этилган шахслар;

➖қонунчиликда белгиланган тартибда суд томонидан муомалага лаёқатсиз ёки муомала лаёқати чекланган деб топилган шахслар;

➖педагогик фаолиятни амалга оширишга тўсқинлик қиладиган касалликлари бўлган шахслар;

➖психиатрия ёки наркология муассасаларида ҳисобда турган шахслар.

❗️Қасддан содир этилган жиноят учун илгари судланган шахсларни педагогик фаолият билан боғлиқ лавозимларга қабул қилиш ман этилади.

👉🏽 @Yurist_Blogerr

❗️Ташкилотларда штат қисқарганида ҳомиладор ва 3 ёшгача боласи бор аёлларни шу сабаб билан ишдан бўшатиш мумкин эмас!

📃 Меҳнат кодексининг 163-моддасига асосан, иш берувчи қуйидаги ҳолатларда ҳодимни ишдан бўшатиши мумкин эмас:

🟢 Қонунчиликда белгиланмаган асослар билан;

🟢 камситишни тақиқлаш талабини бузадиган ҳолатларда;

🟢 ходим “больничний”да бўлганда (яъни, касал бўлганда) ва таътилларга чиққанида;

🟢 ходим давлат ёки жамоат мажбуриятларини бажарганлиги учун ишдан озод этилганда;

🟢 ходим хизмат сафарида бўлганда;

🟢 ҳомиладор аёллар ҳомиладорлик даврида.

❗️ Шунингдек, 3 ёшгача боласи бор аёллар ёки 3 ёшгача бўлган болани ёлғиз тарбиялаётган ота (васий)ни фақат корхона тугатилганда, улар меҳнат интизомини доимий ёки бир марта қўпол равишда бузганда иш берувчи томонидан бўшатиш мумкин. Штат қисқариши ёки малакаси етарли эмаслиги асоси билан уларни ишдан бўшатиш мумкин эмас.

👉 @Yurist_Blogerr

❗️НИКОҲ ТУЗИШ ТАРТИБИ

📄 Оила кодексининг 13-моддасига асосан, никоҳ фуқаролик ҳолати далолатномаларини қайд этиш органларида тузилади.

❌ Диний расм-русумларга биноан тузилган никоҳ ҳуқуқий аҳамиятга эга эмас.

✅ Никоҳ тузиш никоҳланувчиларнинг фуқаролик ҳолати далолатномаларини қайд этиш органларига ариза берганларидан кейин бир ой ўтгач, шахсан уларнинг иштирокида амалга оширилади.

✅ Узрли сабаблар бўлганда фуқаролик ҳолати далолатномаларини қайд этиш органи бир ой ўтгунга қадар никоҳ тузишга рухсат бериши мумкин.

✅ Алоҳида ҳоллар (ҳомиладорлик, бола туғилиши, бир тарафнинг касаллиги ва бошқалар)да никоҳ ариза берилган куни тузилиши мумкин.

📄 Никоҳ тузиш фуқаролик ҳолати далолатномаларини давлат рўйхатидан ўтказиш учун белгиланган тартибда амалга оширилади.

❗️Фуқаролик ҳолати далолатномаларини қайд этиш органи никоҳни рўйхатга олишни рад этганда, шикоят билан бевосита судга ёки бўйсунишига кўра юқори турувчи органга мурожаат қилиниши мумкин.

👉 @Yurist_Blogerr

⚡️МАЪЛУМОТ УЧУН:

📄 Камбағал ва ишсиз фуқароларни тадбиркорликка жалб қилиш, уларнинг меҳнат фаоллигини ошириш юзасидан қуйидаги имтиёзлар 👈белгиланган:

✅ тадбиркорларга иш ўринлари ва шароитларини ногиронлиги бўлган шахсларга мослаштириш учун ҳар бир мослаштирилаётган иш жойи учун БҲМ нинг 40 баравари (13 млн 600 минг сўм) миқдоригача;

✅ тадбиркорлик фаолиятини бошлаётган ишсиз фуқароларга тадбиркорлик субъекти сифатида давлат рўйхатидан ўтгандан сўнг дастлабки уч ой мобайнида олинган бино ва иншоотнинг ижара тўлови;

✅ ҳунармандларнинг “Ҳунарманд” уюшмасига аъзолик бадали харажатларини қоплаш учун субсидия ажратилади.

