Farg‘ona tumanida yangi rahbar lavozimiga tayinlandi

Iqtisodiy jinoyatlarga qarshi kurashish departamenti Farg‘ona tumani bo‘limi boshlig‘i lavozimiga adliya maslahatchisi Meliyev Siddiqjon Kozimjonovich tayinlandi.

Siddiqjon Meliyev yangi lavozimda ish boshlashidan avval, Iqtisodiy jinoyatlarga qarshi kurashish departamentining Quva tuman bo‘limi boshlig‘i lavozimida samarali faoliyat yuritgan. U o‘zining tajribasi va masʼuliyatli yondashuvi bilan yangi masʼuliyatlarni ham muvaffaqiyatli bajarishiga ishonch bildirilmoqda.

Meliyev Siddiqjonning yangi lavozimga tayinlangani Farg‘ona tumani hokimligida dekabr oyi mahalliy byudjet daromadlari rejasi ijrosini ta'minlash bo‘yicha o‘tkazilgan tahliliy-tanqidiy yig‘ilishda tumandagi korxona, tashkilot va muassasa rahbarlariga tanishtirildi.

Farg‘ona tuman hokimligi nomidan Siddiqjon Kozimjonovichga ushbu masʼuliyatli lavozimdagi faoliyatida ulkan muvaffaqiyatlar tilab qolamiz! Uning boshqaruvidagi bo‘lim tuman iqtisodiy barqarorligini taʼminlash va iqtisodiy jinoyatlarning oldini olishda samarali natijalarga erishishiga xizmat qiladi.


Sayt | Telegram | Facebook | Instagram | YouTube | X | Threads | WhatsApp