- Tog'a, Rossiyadagi migrantlarimiz bizga pul jo'natyapti, Xitoy investitsiya kirityapti, turkiy davlatlar o'zlikni saqlab qolishimizni taklif qilyapti, G'arb demokratik institutlarni shakllantir va rivojlan deyapti. Qaysi biriga quloq osay? Qaysi biri do'st?
- Endi, jiyan! Har kim o'zini o'ylaydi. Rossiyaga qolsa o'zbek butun umr Moskva ko'chalarini supurib yursa, Xitoyga qolsa, bozorimizni olsa, pirovardida o'zini iqtisodiyoti gullab yashnasa, Yevropaga qolsa, bizni o'ziga qo'shsa, natijada kuchaysa, o'zini strategik maqsadlariga erishsa. O'zbekka qolsa... biyag'i yurakni ezadi, jiyan! O'zbekka qolsa, rusdan rubl kelib tursa, qo'sha-qo'sha uy qilsa, bir Barsa, bir Real yutsa, GMdagi navbati tezroq kelsa, Saturnni Yupiterga qilgan javobi tezroq chiqsa... Eh, jiyan! Bir kun qarindoshlar dasturxon ustida gurung qilib o'tirsak, mushuk dasturxondan bir kaft go'shtni ola haydadi. G'aflatda qolibman. Kuchugimga qarasam, derazadan ko'zlarini mo'ltiratib o'tiribdi. Unga qolsa, suyakni kamroq g'ajisam. Ovqatimni yuqi ko'proq qolsa.... E, jiyan! Sen politikaga ko'pam qiziqaverma, qani nosdan olchi. Miyam yorilay deyapti.
@ezma_shoir