Farg‘ona tumanida “Jaholatga qarshi ma’rifat” mavzusida davra suhbati o‘tkazildi

Farg‘ona tumani "Mashʼal" mahallasi hududidagi 48-sonli umumiy oʻrta taʼlim maktabida Din ishlari bo‘yicha qo‘mitaning Farg‘ona viloyati hududiy boshqarmasi, Respublika Maʼnaviyat va maʼrifat markazi tuman bo‘linmasi hamda maktab ma’muriyati ishtirokida yuqori sinf o‘quvchilari bilan “Jaholatga qarshi ma’rifat” mavzusida davra suhbati tashkil etildi.

Tadbirda Din ishlari bo‘yicha qo‘mitaning Farg‘ona tuman bo‘yicha bosh mutaxassisi Ilhomjon Abdurahmonov, Respublika Maʼnaviyat va maʼrifat markazi tuman bo‘linmasi yetakchi mutaxassisi Shavkatjon Xomidov, maktab ma’muriyati va o‘quvchilar ishtirok etdilar.

Davra suhbatida shukronalik tuyg‘usini shakllantirish, ijtimoiy tarmoqlardan oqilona foydalanish, kitobxonlik madaniyatini oshirish, yot g‘oyalarga berilmaslik, jinoyatchilik va huquqbuzarliklarning oldini olish, jamiyatda ijtimoiy-maʼnaviy muhitni sog‘lomlashtirish kabi masalalar yuzasidan tushuntirish berildi.

Shuningdek, tadbir davomida o‘quvchilarga “Zalolatga dalolat qilganlar” nomli videorolik namoyish etildi.


Sayt | Telegram | Facebook | Instagram | YouTube | X | Threads