Hazrati Kursdosh | Ibtido

Samarqandda 6 kilometrlik metro qurilar ekan. Avvalroq tramvayni bergandik, endi metro. Samarqandga qaytamanmi, deymanda. Zora shu ketishda poytaxt boʻlib ketsa.

#uygaqaytdikmi

@hazratikursdosh

Yillar davomida anglagan haqiqatim shu bo‘ldiki, qancha urinmang baribir o‘qishda ham, ishda ham tinch uxlagani qo‘yishmas ekan.

@hazratikursdosh

Yangi ibora

14-yanvarning — 8-marti ham bor!

@hazratikursdosh

Toʻxtanglar-toʻxtanglar, men hozir Toshkan bilan gaplashdim. Yuqoridan buyruq keldi. 14-yanvardan keyin stipendiyalar tushirib beriladi ekan, keyin bemalol sarflovrasilar. Ob-havoga ham qaranglarda)

@hazratikursdosh

Bazida miya g‘ovlab, chuqur o‘yga tushaman. Birovi kelib turtmagunicha pinagimni ham buzmayman. Mana hozir ham shunday bir vaziyatda edim: Pul o‘zi kelib tursa, pul topish haqida umuman o‘ylamasang, faqat ijod bilan yotvolib shug‘ullansang, katta-katta asarlar yozsang... Simirib-simirib chanqog‘ingni bossang!

Yoki o‘zbek xalqiga haykal qo‘ygan Tog‘ay Murod kabi, tinchlik istaganda, odamlardan xafa bo‘lganda, ko‘ngil ozganida yoxud ilhom kelib yurak yonganida uy yerto‘lasiga kirib ketsammikan?

Yo‘q, menda unday joy ham, tanti ko‘ngil ham, vaqt ham yo‘q. Yongan yurak bor edi, uniyam suv sepib o‘chirishdi. Faqat tosh kabi bag‘ir qoldi; hech nimaga ko‘nmaydigan, hech kimga ishonmaydigan. Sotsam pul bo‘larmikan? Yo‘g‘-a, o‘zingga ravo ko‘rmaganni o‘zgaga ham ilinma, deyishadi. Qo‘yag‘ay!

...Qodiriy nima degandi, ha "daholarni yetishtirguchi bosh omil buzuq sharoit." Shuncha buzuq sharoitdan o‘tib keldim, daholikdan baholik yo‘q-ku? Bo‘lsa, nechuk sezilmaydir. Yo kamlik qildimikan? Yoshim! Til suyaksiz-da... o‘ylab ham bo‘lmaydi axir. Afshuuu, shomolladim shekilli. Hamma sharoitlar yaxshi bo‘lsa, O‘ziga shukr, bizdan daholar chiqarmidi?.. Chiqsa chiqar, yo‘qsa ot bilan tuya bo‘larmidi. Menga nima!

...To‘xta-to‘xta, adabiyot ichida bolani yig‘lagan ovozi nima qilyapti? U haqida o‘ylayotganim yo‘q edi-ku?! Ax, shunday o‘ylar-a, bolani tagligini alishtir, jonliroq emizsangchi bunday! Bog‘cha puliyam bu oydan sal ko‘tarilibdimi?.. Mashinamni kaliti qani, ko‘p qolib ketdim. Ro‘zg‘orga nimalar kerakligini yozib yuborarsan. Kuzatma!..

@hazratikursdosh

#talimxabari
❌ Darsga kelmagan “akademik qarzdor talaba”ning kursdan qoldirilish tartibi

(kredit-modul tizimi boʻyicha)

✅ 1 ta fan uchun 6 kredit ajratilgan.
✅ 1 kredit 30 soatga teng.
✅ 1 ta fanning 6 krediti 180 soat
✅ 180 soatning 40 foizi (72 soat) auditoriya soatiga, qolgan 60 foizi (108 soat) esa mustaqil taʼlimga ajratilgan.

Talaba auditoriya uchun ajratilgan 72 soatning ¼ qismini (yaʼni 18 soatni) qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

P/s: Zato, akademik bo‘larkan-ku)

@hazratikursdosh

Eslatib qoʻyish burchim. Bu yil ilon yili, ilonlarni yeyish yilimas.

