Salaflardan birlari aytadi: “Shayton alayhi la’na shunday derkan: “Odam bolasini bir narsa ustidan zafar quchsam, keyin tark etib qo‘yaverardim, keyin qanaqa ibodat qilsa qilaversin”. Undan: “Qaysi amal ekan?” deb so‘rashdi. Shayton: “Kasbini, tirikchiligini haromdan qilib olsam bo‘ldi. Shundan so‘ng yesa haromdan yeydi, ichsa haromdan ichadi, agar kiysa haromdan kiyadi, sadaqa qilsa harom molidan sadaqa qiladi. Ro‘za tutib iftor qilsa, u ham haromdan topgani bilan bo‘ladi. Agar uylanib oila qursa ham harom moldan sarflab uylanadi va haj qilsa, harom mol-dunyodan sarflab haj qiladi”, dedi.