✅2025-yil 13-aprel kuni Toshkent shahri yana eng kutilgan sport tadbirlaridan biri – VII Toshkent xalqaro marafoniga mezbonlik qiladi. Bu yil marafon (42 km), yarim marafon (21 km) va 10 km masofaga yugurish trassalari "Yangi Oʻzbekiston" bogʻiga tutash yoʻl boʻylab, 3 km masofa esa bevosita bogʻ hududida tashkil etiladi.

✅VII Toshkent xalqaro marafonining mukofot jamgʻarmasi 639 million soʻmni tashkil etadi. Bunga qoʻshimcha ravishda, erkaklar va ayollar oʻrtasida marafon masofasida Oʻzbekiston milliy rekordini oʻrnatganlarga 15 million soʻm, yarim marafon masofasida esa 10 million soʻm ajratiladi.

✅Marafonda barcha xohlovchilar – fuqaroligidan qatʼiy nazar, professional sportchilar ham, havaskorlar ham ishtirok etishlari mumkin.

✅42 km (marafon), 21 km (yarim marafon), 10 km, 3 km masofalarga yugurish hamda shimoliy yurish musobaqalarida 15 yoshdan oshgan erkaklar va ayollar ishtirok etishlariga ruxsat beriladi.

✅Xalqaro marafoniga roʻyxatdan oʻtish Perfend.com va Yugur.uz platformalarida boshlandi. Roʻyxatdan oʻtish muddati 2025-yil 2-aprelda yakunlanadi.