Gaplarim tasir qilmayaptiBaʼzan oʻylab qolaman blogda yozganlarimga oʻzim ham amal qilyapmanmi deb. Nazarimda yozgan postlarim yetarli darajada taʼsirli yoki foydali emas.
Kimlardur yaxshi inson deb oʻylab maslahat soʻrashadi qoʻldan kelgancha yordam beraman. Ammo oʻzimni koʻnglim toʻlmaydi. Bergan maslahatlarimga koʻpchilik amal qilmaydi.
Menimcha nega bergan maslahatlarimga tanishlarim amal qilmasligini va gaplarim tasirli (tasirli deganda "xarakatga undaydigan, va foydali" degan maʼnoda aytyapman) emasligini tushungandayman. Chunki bu maslahatlarning koʻpiga hatto oʻzim ham amal qilmayman.
Maslahatlarni podcast,kitob, maʼruzada eshitgan boʻlaman va oʻzim amal qilmasam ham boshqalar amal qilishi uchun aytaman va yozaman. Endi tushunib yetyapmanki eng zoʻr tavsiyalar va maslahatlar bu oʻzingiz amal qiladigan maslahatlar ekan.
Bir maslahat yoki biror ish foydali ekanligini yoki biror ish xato ekanligini katta ustozlar aytsalar maksimal oʻsha ishni qilishni va maslahlariga amal qilishga harakat qilaman. Xuddi shu maʼlumotni boshqa biror tanishim aytsachi, yoki biror yaqinim bajarish ehtimolim kam.
Nega bunday boʻladi ?
Ustozlar aytsa (hamma ustoz ham emas) qandaydur gaplari tasirli va amal qilish oson boʻladi. Menimcha javobni topgandayman. Chunki ustozlar oʻzlari amal qiladigan narsasini shogirdlariga aytadi. Shogirtlarida boʻlayotgan holatni va oʻsha jarayonni oʻsha yoʻlni ular ancha oldin bosib oʻtgan boʻlishadi.
Misol tariqasida aytaman,
Azizbek Rahimov ustozni koʻpingiz tanisangiz kerak. Ustoz
iqtibos podcast koʻrsatuvlari bilan yosh oʻzbek auditoriyasiga juda katta bilim va saboq bermoqdalar. Ustozni iqtibos podcastlarini yangi sonini chiqishini hech qachon boshqa narsani kutganchalik intiq boʻlib kutmaganman. Ustoz
iqtibos podcastlarida ham boshqa podcast va intervyularda ham hatto oʻz bloglarida ham yozishga koʻp targʻib qiladilar. Blog ochishga, fikrlarni yozishga, kundalik tutishga ham koʻp targʻib qiladilar. Oʻzlari ham yozgan notelari va jurnallari haqida aytadilar, baʼzilarini koʻrsatganlar ham. Oʻzlari ham iqtibos podcastni konspekt qilib koʻrishni tavsiya qiladilar.
Ishonsangiz ustozni tavsiyalarini 2 - 3 marta eshitgandan keyin podcastlarni konspektsiz koʻrolmaydigan boʻldim. Koʻrsam ham qandaydur koʻnglim toʻlmaydi. Chunki bilamanki eshitgan podcastimni
20% gina yodimda qoladi(agar diqqqat bilan eshitsam). Yozsam bu foiz ancha balandga koʻtariladi(30% ga).
Eshitish jarayonida atrofga chalgʻisangiz ham qulogʻingizda audio ketaveradi, ozgina chalgʻisangiz umumiy maʼnoni tushunushingiz qiyinlashadi. Eshitish jarayonida doim ham diqqat shart emas. Yozish jarayonida esa siz bir maʼlumotni yozish uchun maʼlum bir video yoki podcastni diqqat bilan koʻrishingiz kerak. Biror narsani yozar ekansiz, yozib uni oʻzingizga tushunarli qilib olasiz. Agar uni kimgadur tushuntirib bersangiz yana ham koʻproq esingizda qoladi.
Oxirgi chiqgan Iqtibos podcastni 3 ta sonini 1 martadan eshitib chiqganman, lekin yozib konspekt qilmaganim uchun uni koʻrdim deb hisoblamayman. Ustoz konspekt qilish kerakligini shunday tushundirib berdilarki,
Iqtibos podcastni konspektsiz koʻrolmaydigan boʻlib qoldim.
Xulosa: Gaplaringiz va maslahatlaringiz taʼsirli va eshitganlar amal qiladigan boʻlishini xohlasangiz avval oʻzingiz amal qiling.
@goyibnazarov_blog27.01.2024
