Prezident oʻz nutqida Oʻzbekiston yoshlari turli sohalardagi yutuqlari bilan tengdoshlariga oʻrnak boʻlayotganligini taʼkidlab, ularga katta ishonch bildirdi.
Xususan, davlat rahbari bugun yoshlar tadbirkorligida mutlaqo yangi davrni boshlab beradigan 3 ta katta hujjatga imzo chekkanini eʼlon qildi.
Hujjatlarga koʻra, Yoshlar tadbirkorligini rivojlantirish, oliygoh bitiruvchilari bandligini taʼminlash, yoshlarning biznes loyihalarini qoʻllab-quvvatlash maqsadlariga jami 400 million dollar ajratildi.
Jumladan, Aloqabank hududlarda “yoshlar biznes inkubatori” tashkil qilib, yoshlar gʻoyalarini startapga aylantiradi, ularni 6 oydan 3-yilgacha qoʻllab-quvvatlab, tayyor biznes, korxona darajasiga olib chiqadi.
“Aloqa venchur” jamgʻarmasi orqali startaplarga 50 mingdan 1 million dollargacha sarmoya kiritib, mahsulot va xizmatini ichki va xalqaro bozorlarda sotish, biznes hamkor topish, qoʻshimcha investitsiyalar jalb qilishga koʻmaklashadi.
Yil yakuniga kamida 2 mingta yosh tadbirkor gʻoyalarini qoʻllab-quvvatlanib, startaplar soni 200 taga yetkaziladi.
Buni hisobiga keyingi yil mart oyigacha 350 ming yoshni loyihalar bilan qamrab olib, qoʻshimcha 100 mingta yuqori daromadli ish oʻrinlari yaratiladi.
Markaz rasmiy sahifalari
Telegram | Facebook | Twitter | Youtube