Vazirlar Mahkamasining “Sanoat korxonalarining atrof-muhitga salbiy taʼsirini kamaytirishni taʼminlash chora-tadbirlari to‘g‘risida”gi 783-son Qarori bilan sanoat korxonalari tashlamalarning monitoringini yuritishning zamonaviy va samarali tizimi yo‘lga qo‘yilmoqda.

Shuningdek, huquqiy hujjat bilan atrof-muhitga taʼsir etuvchi sanoat korxonalarining ifloslantiruvchi manbalarida yuqori samaradorlikka ega chang-gaz tozalash uskunalarini o‘rnatish hamda ulardan hosil bo‘ladigan oqova suvlarni tozalash inshootlari bilan jihozlash tarmoq jadvali tasdiqlanmoqda.

Mazkur tarmoq jadvalida tadbirlarni amalga oshirishda o‘ziga xos milliy standartlar hamda nazorat yuritishning aniq mexanizmlari belgilab qo‘yildi.

Qaror bilan bir qator ekologik normativ-huquqiy hujjatlarga qo‘shimcha va o‘zgartirishlar kiritildi, xususan Vazirlar Mahkamasining 2020-yil 7-sentyabrdagi 541-son qarori bilan tasdiqlangan Davlat ekologik ekspertizasi to‘g‘risidagi nizomga atrof-muhitga taʼsiri bo‘yicha I va II toifaga kiruvchi yangi obyektlarni loyihalashtirishda yuqori samaradorlikka ega chang-gaz tozalash uskunalari va (yoki) lokal suv tozalash inshootlari o‘rnatilishi ko‘zda tutilmagan loyihalarni davlat ekologik ekspertizasidan o‘tkazish man etilishi belgilab qo‘yildi.

Shuningdek, Davlat ekologik ekspertizasi xulosasi tegishlicha Davlat ekologik ekspertizasi markazi va uning Qoraqalpog‘iston Respublikasi, viloyatlar va Toshkent shahar filiallari rahbarlari tomonidan belgilangan tartibda tasdiqlanishi ko‘rsatib o‘tilmoqda.

🌍Veb-sayt 🕊 Telegram 📱 Facebook 📺Youtube