@hazratikursdosh

Tomorqamizda bir-ikkita orqa-oldiga qaramay tomir yoygan yovvoyi, ayni paytda itqovunga o‘xshab ko‘payib borayotgan uch-to‘rtta qoqibasharalar, adashib bosib olsang hidi anqiydigan sassiq ko‘t... e o‘tlar deyman, ishqilib unisimi yo bunisimi uchrab turibdi. Ana shunday origa tupurib, nomusiga siyib tashlaganlarni ildizi bilan chopgani bir  ketmon topilmasa-da, yaxshiyamki, qonunlarimiz "o‘n besh sutkalab" turibdi.

Hazilga olgani kayfiyat tuqqan xotinga o‘xshab turgani boisidan keyinroq mavzuga alohida qaytaman. Sekin-sekin jiddiyroq mavzularga yuz burmasak boʻlmayapti. Biz dona-dona yozgʻiraveramiz, siz sirasini ilib ketaverasiz. Durustmi?

@hazratikursdosh

Tajribamdan shunisi ma'lumki, davlat tashkilotlarida eng kichik lavozimdagi xodim ham birinchi rahbarga gapira olsa, o‘z o‘rnida rahbar ham uni eshitib, fikr bo‘lisholsa, ana shu tashkilotda siljish bo‘ladi. Bu butun bir jamoaning hamfikrligi va sohada begonalar yo‘qligini bildiradi.

Ma'lumki, ayrim tashkilotlarga sohaning, o‘sha yo‘nalishning tiyiniga ham tushunmaydigan rahbarlar kelib turadi. Xodim mutaxassis sifatida gapirsa, uni jo‘yali eshitmaydi ham. Eshitgan taqdirda ham tushunmaydi. Bundaylar ko‘proq yuqoridan keladigan buyruqlarni bajarishga o‘rganib qolgan. Buyursang, bas, kalla-poycha qilib, hamma tarafni rasvosini chiqaradi. O‘rtada jabr ko‘rgan xodim qoladi.

Shu bois, qaysi tashkilotga bo‘lmasin, rahbar tayinlanayotgan bo‘lsa, shu yo‘nalishdagi mutaxassislarni tanlagan ma'qul. Agar tizimda nimadir o‘zgarishini istasak, albatta.

@hazratikursdosh

U “Oʻgʻri boʻl, insofli boʻl” undoviga qat’iy amal qilardi. Yotoqxonada kursdoshlarining rolltonini yarmini sindirib qoldirardi.

@hazratikursdosh

14-yanvarga kursdosh yigitlari uchun nima sovgʻa olishni bilmay boshi qotib turgan qizlarga gʻoya sotaman. Kanalimiz a’zolariga kelishtirib beramiz.

@hazratikursdosh

— Hazrati Kursdosh, koʻz tegmasin qanday chiroyli yigitman-ay, bir qarang!?
— Tur, yoʻqol-e, turq-tarovatingga la’nat!

@hazratikursdosh

— Bayram ham yaqinlashib qoldi.
— Maslahatni bir joyga qo‘yaylik, qizlarjonlar. — Guruhimizda o‘zi bitta yigit bor.
— Uyam bo‘lsa juda uyatchan.
— Bir ochilib gapirmaydiyam.
— Nimalar yoqadi, nimalarga qiziqadi, bilmaymiz ham.
— Mana, bu yil o‘qishni ham bitiramiz. Birortamiz shu bechoraga turmushga chiqib qo‘ya qolamizmi?
— Bunchalik chuqurlashma-e, o‘zi bir oddiy bayram bo‘lsa.
— Shuni ayt, ersirab qolganmi bu.

Hazrati Kursdosh:
— Yaxshisi pul yig‘ib, konvertga solib beringlar. Shu bilan o‘qishni bitirib ketadi. 😂

@hazratikursdosh

Zaharxanda

Iching buncha qora. Qayerda tonirofka qildirgansan?!

@hazratikursdosh

— Uning boshqa kanallardan qanday farqli jihati bor edi?
— Oila bilan universitetni bir yostiqqa bosh qo‘yishiga erishgandi.

@hazratikursdosh