❗️ИИО ҲОДИМЛАРИ ҚАНДАЙ ҲОЛЛАРДА ЭЛЕКТРОШОК ҚУРИЛМАСИНИ ҚЎЛЛАШИ МУМКИН ?

📄 16.09.2016 йилдаги ЎРҚ-407-сон "Ички ишлар органлари тўғрисида"ги қонунга кўра, Ички ишлар органи ходими қуйидаги ҳолларда махсус воcита "электрошок"ни қўллаш ҳуқуқига эга:

▪️фуқарога ёки ички ишлар органи ходимига қилинган ҳужумни қайтариш учун;

▪️жиноятга ёки маъмурий ҳуқуқбузарликка чек қўйишда;

▪️ички ишлар органи ходимига қаршилик кўрсатилишига чек қўйишда;

▪️жиноятни содир этишда ёки уни содир этганидан кейин дарҳол кўриб қолинган, яширинишга уринаётган шахсни ушлашда;

▪️ушлаб турилган шахсларни ва қамоққа олинган, маъмурий қамоққа олинган шахсларни олиб бориш, қўриқлаб бориш ва қўриқлашда, шунингдек қочишга уринишини, атрофдагиларга ёки ўзига зарар етказишини бартараф этиш мақсадида;

▪️зўравонлик билан ушлаб турилган шахсларни, эгаллаб олинган биноларни, хоналарни, иншоотларни, транспорт воситаларини ва ер участкаларини озод қилишда.

❗️МАЪМУРИЙ ҲУҚУҚБУЗАРЛИК НИМА?

📄 Маъмурий жавобгарлик тўғрисидаги кодекснинг 10-моддасига асосан,

➖маъмурий ҳуқуқбузарлик деганда қонунчиликка биноан маъмурий жавобгарликка тортиш назарда тутилган, шахсга, фуқароларнинг ҳуқуқлари ва эркинликларига, мулкчиликка, давлат ва жамоат тартибига, табиий муҳитга тажовуз қилувчи ғайриҳуқуқий, айбли (қасддан ёки эҳтиётсизлик орқасида) содир этилган ҳаракат ёки ҳаракатсизлик тушунилади.

➖ Мазкур Кодексда назарда тутилган ҳуқуқбузарлик учун маъмурий жавобгарлик, башарти бу ҳуқуқбузарлик ўз хусусиятига кўра жиноий жавобгарликка тортишга сабаб бўлмаган тақдирда, амалга оширилади.

❗️ЭЛEКТР ТАЪМИНОТИДАГИ УЗИЛИШЛАРГА ИНФРАТУЗИЛМАНИНГ ҲАДДАН ТАШҚАРИ ЭСКИРГАНИ ХАМ САБАБ БЎЛАДИ

▪️Статистикага кўра, Ўзбекистонда 10 киловольт кучланишли электр узатиш тармоқларининг:

– 40 фоизи 40 йилдан ортиқ;
– 31,5 фоизи 25 йилдан 40 йилгача;
– 15,5 фоизи 10 йилдан 20 йилгача;
– 13,5 фоизи эса 10 йилдан кам вақтдан буён фойдаланиб келинмоқда экан.

▪️6 киловольт кучланишли электр узатиш тармоқларининг эса 41 фоизи 40 йилдан зиёд вақтдан бери хизмат қилмоқда.

▪️ Шунингдек, мавжуд 94 мингта трансформаторнинг 33 мингтаси ёки 35 фоизи таъмирга муҳтож.

❗️Инфратузилманинг эскиргани оқибатида электр энергиясини истеъмолчиларга етказиб беришдаги йўқотишлар ҳажми 15-20 фоизга етган. Таққослаш учун, халқаро стандартлар бўйича электр энергияси етказиб беришдаги техник йўқотишлар ўртача 7-8 фоизга тенг бўлиши керак.

