Farrukhbek's channel

Iy uzur

Bugun men ham DeepSeek sun'iy intellektini sinab ko‘rdim, chunki ayamning zo‘r gapi bor: "Nima bosang ham eldan qolma," degan 😁.

Xullas, hazilni chetga surib gapiradigan bo‘lsak, ancha yaxshi ekan. Faqat hozircha o‘zbek tilida biroz qiynalayotgani seziladi. Buni hisobga olmasa, umuman olganda yaxshi chiqibdi. Gaplari ChatGPT'nikiga o‘xshash. Juda zo‘r startap deb o‘yladim, qoyil qoldim.

Yana bir jihati shundaki, shu voqeadan so‘ng Nvidia kompaniyasining bozor qiymati bir kechada 13% ga pasaydi. Asosiy sabab esa har doimgidek bozor ishonchi bo‘ldi.

Shunaqa holatlarda o‘ylab qolaman: bir necha kishidan iborat, balki 10-20 kishidir, xullas, shu insonlar yig‘ilib bunday narsalarni qilishadimi? Nahotki bu noreal? Yo‘q, buni iloji bor. Lekin yaxshilab o‘rganish kerak.

Ba'zida shu sohaning kelajagini ko‘rib juda xursand bo‘lib ketaman. Katta gigant kompaniyalarga qarshi chiqishga ulkan imkoniyat kerak emas. Faqat kerakli joyda kerakli ishni qilish lozim.

Nima ham deymiz, kompaniya kelajagiga omad! Bu kabi kelajak g‘oyalari bizni faqat ilhomlantiradi va kelajakka bo‘lgan qarashlarimizni yanada ruhlantiradi.

Xullas, xulosa: kelajak shu yerda, faqat uni biz xohlasakgina shunday bo‘ladi. Sog‘ bo‘ling, doim yuksaklikka intiling!

Sizlar bilan Ballu. Peace ✌🏻

@farruu_a

Kashf qilish bizni doim ilhomlantiradi va o'stiradi. Kecha ham bir insonni o'zim bilmagan tomondan kashf qildim (o'zi umuman bilmayman). Xullas, har bir inson o'zgacha olam, har bir insonning o'z haqiqati bor. Bizga umuman sirli va e'tiborsiz ko'ringanlar aslida juda kuchli taassurotlar qoldirishi mumkin.

Bugungi olgan eng yaxshi xulosam – kuningizni rejalashtiring. Rejalashtirilmagan kun eng unumsiz kun bo'lishini tushundim. Haqiqatan, kunimizni rejalashtirmasak, xuddi bugun dam olish yoki hech qanday mas'uliyatni his qilmaganday bo'lib qolamiz.

O'rgangan eng muhim yana bir jihat – kunni yakunida o'zingizga hisobot berish. Bu orqali o'z oldingizdagi mas'uliyatni his qilasiz va "ishlarim nega yaxshi ketmayapti?" degan savolga javob topasiz yoki aksi. Xullas, kunni rejalashtirish samaradorlikni bir necha barobarga oshirishi mumkinligini bugun tushunib yetdim.

To'g'ri, buni hamma bilishi mumkin. Bu huddi kitob o'qish foydali degan so'zga o'xshaydi, lekin uni amalda qo'llash – umuman boshqa daraja. Xullas, umumiy xulasam – men ham harakat qilaman kunimni rejalashtirishga va shunga amal qilishga. Kun oxirida o'zimga hisobot beraman va kunlik FISH (foydali ish koeffitsiyentini hisoblab boraman).

To'g'ri, buni ham qila olmasligim mumkin, lekin urinib ko'rish kerak-ku! Urinib ko'rsam, qila olishim yoki qila olmasligim mumkin, lekin urinib ko'rmasam, aniq qila olmayman. O'zi bu narsani hayotimizdagi hamma narsaga tatbiq qilib o'tkazsak ham bo'larkan. Masalan, biror ish qilyapsiz – uni o'zingizning tartibingizda bir necha bo'laklarga bo'lib bajarish.

Xullas, yakuniy gap – rejalashtiring! Hammaga rahmat, sog‘ bo‘ling, doim yuksaklikka intiling. Sizlar bilan ballu, ko'rishguncha....

@farruu_a

Assalomu alaykum, hammaga hayrli kech! Bilaman, bir-ikki oydan buyon tayinli narsa chiqarmayapman. To‘g‘risi, o‘zim ham juda katta hijolatdaman: sizlarning oldingizdagi mas’uliyatimni to‘liq his qilolmayapman. Lekin haligacha shu yerdaligingizdan xursandman.

Xullas, do‘stlar, bugun sizlar bilan yil boshida tuzishingiz kerak bo‘lgan ba’zi maslahatlar bermoqchiman. Negadir yilning birinchi oyi tugamoqda, lekin men uni deyarli unutdim — hech narsa qilmayapman. Xo‘p, mayli. O‘zi hammamiz, ya’ni MDH davlatlari aholisi, asosan yil boshidan o‘zimizga qandaydir maqsadlar qo‘yamiz: bu yildan zalga chiqaman, o‘z ustimda ishlab, sohamda zo‘r mutaxassis bo‘laman, ingliz va rus tillarini o‘rganaman va hokazo. Shunday orzu-maqsadlarni oldimizga qo‘yib, o‘z miyamizga juda katta bosim berib qo‘yamiz. Natijada qarabsizki, na unisiga, na bunisiga ulgurasiz.

