Hikmatlar

Ilmiy ish

Ular: Siz qachon ilmiy ish qilasiz?

Men: Qachonki adolat bo'lsa?

Ular: Adolat yo'q, hech qachon bo'lmaydi...

Men: Bo‘lmasa pul kerak ekanda?

Ular: Hamma narsaga pul kerak...

P.S
"...Albatta, to bir qavm oʻzlarini oʻzgartirmagunlaricha, Alloh ularning holini oʻzgartirmas..."
Rad surasi, 11-oyat.

@hikmatlarimiz

VAZNSIZLIK HOLATI

Fazogirlar koinotda
Unutarmish aslini –
Yengil bo‘lib qolar emish,
Yo‘qotarmish vaznini.

Do‘stlar! Yerda hayot og‘ir,
Ko‘zlardagi yosh og‘ir;
Yelkadagi boshdan ko‘ra
Ko‘krakdagi tosh og‘ir.

Gar qodirsiz, ko‘kka uchib,
Sinab ko‘ring, jo‘ralar,
Yo fazoda kezganlardan
So‘rab ko‘ring, jo‘ralar,

Vaznsizlik holatida
Uchib yurgan damlari,
Yengilmikan u yoqlarda
Bu dunyoning g‘amlari!..

1985

Mirzo Kenjabek

@hikmatlarimiz

Ali Attor aytadilar: Basra ko‘chalaridan birida yurgandim. Ko‘chada qariyalar o‘tirar va ularning atrofida yosh bolalar o‘ynab yurardi. Men bolalarga qarata: "Oldida o‘ynagani mana bu mo‘ysafidlardan hayo qilmaysizlarmi?" dedim. Shunda ular ichidan bir bolakay chiqib menga dedi:
BU QARIYALARNING PARHEZKORLIGI YO‘QLIGI UCHUN HAYBATLARI HAM YO‘Q!
---
* Parhezkorlik - harom yo halolligi noaniq shubhali ish va narsalardan saqlanish va ehtiyot bo‘lish.

Mubashshir Ahmad

@hikmatlarimiz

Bugun masjidga bormaydigan yoshlar, kecha "uyqusi bo'linmasin" deya bomdod namoziga uyg'otilmagan bolalar edi... 😔

Abdulbasir qori Kamolov

@hikmatlarimiz

Abdulloh ibn Umar roziyallohu anhudan rivoyat qilinadi.

Rasululloh sollallohu alayhi vasallam:

“Hoji bilan uchrashsang unga salom bergin hamda u bilan qo‘l berib ko‘rishgin va uyiga kirishidan ilgari sen uchun istig‘for aytishini so‘ragin. Chunki, u (hoji) gunohlari kechirilingan kishidir” dedilar”
(Imom Ahmad rivoyati).

@hikmatlarimiz

Qalb davosi quyidagi besh narsadadir:

Qur'onni tafakkur bilan o'qish;
ochiqqan qorin,
tun namozi,
sahardagi tazarru va
solihlar bilan suhbatda bo'lish.

Yahyo ibn Muoz rohimahulloh

"Uni poklagan najot topur" kitobidan

@hikmatlarimiz

O’yinlar o’ynamang

Nobel, Oscar, Oltin to‘p, maktabning eng sevimli o‘qituvchisi — ajoyib mukofotlar. Insonlarni ruhlantiradi, o‘z ustida ishlashga undaydi.

Ammo har bir mukofot manipulyatsiya qiladi, o‘z qolipiga solishga, insonlarni jamiyat fikriga moslashishga va ba’zan qadriyatlarini o‘zgartirishga majbur qiladi.

Yuqoridagi mukofotlarni yutmoqchi bo‘lganlar Falastin-Isroil mojarosi, Xitoydagi uyg‘urlar qirg‘ini haqida gapira olmaydi. Gapirsa, mukofot ololmaydi.

G‘arb mukofoti bo‘lsa — g‘arb mafkurasiga, sharqniki bo‘lsa — sharq siyosatiga moslashishga majbur bo‘ladi.

“Eng sevimli ustoz” mukofotini olishni xohlaganlar ba’zan rahbariyat bilan ko‘p tortishmasligi, noto‘g‘ri ish qilsa ham bolalarga yoqmaydigan jazolarni bermasligiga to‘g‘ri keladi. Jazo bersa, “sevimli” bo‘lmay qoladi.

Ustoz bolalarga va rahbariyatga moslasha boshlaydi. Moslashmaganlar va o‘z prinsiplarida mustahkam turganlar e’tiborsiz qoldiriladi.

Mukofotlarga qiziqsangiz, o‘yinlar ichida qolib ketasiz. Ular — o‘ynatuvchi, siz esa o‘ynovchi bo‘lib qolasiz. O‘zligingizni unutib qo‘yishingiz mumkin. Amallaringiz o‘zingizniki bo‘lmay qoladi.

O‘yinlar o‘ynamang. O‘yinlardan va o‘ynatuvchilardan kattaroq bo‘ling. Uzoq vaqt sifatli va prinsiplaringizdan voz kechmagan holda ishlang — o‘zlari olib kelib berishadi. Kamida umringiz oxirida o‘zligingizni unutmaganingiz uchun xursand bo‘lasiz.

Uralov Muhammad

@hikmatlarimiz