⚡️МАЪЛУМОТ УЧУН:

📄 07.06.2022 йилдаги ЎРҚ-776-сон Қонунга асосан ТАҚИҚЛАНАДИ:

❗️энергетик ичимликлар намуналарини вояга етмаганлар ўртасида реклама қилиш мақсадида бепул тарқатиш;

❗️вояга етмаганларга энергетик ичимликларни реклама қилиш;

❗️ энергетик ичимликларнинг номидан, товар белгисидан (хизмат кўрсатиш белгисидан) ёки тасвиридан фойдаланилган ҳолда вояга етмаганлар учун мўлжалланган тадбирларга ҳомийлик қилиш;

❗️вояга етмаганлар орасида энергетик ичимликларнинг номидан, товар белгисидан ёки тасвиридан фойдаланилган товарларни (футболкалар, бош кийимлар, ўйинларни ва бошқаларни) тарқатиш, шу жумладан сотиш;

❗️асосан болалар ва ўсмирлар учун мўлжалланган босма нашрларда, шунингдек тиббиёт, спорт ва таълим муассасаларида ҳамда ташкилотларида энергетик ичимликларни реклама қилиш.

❗️ЭНEРГEТИКА ТИЗИМИДА ИЖТИМОИЙ НОРМА АМАЛИЁТИ ЖОРИЙ ҚИЛИНАДИ

➖ Ўзбекистонда 2024 йилнинг 1 майидан бошлаб электр энергияси ва табиий газ нархларини белгилашда «ижтимоий норма» тизими жорий қилинади.

▪️ Унга кўра, электр энергияси нархи I ва II гуруҳ истеъмолчилари учун ўзгармайди — мос равишда 1 кВт.соат учун 1000 сўм ва 900 сўмдан. Кўп қаватли уй-жойлар ва ётоқхоналарда яшовчилардан эса бир ойлик истеъмолдан келиб чиқиб:

— 201-1000 кВт.соатни ташкил этса – 900 сўм;
— 1000 дан 5000 кВт.соатгача – 1350 сўм;
— 5000 дан 10000 кВт·соатгача – 1575 сўм;
— 10 минг кВт.соатдан ошса – 1800 сўм тўлов ундирилади.

200 кВт.соатгача истеъмол қилинган электр энергияси учун тўлов 450 сўмдан эътиб белгиланди.

▪️ Табиий газ нархи ҳам барча истеъмолчилар учун ўзгаришсиз қолдирилмоқда (кубометри учун 1500 сўмдан). Шунингдек, йирик улгурчи истеъмолчилар ва бюджет ташкилотлари учун ҳам нархлар ўзгармайди (кубометри учун 1800 сўмдан)

Газ учун белгиланган ижтимоий норма – ёз мавсумида (март-октябрь ойларида) 100 киловаттгача 650 сўмдан, ундан юқори истеъмол учун эса табақалаштирилган тартибда қуйидагича нарх белгиланмоқда:

— ойига 101 куб метрдан 2 500 куб метргача – 1500 сўм;
— ойига 2 501 куб метрдан 5 000 куб метргача – 1950 сўм;
— ойига 5 001 куб метрдан 10 000 куб метргача – 2275 сўм;
— ойига 10 001 куб метр ва ундан юқори истеъмол учун – 2600 сўмдан.

Қишки мавсумда эса (ноябрь-февраль ойларида) ижтимоий норма 500 кубометр этиб белгиланган. Нормадан ошган истеъмол учун нархлар қуйидагича:

— ойига 500 куб/метргача – 650 сўм;
— ойига 501 куб/метрдан 2 500 куб/метргача – 1 500 сўм;
— ойига 2 501 куб/метрдан 5 000 куб/метргача – 1 950 сўм;
— ойига 5 001 куб/метрдан 10 000 куб/метргача – 2 275 сўм;
— ойига 10 001 куб/метр ва ундан юқори истеъмол қиладиганлар учун – сўмдан.

▪️ Аҳолига маиший эҳтиёжлар учун сотиладиган суюлтирилган газнинг бир килограмми 1600 сўм этиб белгиланди. Шунингдек, 2024/2025 йилги иситиш мавсумида (ноябрь-февраль ойлари) эҳтиёжманд аҳолига энергетик тўловлар учун 270 минг сўмдан бир марталик ёрдам пуллари ўтказилади.