📢📢 “O‘zbekistondagi parlament saylovlari natijalari: xalqaro nigoh va islohotlar davomi” xalqaro konferensiyasida ishtirok etish uchun ro‘yxatdan o‘tishga shoshiling!

Progressiv islohotlar markazi 5-dekabr kuni “O‘zbekistondagi parlament saylovlari natijalari: xalqaro nigoh va islohotlar davomi” mavzusidagi xalqaro konferensiyasini oʻtkazadi.

Konferensiyaning maqsadi – 2024-yilda bo‘lib o‘tgan parlament saylovlari natijalarini tahlil qilish, qonun chiqaruvchi hokimiyatning islohotlarni jadallashtirishdagi o‘rni hamda parlament va fuqarolik jamiyati o‘rtasidagi hamkorlik istiqbollarini muhokama qilish uchun xalqaro muloqot maydonini yaratish.

Ishtirokchilar – yangi saylangan parlament a’zolari, hukumat idoralari, diplomatik korpus vakillari, xalqaro tashkilotlar, ilmiy doiralar, OAV va fuqarolik jamiyati vakillari.

Konferensiyaning asosiy mavzulari:
🔹 2024-yil parlament saylovlari natijalari va ularning mamlakat rivojlanishiga ta’siri;
🔹 Parlamentning islohotlar davridagi strategik o‘rni va vazifalari;
🔹 Parlament va fuqarolik jamiyati o‘rtasidagi hamkorlikni kuchaytirishning yangi imkoniyatlari.

Konferensiyaning ishchi tili – ingliz tili bo‘lib, o‘zbek va rus tillariga sinxron tarjima ta’minlanadi.

Ro‘yxatdan o‘tish uchun so‘nggi muddat: 4-dekabr.

👉Ro‘yxatdan o‘tish

@cpr_uz

LinkedIn | Twitter | Instagram