Men ham o‘tgan dekabr oyida: “Yangi yildan keyin o‘zimni chiroyli ‘upakovka’ qilib, sahifamni professional va did bilan yuritaman, o‘z stilimni topib, insonlar/buyurtmachilarga qandaydir emotsiya va vizualga ega kontentlar chiqarman, til o‘rganishga harakat qilaman, bu sohada yana biror kursni o‘qib rivojlanaman”, deb niyat qilib qo‘ygandim. Sohamni yaxshiroq qilishga harakat qilayotgandim, natijada o‘zim bilmagan holda deyarli hech narsa qilmadim. Bunga asosim ham yo‘q — shunchaki erinchoqligim.

Endi boshqacharoq maqsad qo‘ymoqchiman, ya’ni har kuni nimadir qilaman: kam qilaman, lekin davomiy qilmoqchiman. Anchadan buyon, to‘g‘risi, kitob o‘qishni rejalashtirib yurgandim, lekin hech realizatsiya qila olmayotgandim. Ya’ni nima demoqchiman: bu odatni shakllantirish, to‘g‘ri, qiyin bo‘ladi. Shuning uchun uni davomiyligini yo‘qotmaslik uchun birinchi kuni 1 soniya o‘qimoqchiman (ya’ni bir soniya kitob o‘qiyman) va ertasi kunigacha umuman o‘qimayman. Lekin ertasi kuni albatta o‘qiyman, endi 10 soniya. Xullas, ma’lum bir o‘zgarish uncha katta bo‘lmagan, ammo sezilmas farqlar orqali odat va tezlanishni kuchaytirib bormoqchiman.

Hozir xayolimga keldi: shu kanalim uchun har hafta kamida “3+1” ta post — ya’ni uchta post yozaman va yakshanba kuni umumiy haftalik qandaydir hisobot posti bo‘ladi. Buni ham eplay olamanmi, bilmayman, lekin eksperiment qilib ko‘rishim kerak. Sababi kunlar, haftalar, oylar o‘tib bormoqda.

Xullas, hammaga rahmat, do‘stlar! Ko‘rishguncha sog‘-salomat bo‘ling, doim yuksaklikka intiling!

@farruu_a

Yangi yil bilan!!

365 kunlikni bitta qilish shartmas, do'stlar;)

P/S. Boshqa kunlari ham yesela bo'ladi

😂😂😂

Credits : @avazbekkhamidov

Insonlar, hammangizga assalomu aleykum, xayrli kech!!

Ushbu yil davomida sizlar bilan juda katta tajribalar oldik va birgalikda o'sdik, sizlar oldingizdagi va umuman har bir postimdagi mas'uliyatni his qilgan holda barchangizga o'z bilim va tajribalarimni bo'lishishga xarakat qilib keldim va ulardan ozmi ko'pmi manfaat olayotgan bo'lsangiz, bundan juda xursandman va minnatdorman.

Va shu o'rinda sizlardan bir narsani iltimos qilmoqchiman: meni yozayotgan postlarim haqida, qilayotgan ishlarimni va umuman inson sifatida qanday o'ylasangiz, iltimos, shu haqida o'z munosabatingizni yozib qoldirsangiz, juda xursand bo'lar edim.

@farruxbekaloqabot

ushbu bot orqali menga yozib qoldirishingiz mumkin, agarda shaxsingizni sir bo'lishini xohlasangiz, bu yerga yozib qoldirishingiz mumkin.

Va har biringizning fikringiz men uchun juda muhimligini ham aytmoqchiman.

Yil yakunida men haqimdagi ham umumiy, ham samimiy fikrlaringizni bilish men uchun juda muhim.

Barcha fikrlarni jamlagan holda kelgusi yildan ushbu blogimni formatini aniqlashtirishga, uni ya'nada yaxshi qilishga, reja va konseptlar tuzishga xarakat qilaman.

Agarda nima haqida yozishni bilmasangiz, quyidagi savollarga javob yozib ketishingiz mumkin (albatta bu shunchaki tavsiya😁):

1. Men haqimdagi umumiy taassurotlaringiz: Qanday fikrlar, g‘oyalar va qanday turdagi postlarim sizga manzur bo‘ldi? Qanday jihatlarimni kuchli, qaysi tomonlarimni esa rivojlantirish kerak deb o‘ylaysiz?


2. Yil sarhisobi: 2024-yilda qanday o‘zgarishlar, yangiliklar yoki muvaffaqiyatlar sizda yoki menga ilhom bag‘ishladi deb hisoblaysiz?


3. Kelgusi yil maqsadlari: 2025-yilda men nimalarga e’tibor berishim kerak? Yana qanday postlar yoki mavzularni ko‘rishni istaysiz?

Qisqa bi yildan olgan xulosam shuki, bir ishni jin dildan yaxshi ko'rib qilarkansiz, albatta u o'z natijasini ko'rsatadi. Uni qanday darajada bo'lishi sizning chin dildan qilgan niyatingiz va harakatingizga bog'liq.

Fikrlaringizni qanday qoldirasiz? Ushbu anonim botga istalgan paytda yozishingiz mumkin(yoki shaxsan o'zimga😁).

Men esa xulosa qilish uchun butun fikrlarni yig‘aman va kelgusi yil reja hamda loyihalarimni aynan Siz – insonlar – bildirgan fikrlar asosida shakllantiraman.

Yordam va ishtirokingiz uchun oldindan rahmat!

Hurmat bilan, Farrukhbek Rakhmatov

Va albatta, hammangizni juda xurmat qilaman.

O'z maqsadiga ega insonlar bu yerda yig'ilganidan juda xursandman.

Xammangizga katta raxmat!!

@farruu_a

erkak kishi ishxonaga kirayotganida xissini,
uyiga kirayotganida aqlini ko‘chaga qoldirib kirishi kerak ekan.

Credits : abkholov