Gulnavo's blog

Sizga kelajagingizdan xat kelgan ekan, bir o‘qib ko‘ring:

Hurmatli o‘zim. Men — 10 yildan keyingi senman. Ya’ni, sen bu xabarni o‘qiyotgan vaqtingdan 10 yil keyingi holatingman. Senga aytar gaplarim bor.

Avvalo, hammasi uchun rahmat senga. Bilasanmi nega rahmat?

• Taslim bo‘lmaganing uchun rahmat!
• Qiyin vaqtlarda maqsadlarimizdan voz kechmaganing uchun rahmat!
• Tishingni-tishingga qo‘yib, odamlarni gaplariga ahamiyat bermaganing uchun rahmat!
• O‘z g‘oya va qarorlaringga ishonganing uchun rahmat.

Kunlar o‘tdi, ko‘p maqsadlarimizga erishdik, odamlar hayotimizga keldi-ketdi va shu vaqt davomida men 3ta haqiqatni angladim:
1. Hurmatli men, o‘tmishim, shuni unutdagingki, hammasi niyatdan boshlanar ekan. Niyatingni doim pok saqla. Ibodat ham niyat bilan boshlanadi, taomlanish ham, ish ham. Shunday ekan har bir ishingdan avval go‘zal niyat qil.

2. O‘tmishdagi men, iltimos ota-onamizni qadrla. Hozir ularni yuzlariga ajin tushgan, sochlari oqargan, quvvati ketgan. Bilasanmi, mana shu quvvatni barchasi biz uchun sarflandi. Iltimos, imkoning boricha ko‘proq ularni xursand qil.

3. Iltimos, to‘xtama. Bu hayotda har qanday yutuqni ortida tinimsiz harakat turar ekan, shunga guvoh bo‘ldim. Har qanday yo‘nalishda, har qanday ishda go‘zal niyat bilan boshlab, ishni sevib, hech qachon tashlab qo‘ymagin.

… Exxxe, hozir sening holatingni ko‘rib juda kulaman. Kechalari potolokka qarab uxlay olmayotgan kunlaringni tomosha qilaman, ichingdagi dardlaringni aytishga odam topolmay yurgan vaqtlaringni kuzataman-da "qani endi bilganingda edi, seni qanday porloq kelajak kutayotganini, zarra siqilmas eding" deyman, kulib)

Hayotingdan ketayotgan insonlarga achinishingga ham kulgim keladi. Nega bilasanmi? Chunki, ozgina vaqt o‘tgandan keyin ular hayotingdan ketgani uchun Hamdlar aytasan. Alloh chevar zot…

Zo‘r kunlar bor oldimizda sen hali ko‘rmagan. Ota-onamizni Hajga olib borib, ularni duolarini olish zavqini his qilasan hali, kechasi daftaringga yozgan maqsadlaring amalga oshgandagi quvonchni his qilasan hali. Uxlolmay, siqilib o‘tkazgan tunlaring esa oila, farzandlaring bag‘rida sakinat bilan o‘tadigan tunlarga alishadi hali… ishon.

Faqat eng muhimi — iltimos, to‘xtama. O‘zingni sev, oilangni qadrla, o‘z qarorlaringga ishon.

Porla, zero seni porloq kelajaging kutmoqda!

@anvarovsblog