Toshkent shahar hokimligi huzuridagi fuqarolarning oʻzini oʻzi boshqarish organlari xodimlarining malakasini oshirish markazida “Oʻzbekiston — 2030” strategiyasida belgilangan maqsadlarni samarali amalga oshirishda “mahalla yettiligi”ning oʻrni va roli” mavzusida davra suhbati oʻtkazildi.

Tadbirda “Taraqqiyot strategiyasi” markazi boʻlim boshligʻi Avazbek Xolbekov “Oʻzbekiston — 2030” strategiyasida jamiyat ishlarini boshqarishda mahallalar va davlat organlarining hamkorligini mustahkamlash, ularning faoliyatini yanada kuchaytirish boʻyicha belgilangan vazifalar haqida maʼlumot berdi.

Xususan, Strategiyada 2030-yilgacha mahalla mablagʻlarini aholining ovoziga koʻra, infratuzilma loyihalariga yoʻnaltirish amaliyotini joriy qilib, mahallalardagi muammolarni hal etish uchun ajratiladigan mablagʻlar miqdorini kamida 3 barobar koʻpaytirish, aholi tashabbusi bilan infratuzilmani yaxshilashga ajratiladigan mablagʻlarni 24 trillion soʻmga yetkazish, mahallalarda 100 dan ortiq davlat xizmatlarini “bir qadam”da koʻrsatishni yoʻlga qoʻyish, aholi bilan ishlashga qaratilgan jarayonlarni 100 foiz raqamlashtirib, har bir mahallada “elektron xizmat nuqtalari”ni ishga tushirish vazifalari koʻzda tutilgan.

Markaz rasmiy sahifalari
Telegram | Facebook | Instagram | Twitter | Youtube